síðustu

dagar hafa verið óvenjulega annasamir hjá mér, langt síðan ég hef átt svona buzy viku:-)

 Byrjum á fimmtudeginum 3. maí sem var langur og viðburðaríkur.
Ég mætti  í vinnu kl. 09:00 og vann til 17:00.
Þá tók við undirbúningur fyrir kvennakvöld Blásala sem var liður í fjáröflun fyrir Svíþjóðarferðina.
Gestirnir streymdu svo í hús um kl. 19:00 og var dagskrá, matur, happdrætti, kynningar, söngur, spjall og almenn gleði í húsinu til að verða 22:00.
 Þá átti eftir að taka aðeins til og kom ég heim um kl 22:30 eftir langan og skemmtilegan dag og vel heppnað kvennakvöld:-)

Helgin 4-6 maí var róleg (bíóferð, heimsóknir, búðarráp og leikfimi),  en svo tóku við fjölbreyttir, langir, skemmtilegir og viðburðaríkir dagar:-)

Mánudaginn 7. maí átti Jói minn þrítugsafmæli og var haldið upp á það í faðmi fjölskyldu og vina:-)
Eftir vinnu dreif ég mig heim, fór í sturtu, skipti um föt og náði í mömmu í leiðinni.
Við fórum út að borða á Roadhouse 10 manna hópur, fengum gott að borða og svo var haldið í Hæðargarðinn þar sem tók við kökuát, kaffidrykkja, fleiri gestir og pakkaopnun..
myndir frá afmælinu má sjá á myndasíðunni;-)

Á þriðjudaginn fór ég í vinnuna og um kvöldið á búddistafund..

Miðvikudagskvöldið fór í stórbakstur, gulrótarkaka og muffinsframleiðsla:-)
Ég var í raun að baka fyrir 2 tilefni, þ.e. saumaklúbb sem var haldinn kvöldið eftir og fyrir vinnuna á föstudagsmorgun þar sem deildin mín var með veitingar fyrir starfsfólkið þennan mánuð (deildarnar skiptast á að koma með veitingar mánaðarlega).
Svo langaði mig í möffins þetta kvöld þar sem ég var hvort sem er að baka svo ég henti í eina uppskrift fyrir okkur heimilsfólkið:-)

Fimmtudagur: vinna til 17:00, brunað heim, kríublundur, sturta og svo saumaklúbbur hjá fyrrverandi og nokkrum núverandi samstarfskonum í Blásölum.
Skemmtilegur hittingur og samverustund, mikið hlegið, borðað, rifjað upp ýmislegt  innan og utan vinnustaðar, m.a. úr óvissuferðum, teknar myndir, sagt frá nýjum vinnustöðum og margt fleira:-)

Leti og afslöppun einkenndi helgina enda veitti ekki af eftir langa og fjölbreytta viku:-)

Framundan: vakna snemma í fyrramálið og mæta klukkutíma fyrr í vinnuna til að selja foreldrum gómsæta kanilsnúða og fleira, síðasta fjáröflunin fyrir ferðasjóðinn...

Frí á fimmtudaginn, kíki væntanlega í heimsókn til mömmu og jafnvel bíóferð um kvöldið...
Stelpukvöld á laugardaginn.

Sumarfrí á mánudaginn sem verður þó ekkert frí, heldur er nóg planað þann dag, tvær læknaheimsóknir, bílskoðun, kaupa gjaldeyri og kannski eitthvað fleira...

Búddistafundur á þriðjudagskvöldið, klipping á fimmtudaginn eftir vinnu...

Aðfaranótt laugardagsins 26. maí, farin til Stokkhólms í námsferð:-)
Kem heim miðvikudaginn 30 maí:-)

Jamm, svona gengur þetta nú fyrir sig:-)
Óska ykkur góðra daga, hamingju, góðrar heilsu og sigurs á öllum sviðum lífs ykkar:-)

vil enda á búddískri leiðsögn eftir formann bresku SGI samtakanna.
P.S.  Daisaku Ikeda er stundum kallaður Sensei:-)

 Þegar Sensei talar um „fólk", þá er hann að tala um okkur öll.  
Við höfum ótrúlega hæfileika til að breyta heiminum.  
Leiðsögn Sensei er ekki fræðileg heldur fjallar hún um raunverulegt fólk. 
Um raunveruleikann.  Finnið út hver er tilgangur lífsins.  
Ekki sóa tímanum.  Takið ákvörðun núna. 
Leysið öll vandamál sem valda ykkur þjáningum.  
Leysið þau núna.  Peningavandamál, sambandsvandamál,  heilsuvandamál o. s. frv. 
Ekki vera „plöntur" sem bara „eru".  Lifið lífinu. 
Ef þið getið sagt á kvöldin:  „En frábær dagur. Ég hlakka til morgundagsins", þá eruð þið lifandi.  Ekki bíða!  Framkvæmið núna!  
Takið ákvörðun fyrir framtíðina, gerið langtímaásetninga, jafnvel þótt þið sjáið ekki fyrir ykkur hvernig þeir muni rætast.  
Ekki bíða.  Núna er rétti tíminn! 

Ricky Baynes, formaður SGI-UK
(Þýtt úr kynningarbæklingi bresku samtakanna: 
(SGI-UK Soka Gakkai International - United Kingdom)

allt og ekkert

Langt síðan ég hef skrifað færslu, dagarnir líða, sumir eru tíðandalitir og í rútínu, en aðrir eru fjölbreyttir og fullir af litlum ævintýrum:-)

Miðvikudaginn 18. apríl mætti ég í leigubíl í vinnuna kl 09:00 með bakpoka fullan af allskonar dóti, s.s. söngvatn, , sundföt og snyrtidót. Ég vann til 17:00 en þá tók við óvissuferð Blásala:-)

Við löbbuðum af stað í gegnum hverfið, niður í Elliðaárdal og í átt að Árbæjarlaug. Á leiðinni stoppuðum við, settumst í grasið og fengum okkur nesti:-)

Að lokinni hressingu fórum við í anddyrið á lauginni, skemmtinefndin lét sem við værum að fara í sund en hættu svo við og sendu okkur inn í rútu sem beið fyrir utan..

Í rútunni fengu sumir fengu sér söngvatn og við keyrðum hlæjandi og syngjandi sem leið lá inn í Kópavog. Gleðin var allsráðandi og ekki minnkaði hún þegar við stoppuðum fyrir utan Mecca Spa á Nýbýlaveginum:-)

Þar fengum við kampavín og vorum í góðum gír, afslöppun, frábærri stemmingu, hópefli, sundlauginni, heita pottinum og gufinni í c.a. klukkutíma:-)

Þegar allir voru búnir að klæða sig og snyrta var farið upp í rútuna og nú var keyrt krókaleiðir um Kópavog. Keyrðum upp að Turninum (fórum samt ekki að borða þar) og í Smáralind (fórum heldur ekki í Skemmtigarðinn). Enduðum svo í Grafarvogi þar sem ein úr skemmtinefndinni á heima..

Fengum gómsæta kjúklingasúpu sem skemmtinefndin hafði eldað kvöldið áður, snakk, ost, brauð, kaffi og nammi:-)

Sátum svo í rólegheitum, hlógum mikið, spjölluðum, hlustuðum á músík, höfðum það kózý og gaman saman:-)

Þegar leið á kvöldið fór fólk að týnast heim og við Heiður vinkona vorum með þeim seinustu að fara heim um kl 23:30, partýið búið og næstum allir farnir heim, sáttir, lúnir og glaðir eftir frábæran, viðburðarríkan, notalegan og vel heppnaðan vinnu og skemmtidag:-)

Undanfarnir tveir mánuðir hafa verið góðir, erfiðir, skemmtilegir, fjölbreyttir, tíðindalitlir, tilfinningarríkir, undarlegir, frábærir, flóknir, einfaldir og allt þar á milli..

Á virkum dögum hefur rútínan og letin verið frekar ríkjandi hjá mér, hef farið í vinnuna og komið svo heim í rólegheit, en sum kvöld hef ég gert eitthvað annað, farið í heimsóknir, á fundi, í leikfimi, kíkt í bíó, passað Gunnar yndislega frænda minn og eitthvað fleira.

Um helgar hef ég verið virkari og gert ýmislegt, t.d. bakað, farið á kaffihús, farið út að ganga, kíkt í bæinn, fengið heimsóknir, passað Gunnar, horft á sjónvarpið og margt fleira:-)

Framundan er svo m.a. að kíkja á litla prinsinn hennar Gyðu vinkonu, læknisheimsókir, konukvöld, leikfimi, bíóferð, jafnvel dansiball, fundir, kyrjanir og fleira:-)

Það er samt einkum tvennt sem ég hef eytt tíma, orku og peningum í undanfarið..

Annað tengist námsferðinni til Svíþjóðar sem ég er að fara í með Blásalagellunum(vinnunni) núna í maí:-)

Að fara með hóp í ferð þýðir að það þarf að safna aurum í sameiginlegan ferðasjóð..

og það höfum við sko gert með kökubakstri og kökubasar, selt uppskriftabækur, lakkrís, hlaup, bökunarpappír og jólakort, verið með happdrætti og framundan er konukvöld sem hefur tekið tíma að undirbúa, m.a, að bjóða gestum, fá vinninga í happdrættið og skipa í nefndir:-)

Hitt sem ég hef verið að dunda mér við og gera tilraunir tengist mataræði og heilsu:-)

það er langt síðan ég byrjaði að hugsa um þessa hluti(út af magaveikindum) og hef tekið út ýmsar fæðutegundir, t.d. rjóma en nú er komin lengra í átt að betri heilsu.

Ég hef verið að prófa mig áfram í grænmætis- og hráfæði, keypt mér matreiðslubækur, hráefni, blandara og safapressu til að gera grænmetis og ávaxtasafa og það hefur gengið mjög vel. Ég drekk grænan safa á hverjum degi, mér líður miklu betur, hef lagað magann mikið, veikindadögum hjá mér hefur snarfækkað, ég finn betur hvað fer vel í mig og hvað er vont fyrir líkamann og þetta er allt annað líf:-)

En það er ekki nóg að drekka bara safa, það þarf líka að borða mat:-)

svo ég hef tekið þetta lengra, er að taka út hveiti, sykur, ger, lyftiduft, flest allt kjöt(borða einstaka sinnum kjúkling) og það hefur gengið vel, nema það er vandasamt að taka út alveg hveiti og sykur því það er í svo mörgum matartegunum en ég reyni, því hveitið fer illa í mig, og ég vil ekki borða þetta gervisykurseitur sem safnast upp í líkamanum, borða þá frekar venjulegan sykur sem ég get brennt.

Mataræðið mitt samanstendur aðallega af allskonar grænmetisfæði(t.d. grænmetisbuff og súpu) hrátt og eldað grænmeti, ávöxtum, fiski(soðnum, steiktum, fiskibollum), döðlum, fræjum, hnetum, möndlum og þess háttar, bauna og byggbuff, nokkrum mjólkurtegundum, ákveðinni tegund af hrökkkexi og eitthvað fleira. ég nota t.d. möndlumjólk út í ávaxtaþeyting, namminamm, og ég prófaði líka að nota hana út í kaffið, hún er mjög góð:-)

Ég kaupi reyndar flest af grænmetisbuffinu og fiskibollurnar tibúið og það er gott og fer vel í mig, en mig langar að prófa seinna að útbúa þetta sjálf, það verður næsta skref í tilraunaeldhúsinu:-)

En stundum langar mig líka í brauð, kex og kökur og þar sem ég forðast hveiti,sykur, ger og lyftiduft, eins og má finna í flatkökum, kexi, kökum og brauði þá er bara eitt í stöðunni, það er að baka sjálfur:-)

Ég hef verið að prófa mig áfram í bakstri og það hefur gengið vel, einkum muffins sem hefur heppnast mjög vel og klárast alltaf mjög fljótt, sérstaklega þegar ég fæ gesti:-)

Brauðið tókst ekki alveg eins vel(enda hef ég bara prófað einu sinni) en það þýðir ekkert að gefast upp, bara að halda áfram og prófa fleiri uppskriftir og hráefni:-)

Þessar uppskriftir innihalda m.a. hveitiklíð, spelt, fræ, döðlur, banana, ávexti, sykurlausa sultu, suðusúkkulaði, ab-mjólk, maísmjöl, vatn, vínsteinslyftiduft, vanillusykur og margt fleira;-)

Já, það er hægt að breyta ýmsu ef viljinn er fyrir hendi:-)

þetta tekur allt tíma, vinnu, þolinmæði, hugrekki, áhuga, húmor, aura, útsjónarsemi, vilja og fórnir en er alveg þess virði:-)

og það er allt í lagi ef eitthvað misheppnast, þá er bara að prófa aftur:)

Vona að ykkur líði vel, njótið sólarinnar og eigið gæðastundir með ykkur sjálfum og fólkinu ykkar:-)

risasknús og kossar...

sandra sumarbarn.

Ánægð

með helgina, því ég náði að sinna mörgum sviðum í lífi mínu og var nokkuð dugleg í sambandi við ákveðna hluti eftir langt letikast;-)

Á laugardaginn vaknaði ég snemma og fór á kröftuga kyrjun, kyrjaði nokkra stund og renndi svo heim til Jóa í hádeginu til að hitta 2 ára afmælisprinsinn:-)
Þetta var skemmtilegt og vel heppnað afmæli, fullt af fólki, góðar kökur og afmælisbarnið í stuði:-)

Var þar í sirka 3 tíma, fór þá heim og lagði mig aðeins.
um kvöldmatarleytið fór ég svo til Heiðar vinkonu í vídjókvöld, fengum okkur pizzu, nammi og snakk, grínuðumst mikið og hlógum, fífluðumst aðeins á Facebook, kjöftuðum og horfðum á lélega grínmynd:-)

Kom heim um 2 leytið og fór að sofa...

Í gær svaf ég út, fékk mér kaffi, las blöðin og dreif mig svo út að skokka, eftir viku hreyfingarleysi:-)
Kom heim sveitt, eldrauð og ánægð með mig, fór í sturtu, fékk mér að borða og lagði mig aðeins..

Um kl 18:00 fórum við Mosófólkið svo heim til Jóa að þessu sinni til að passa litla prinsinn á meðan Jói og Lára fóru í matarboð:-)
Vorum hjá þeim til kl. 23:00 og þá var brunað heim og beint í bælið:-)

Já, yndisleg, falleg, skemmtileg, fjölbreytt og góð helgi að baki:-)

Eigið góða viku og njótið lífsins;-)

Leiðsögn dagsins;

11.febrúar

Á því augnabliki sem við ásetjum okkur að “ég ætla að verða heilbrigð/ur!” “ég ætla að verða sterk/ur!” “ég ætla að vinna af gleði fyrir kósen-rúfu!” munu líf okkar byrja að færast í þá átt. Við verðum að taka ákvörðun.

1900: fæðingardagur Josei Toda, annars forseta Soka Gakkai.
1996: Menningarstofnun Toda fyrir alheims frið og stefnumála rannsóknir stofnuð af forseta SGI, Ikeda í Tokyo; útibú opnað á Hawai 1997.

Þýtt úr bókinni For today & tomorrow, daily encouragement, Daisaku Ikeda

allt

í rólegheitum hér.

það hefur verið svolítið um veikindi hjá mér og fólkinu í kringum mig undanfarið, s.s. lungabólga, ælupest, flensa, niðurgangur og kinn og ennisholubólgur, en það er vonandi allt að lagast...

En lífið hefur nú boðið upp á fleira en veikindi:-)
ég hef reynt að fara í leikfimi og út að hlaupa á milli veikindadaga...

Ég hef farið í bíó og á búddistafund og kyrjun ásamt því að passa Gunnar Aðalstein síðustu tvo sunnudaga:-)
og átt góðar samverustundir með fjölskyldunni síðustu tvær helgar..

Svo verður Gunnar 2 ára á laugardaginn(11. feb) og er okkur boðið í afmælisveislu, súpu og kökur í hádeginu:-)

um kvöldið er svo planað stelpukvöld hjá okkur vinkonunum:-)

já, svona getur þetta nú stundum verið, en framundan eru betri dagar með blóm í haga, snjórinn farinn og dagsbirtan stendur lengur:-)

nóg í bili, óska ykkur góðrar heilsu og gleðidaga..
kv. sandra slappa..

góðir

erfiðir, skemmtilegir, undarlegir og fjölbreyttir dagar að baki.

Gamalt karma lét aðeins á sér kræla um daginn og það var smá barátta og pirringur á meðan á því stóð, en svo leysist það fljótt og vel að lokum:-)

Fór á góðan umræðufund um daginn og hef kyrjað aðeins hér heima á milli búddistafunda:-)

Á fimmtudagskvöldið komu Jói, Lára og Gunnar í óvænta heimsókn. Það lá mjög á þeim, allir í góðu stuði, glaðir og kátir og þau sögðu okkur góðar fréttir í sambandi við vinnu, nám og leikskóla, t.d. er Gunnar Aðalsteinn loksins kominn með pláss á leikskóla í hverfinu:-)
Já þetta var skemmtilegt kvöld:-)

Í gærkvöldi hitti ég svo vinkonur mínar þær Guðrúnu og Heiði. Við áttum frábært kvöld, mikið hlegið, fíflast og spjallað, fórum saman í sjoppuna og keyptum okkur nammi, fórum svo og náðum okkur í mat sem við tókum með heim, horfðum á vídjó með öðru auganu á milli þess sem við hlógum, úðuðum í okkur gotterý og grínuðumst:-)
Þetta var frábært, skemmtilegt og fjörugt kvöld sem stóð fram yfir miðnætti:-)

Framundan er m.a. fundur, klipping, saumaklúbbur og jafnvel bíóferð:-)

kveð í bili...
Risaknús og kossar...
Sandra í stuði:-)

Vil enda á leiðsögn um þolinmæði:

17.janúar

Vinsamlegast munið að þolinmæði er í sjálfu sér mikil áskorun og hún er oft lykillinn að því að brjótast í gegnum það sem lítur út fyrir að vera ómögulegt að komast í gegnum.

Þýtt úr For today & tomorrow, daily encouragement, Daisaku Ikeda

þá

er fyrsta vikan af 2012 liðin, hefur verið ágætis vika hjá mér..

"Herti upp hugann" í gær og kíkti á útsölur í Smáralindinni.
Fór fyrst í Debenhams og fann þar kjól, peysu og 3 boli, alveg sátt við þau kaup:-)

Fór svo í Bodyshop, keypti sápur, krem og andlitspúður, leit inn í nokkrar aðrar búðir en fann ekkert þar og ákvað svo að gamni að kíkja inn i Lindex hina einu sönnu;-)

Úff ég var sko fljót að bakka út, örugglega fínasta búð og ágætis föt á góðu verði þar að finna, en ég ætla frekar að fara í rólegheitum seinna:-)
Það var þvílík röð í mátunarklefana, á kassanum, allt fullt af fólki og mjög heitt þarna inni... var fljót að forða mér út eftir að hafa spjallað aðeins við fyrrverandi samstarfskennara sem stóð þarna í langri röð;-0
Þegar þarna var komið sögu var ég komin með nóg af þessari búðarferð og dreif mig bara heim:-)

Í gærkvöldi fór ég svo til Heiðar vinkonu í vídjókvöld, fengum okkur Nings og nammi, horfðum á Grumpier Old Men, hlógum dátt og spjölluðum svo um heima og geima fram eftir nóttu. Var komin heim um 2 leytið og fór að sofa fljótlega.

Í dag svaf ég út, vaknaði um hádegið, hef verið að þvo þvotta, hangið í tölvunni, glápt á imbakassann:-)
sit núna við tölvuna í náttfötum og ætla að fá mér eitthvað að borða;-)

Vona að þið eigið frábæra viku, séuð glöð og jákvæð og eigið góðan og dýrmætan tíma með fólkinu ykkar:-)
over and out
sandra svanga...

Vil enda á leiðsögn um baráttu og sigur..

27. desember

Sama hverjar kringumstæðurnar eru, aldrei skaltu játa þig sigraðan. Aldrei halda að þú sért komin í blindgötu, að allt sé búið. Þú býrð yfir dýrðlegri framtíð. Og einmitt þess vegna, verðurðu að þrauka og fræðast. Lífið er eilíft. Við verðum að einbeita okkur að þessum tveimur tíðum, nútíð og framtíð og ekki festast í fortíðinni. Við verðum ávallt að hafa það að leiðarljósi að byrja upp á nýtt “frá þessu augnabliki”, að hefja nýja baráttu á hverjum degi.

Þýtt úr For today & tomorrow, daily encouragement, Daisaku Ikeda

No matter what the circumstances, you should never concede defeat. Never conclude that you've reached a dead end, that everything is finished. You possess a glorious future. And precisely because of that, you must persevere and study. Life is eternal. We need to focus on the two existences of the present and the future and not get caught up in the past. We must always have the spirit to begin anew "from this moment," to initiate a new struggle each day.

Góða

kvöldið og gleðilegt nýtt ár:-)

Átti góðan dag, svaf loksins út og vaknaði rétt yfir hádegi..
Tók því rólega, fékk mér kaffi og brauð, hékk í tölvunni, þreif sorpgeymsluna, þvoði þvott og glápti á TV:-)

Um fimmleytið fór ég úr náttfötunum, fór í sturtu og klæddi mig í skárri föt.
Jói, Lára og Gunnar Aðalsteinn komu svo um sexleytið til okkar.
Við borðuðum saman góðan mat, lambalæri með tilheyrandi meðlæti, ís, kaffi og konfekt, spjölluðum, slöppuðum af, horfðum á sjónvarið og áttum góðan tíma saman:-)

Gunnar var kátur og lék sér í bílaleik á milli þess sem hann knúsaði okkur, horfði á bíla í tölvunni og sagði okkur frá því sem hann var að gera og upplifa:-)
Hann er svo duglegur og flottur strákur, blíður og góður, talar mikið og skýrt, hleypur, dansar, bakkar, hoppar, dundar sér, fylgist vel með og svo margt fleira:-)

Tók nokkrar myndir frá kvöldinu..

svo er bara vinna á morgun, jólafríið búið og rútínan tekur við;-0

nóg í bili frá mér, óska ykkur góðrar viku og vil enda á leiðsögn frá Ikeda..

1.janúar

Þeir sem vakna hvern morgun og hafa verk að vinna og ætlunarverk til að uppfylla eru hamingjusamastir allra. Þannig eru SGI meðlimir. Fyrir okkur er hver dagur, dagur æðsta tilgangs og fullnægju. Fyrir okkur er hver dagur nýjársdagur. Vinsamlega leggið ykkur fram til hins ýtrasta með þeim ásetningi að lifa hvern dag til fulls, svo þið megið skrifa dagbók lífsins til fulls.

Þýtt úr For today & tomorrow, daily encouragement, Daisaku Ikeda