Hversdagslegar vangaveltur

Ánægð

2012-02-13T20:57:00.003Z

með helgina, því ég náði að sinna mörgum sviðum í lífi mínu og var nokkuð dugleg í sambandi við ákveðna hluti eftir langt letikast;-)

Á laugardaginn vaknaði ég snemma og fór á kröftuga kyrjun, kyrjaði nokkra stund og renndi svo heim til Jóa í hádeginu til að hitta 2 ára afmælisprinsinn:-)
Þetta var skemmtilegt og vel heppnað afmæli, fullt af fólki, góðar kökur og afmælisbarnið í stuði:-)

Var þar í sirka 3 tíma, fór þá heim og lagði mig aðeins.
um kvöldmatarleytið fór ég svo til Heiðar vinkonu í vídjókvöld, fengum okkur pizzu, nammi og snakk, grínuðumst mikið og hlógum, fífluðumst aðeins á Facebook, kjöftuðum og horfðum á lélega grínmynd:-)

Kom heim um 2 leytið og fór að sofa...

Í gær svaf ég út, fékk mér kaffi, las blöðin og dreif mig svo út að skokka, eftir viku hreyfingarleysi:-)
Kom heim sveitt, eldrauð og ánægð með mig, fór í sturtu, fékk mér að borða og lagði mig aðeins..

Um kl 18:00 fórum við Mosófólkið svo heim til Jóa að þessu sinni til að passa litla prinsinn á meðan Jói og Lára fóru í matarboð:-)
Vorum hjá þeim til kl. 23:00 og þá var brunað heim og beint í bælið:-)

Já, yndisleg, falleg, skemmtileg, fjölbreytt og góð helgi að baki:-)

Eigið góða viku og njótið lífsins;-)

Leiðsögn dagsins;

11.febrúar

Á því augnabliki sem við ásetjum okkur að “ég ætla að verða heilbrigð/ur!” “ég ætla að verða sterk/ur!” “ég ætla að vinna af gleði fyrir kósen-rúfu!” munu líf okkar byrja að færast í þá átt. Við verðum að taka ákvörðun.

1900: fæðingardagur Josei Toda, annars forseta Soka Gakkai.
1996: Menningarstofnun Toda fyrir alheims frið og stefnumála rannsóknir stofnuð af forseta SGI, Ikeda í Tokyo; útibú opnað á Hawai 1997.

Þýtt úr bókinni For today & tomorrow, daily encouragement, Daisaku Ikeda

allt

2012-02-09T14:43:00.002Z

í rólegheitum hér.

það hefur verið svolítið um veikindi hjá mér og fólkinu í kringum mig undanfarið, s.s. lungabólga, ælupest, flensa, niðurgangur og kinn og ennisholubólgur, en það er vonandi allt að lagast...

En lífið hefur nú boðið upp á fleira en veikindi:-)
ég hef reynt að fara í leikfimi og út að hlaupa á milli veikindadaga...

Ég hef farið í bíó og á búddistafund og kyrjun ásamt því að passa Gunnar Aðalstein síðustu tvo sunnudaga:-)
og átt góðar samverustundir með fjölskyldunni síðustu tvær helgar..

Svo verður Gunnar 2 ára á laugardaginn(11. feb) og er okkur boðið í afmælisveislu, súpu og kökur í hádeginu:-)

um kvöldið er svo planað stelpukvöld hjá okkur vinkonunum:-)

já, svona getur þetta nú stundum verið, en framundan eru betri dagar með blóm í haga, snjórinn farinn og dagsbirtan stendur lengur:-)

nóg í bili, óska ykkur góðrar heilsu og gleðidaga..
kv. sandra slappa..

góðir

2012-01-21T12:14:00.003Z

erfiðir, skemmtilegir, undarlegir og fjölbreyttir dagar að baki.

Gamalt karma lét aðeins á sér kræla um daginn og það var smá barátta og pirringur á meðan á því stóð, en svo leysist það fljótt og vel að lokum:-)

Fór á góðan umræðufund um daginn og hef kyrjað aðeins hér heima á milli búddistafunda:-)

Á fimmtudagskvöldið komu Jói, Lára og Gunnar í óvænta heimsókn. Það lá mjög á þeim, allir í góðu stuði, glaðir og kátir og þau sögðu okkur góðar fréttir í sambandi við vinnu, nám og leikskóla, t.d. er Gunnar Aðalsteinn loksins kominn með pláss á leikskóla í hverfinu:-)
Já þetta var skemmtilegt kvöld:-)

Í gærkvöldi hitti ég svo vinkonur mínar þær Guðrúnu og Heiði. Við áttum frábært kvöld, mikið hlegið, fíflast og spjallað, fórum saman í sjoppuna og keyptum okkur nammi, fórum svo og náðum okkur í mat sem við tókum með heim, horfðum á vídjó með öðru auganu á milli þess sem við hlógum, úðuðum í okkur gotterý og grínuðumst:-)
Þetta var frábært, skemmtilegt og fjörugt kvöld sem stóð fram yfir miðnætti:-)

Framundan er m.a. fundur, klipping, saumaklúbbur og jafnvel bíóferð:-)

kveð í bili...
Risaknús og kossar...
Sandra í stuði:-)

Vil enda á leiðsögn um þolinmæði:

17.janúar

Vinsamlegast munið að þolinmæði er í sjálfu sér mikil áskorun og hún er oft lykillinn að því að brjótast í gegnum það sem lítur út fyrir að vera ómögulegt að komast í gegnum.

Þýtt úr For today & tomorrow, daily encouragement, Daisaku Ikeda

þá

2012-01-08T15:26:00.003Z

er fyrsta vikan af 2012 liðin, hefur verið ágætis vika hjá mér..

"Herti upp hugann" í gær og kíkti á útsölur í Smáralindinni.
Fór fyrst í Debenhams og fann þar kjól, peysu og 3 boli, alveg sátt við þau kaup:-)

Fór svo í Bodyshop, keypti sápur, krem og andlitspúður, leit inn í nokkrar aðrar búðir en fann ekkert þar og ákvað svo að gamni að kíkja inn i Lindex hina einu sönnu;-)

Úff ég var sko fljót að bakka út, örugglega fínasta búð og ágætis föt á góðu verði þar að finna, en ég ætla frekar að fara í rólegheitum seinna:-)
Það var þvílík röð í mátunarklefana, á kassanum, allt fullt af fólki og mjög heitt þarna inni... var fljót að forða mér út eftir að hafa spjallað aðeins við fyrrverandi samstarfskennara sem stóð þarna í langri röð;-0
Þegar þarna var komið sögu var ég komin með nóg af þessari búðarferð og dreif mig bara heim:-)

Í gærkvöldi fór ég svo til Heiðar vinkonu í vídjókvöld, fengum okkur Nings og nammi, horfðum á Grumpier Old Men, hlógum dátt og spjölluðum svo um heima og geima fram eftir nóttu. Var komin heim um 2 leytið og fór að sofa fljótlega.

Í dag svaf ég út, vaknaði um hádegið, hef verið að þvo þvotta, hangið í tölvunni, glápt á imbakassann:-)
sit núna við tölvuna í náttfötum og ætla að fá mér eitthvað að borða;-)

Vona að þið eigið frábæra viku, séuð glöð og jákvæð og eigið góðan og dýrmætan tíma með fólkinu ykkar:-)
over and out
sandra svanga...

Vil enda á leiðsögn um baráttu og sigur..

27. desember

Sama hverjar kringumstæðurnar eru, aldrei skaltu játa þig sigraðan. Aldrei halda að þú sért komin í blindgötu, að allt sé búið. Þú býrð yfir dýrðlegri framtíð. Og einmitt þess vegna, verðurðu að þrauka og fræðast. Lífið er eilíft. Við verðum að einbeita okkur að þessum tveimur tíðum, nútíð og framtíð og ekki festast í fortíðinni. Við verðum ávallt að hafa það að leiðarljósi að byrja upp á nýtt “frá þessu augnabliki”, að hefja nýja baráttu á hverjum degi.

Þýtt úr For today & tomorrow, daily encouragement, Daisaku Ikeda

No matter what the circumstances, you should never concede defeat. Never conclude that you've reached a dead end, that everything is finished. You possess a glorious future. And precisely because of that, you must persevere and study. Life is eternal. We need to focus on the two existences of the present and the future and not get caught up in the past. We must always have the spirit to begin anew "from this moment," to initiate a new struggle each day.

Góða

2012-01-01T22:41:00.003Z

kvöldið og gleðilegt nýtt ár:-)

Átti góðan dag, svaf loksins út og vaknaði rétt yfir hádegi..
Tók því rólega, fékk mér kaffi og brauð, hékk í tölvunni, þreif sorpgeymsluna, þvoði þvott og glápti á TV:-)

Um fimmleytið fór ég úr náttfötunum, fór í sturtu og klæddi mig í skárri föt.
Jói, Lára og Gunnar Aðalsteinn komu svo um sexleytið til okkar.
Við borðuðum saman góðan mat, lambalæri með tilheyrandi meðlæti, ís, kaffi og konfekt, spjölluðum, slöppuðum af, horfðum á sjónvarið og áttum góðan tíma saman:-)

Gunnar var kátur og lék sér í bílaleik á milli þess sem hann knúsaði okkur, horfði á bíla í tölvunni og sagði okkur frá því sem hann var að gera og upplifa:-)
Hann er svo duglegur og flottur strákur, blíður og góður, talar mikið og skýrt, hleypur, dansar, bakkar, hoppar, dundar sér, fylgist vel með og svo margt fleira:-)

Tók nokkrar myndir frá kvöldinu..

svo er bara vinna á morgun, jólafríið búið og rútínan tekur við;-0

nóg í bili frá mér, óska ykkur góðrar viku og vil enda á leiðsögn frá Ikeda..

1.janúar

Þeir sem vakna hvern morgun og hafa verk að vinna og ætlunarverk til að uppfylla eru hamingjusamastir allra. Þannig eru SGI meðlimir. Fyrir okkur er hver dagur, dagur æðsta tilgangs og fullnægju. Fyrir okkur er hver dagur nýjársdagur. Vinsamlega leggið ykkur fram til hins ýtrasta með þeim ásetningi að lifa hvern dag til fulls, svo þið megið skrifa dagbók lífsins til fulls.

Þýtt úr For today & tomorrow, daily encouragement, Daisaku Ikeda

Áramót

2011-12-31T14:05:00.005Z

já, nú er árið 2011 að verða búið...
viðburðaríkt, fjölbreytt, frábært, rólegt, fallegt, erfitt, skemmtilegt, yndislegt og gott ár að kveðja okkur:-)
verður gaman að sjá hvað nýja árið ber í skauti sér:-)

Ég er búin að upplifa margt á þessu ári, hef verið að rifja það upp og setti saman smá áramótaannaál:-)
finnst nefnilega gaman að lesa seinna hvað hefur á daga mína drifið í gegnum árin:-)

Vil samt byrja á að tala aðeins um áramótin 2010 þar sem þau líkjast mjög þessum áramótum:-)
Við Gunnar Aðalsteinn vorum saman á síðsta degi árins 2010 og fyrsta dag ársins 2011. Hann gisti hér aðfaranótt gamlársdags, þ.e. 30. des og við höfðum það notalegt saman það kvöld. Gunnar vaknaði snemma á gamlársdagsmorgun glaður og hress svo gamla frænka dreif sig framúr og sinnti honum þar til Lára vaknaði og svo fóru þau heim um hádegið. Jói, Lára og Gunnar komu svo aftur til okkar á nýjársdag og Gunnar gisti hjá okkur 1. og 2. jan 2011. Jói og Lára voru líka hér þann tíma en þau komu og fóru vegna vinnu og fleira. Já þetta voru yndislegar og góðar samverustundir:-)

Hefst þá annállinn fyrir árið 2011:

Janúar og febrúar: Ég átti góðar samverustundir með fjölskyldu og vinum. Ég átti 5 ára Gohonzon afmæli 1. jan og fór á nýjársgongyo, fór á fundi, kyrjanir og í bíó. Byrjaði aftur að stunda reglulega líkamsrækt og hreyfingu eftir smá letikast, enda þýddi ekkert annað en að standa sig þar sem ég var annar af tveimur liðsstjórum í vinnunni í vinnustaðaleik Lífshlaupsins. Fjölskyldan fór út að borða á Hamborgarafabrikkunni í tilefni eins árs afmæli Gunnars Aðalsteins sem átti afmæli 11. febrúar. Laugardaginn 19. febrúar var fjöldakyrjun og kynningarfundur hjá búddistum í SGI á Íslandi og þar var ég með mína fyrstu reynslu á stórum sameiginlegum fundi um það hvað búddisminn hefur gert fyrir mitt líf og upplifun mína af búddisma. Laugardaginn 26. febrúar útskrifaðist ég loksins með diplómagráðu í meistaranáminu, hélt smá veislu hérna heima og fór svo með dömunum í vinnunni á Góugleði í fyrsta skipti, mikið fjör, góður matur, appelsínugult þema og ball með Páli Óskari:-)

Mars, apríl og maí: fór á skrínlagningu, var mikið í ábyrgð í búddismanum, fór í starfsmannaviðtal, páskafrí, djamm, bíóferðir, tölvuhangs, farið í afmæli og heimsóknir, leikfimi, kyrjanir, fundir, búðarrölt, kaffihúsaferðir, passaði Gunnar Aðalstein og átti góðar samverustundir með fólkinu mínu:-)

Júní: Föstudaginn 3 júní var starfsdagur í vinnunni sem gekk vel og seinnipartinn var farið í óvissuferð með vinnufélögum.
Við hittumst hjá Kríunesi(sem er í Vatnsendahverfinu) um kl 18:00 og gengum af stað, fórum í þrautir og spurningakeppni og komum við í hesthúsi sem ein úr hópnum á. Síðan héldum við áfram gönguferðinni og enduðum heima hjá skólastjóranum þar sem við fengum okkur að borða, spjölluðum og hlógum mikið. Um kl 22:00 kom leynigestur kvöldsins sem var Sigríður Klingenberg hin eina sanna. Hún var með spil og steina sem hún lét okkur draga, las úr bókinni sinni, spáði fyrir okkur, hreinsaði áruna, útskýrði spilin og steinana, sagði ýmislegt jákvætt, fallegt, alvarlegt, búddískt, hvetjandi og fyndið um lífið og tilveruna, djókaði og fíflaðist og þjappaði hópnum saman. Morguninn eftir tók ég þátt í Kvennahlaupinu, var ánægð með mig að fara 7 km eftir frekar litla þjálfun og kom í mark á fínum tíma, fór á kyrjanir, fundi, afslöppun, djamm, leikfimi, sumar og sól:-)

Júlí: Keyrði í glampandi sólskini og logni til Stykkishólms, tók Baldur yfir Breiðafjörð og fór á fjölmennt og skemmtilegt ættarmót í sveitinni á Barðströnd, var í sumarfríi, hélt tvisvar sinnum upp á 35 ára afmælið mitt, í fyrra skiptið var lítil veisla hér heima fyrir nánustu fjölskyldumeðlimi og tveim dögum seinna var ég með partý í sal niðri í bæ fyrir vini og ættingja. Það var stórskemmtilegt og fjörugt djamm. Í lok júlí fórum við vinkonurnar í frábæra sumarbústaðaferð þar sem við vöktum fram á nótt við spilamennsku, heitapottsferð, spjall og krúsing. Ég var líka í sólbaði, afslöppun, kyrjaði, fór út að skokka og í gönguferðir, undirbjó mig undir 10 km hlaupið og passaði yndislega litla frænda minn. Við horfum mikið á Stubbana, fórum á róló og í gönguferðir, veltum okkur í grasinu, hlógum, lékum okkur, áttum kennslustundir við eldhúsborðið, hann er mjög duglegur að mata sig sjálfur með skeið og áttum góðar og notalegar stundir:-)

Ágúst: Leti, sofið út, vinkonuhittingur, farið á kaffihús og heimsóknir, lesið, kyrjað, tekið til, hangið í tölvunni, farið í sund og leikfimi, horft á vídeó, farið í bíó, bæjarrölt og undibjó mig undir verkfall leikskólakennara sem ekkert varð svo úr. Laugardaginn 6. ágúst fór ég út að borða með vinkonum í tilefni afmælis Heiðar vinkonu sem endaði með "stóla og súludansi" á diskóteki niðri í bæ:-) Laugardaginn 20.ágúst vaknaði ég snemma í frábæru veðri, sól og sumri. Ég fékk mér að borða, fór í sturtu, klæddi mig í hlaupagallann og fór svo niður í miðbæ þar sem samkomin voru fleiri þúsund manns, hlauparar, starfsfólk og áhorfendur, þar sem ég var að taka þátt í 10 km hlaupi í Reykjavíkurmaraþoninu. Hlaupið gekk vel, mikil stemming og fjör og ég kom í mark á harðaspretti á svipuðum tíma og í fyrra, glöð og ánægð með mig. Seinnipartinn fór ég svo í brúðkaup hjá Védísi frænku minni og Breka. Athöfnin var falleg, hjartnæm og glaðleg, grín inn á milli í ræðu prestsins og Ragnheiður Gröndal og Friðrik Dór sungu falleg og yndisleg lög. Að athöfn lokinni var haldið í félagsheimili Fáks í Víðidal sem sem var haldin um 170 manna veisla. Þetta er eitt af skemmtilegri brúðkaupum sem ég hef farið í, það var mikið hlegið, fyndar ræður og skemmtiatriði og svo var dansað langt fram á nótt í frábærri stemmingu undir tónum hljómsveitarinnar Sixties. Við vorum með þeim seinustu að fara heim rétt fyrir klukkan 3 en fórum samt á undan brúðhjónunum:-)

September og október: Fór í villt partý hjá vinnufélögum, tók að mér að sjá um sérkennslu í vinnunni og fór á erfitt, merkilegt og flott búddistanámskeið á Hótel Hamri við Borgarnes. Þann 11. september áttum við Mosófólkið svo góðan og skemmtilegan dag með Gunnari Aðalsteini. Við vorum nefnilega að fara í fyrsta skipti með hann í Húsdýragarðinum svo þetta varð hálfgerð ævintýraferð:-)
Við sáum dýrin, kíktum í Vísindatjaldið, fengum okkur að borða í kaffihúsinu, skelltum okur í lestarferð og lékum okkur í leiktækjunum í Fjölskyldugarðinum. Ég veit ekki hver skemmti sér best, en þetta var æðisleg upplifun, mikið að sjá og skoða, það var gott veður og ferðin gekk mjög vel og það var mikið hlegið og brosað:-)

Nóvember: Byrjaði að undirbúa jólin, keypti nokkrar jóla og afmælisgjafir, yndisleg fjölskylduferð niður á Austurvöll að horfa á þegar ljósin á jólatrénu voru tendruð og svo kaffihúsaferð á eftir, skemmtilegur saumaklúbbur hjá Ármúlagellunum, náttfatadagur í vinnunni, partý og heimsóknir.

Desember: Fékk fastráðningasamning í vinnunni, vinavika í vinnunni, jólamatur og skemmtun með vinnufélögum, jólaball, notaleg aðventa og jólaundirbúningur, hitti Hebu, Elínu og krakkana sem voru í heimsókn á landinu, fór í heimsóknir til fólks sem ég hef ekki séð lengi, jólasveinaferð, jólakort, jólasaumaklúbbar, klipping, tannlæknir, bakaði smákökur nokkrum sinnum, bókalestur, jólaboð, yndislegt aðfangadagskvöld, jólapakkaflóð, afslöppun, snjómokstur, sjónvarpsgláp, bíóferð, búddistafundur, nóg að borða, rólegheit og notalegar samverustundir með fjölskyldu og vinum:-)

Eins og ég sagði í upphafði þá eru þessi áramót svipuð seinustu áramótum að sumu leyti og því ætla ég að ljúka annálnum á því að segja frá 30. des-31. des 2011.
Í gærkvöldi eyddum við Gunnar Aðalsteinn saman kvöldinu, en að þessu sinni vorum við heima hjá honum þar sem Jói og Lára voru á spilakvöldi hjá vinum sínum:-)
Við Gunnar Aðalsteinn skemmtum okkur vel, horfðum saman smástund á myndina ET, lásum sögu upp í rúmi, sungum og lékum okkur í bílaleik:-)

Ekki fékk ég að sofa út í dag 31. des, því klukkan 09:00 í morgun var grafa úti á bílaplani að byrja að skafa planið:-)
Það voru allir íbúarnir sem náðist í ræstir út til að moka og færa bílana og vorum við úti í næstum klukkutíma. Ég náði nokkrum myndum af þessu "hópefli" og setti þær í myndasafnið..
Að þessu loknu fórum við í búðina til að klára að kaupa í matinn og svo lagði ég mig aftur eftir hádegið:-)

Jæja krúttin mín:-)
Ég þakka ykkur kærlega fyrir samfylgdina á árinu sem er að líða og vona að þið eigið farsælt, gott, fallegt, viðburðarríkt og frábært ár framundan og gangi ykkur allt í haginn á árinu 2012:-)
Gangið hægt um gleðinnar dyr og skemmtið ykkur vel og fallega í kvöld:-)

Risaknús og kossar..
Sandra

Jólin

2011-12-26T13:29:00.002Z

eru yndisleg:-)
leti, svefn, lestur góðra bóka, jólaboð, nóg að borða, samverustundir og rólegheit..

Aðfangadagskvöld var skemmtilegt, yndislegt, notalegt, hlátur, gleði, samvera og frábær upplifun:-)

Vorum 8 saman heima hjá Jóa bróður, Láru og Gunnari Aðalsteini, ásamt þeim var ég, mamma, Gunni, Jón og Sif (foreldrar Láru). Við borðuðum gómsætan mat, súpu og hamborgarhrygg ásamt meðlæti og jólaöli og fengum svo konfektköku og kaffi í lok kvöldsins. Það var pakkaflóð undir trénu og ég held að Gunnar Aðalsteinn hafi verið rólegastur af okkur í pakkafjörinu:-)
Hann var rólegur, glaður og yndislegur allt kvöldið, hafi gaman af dótinu sem hann fékk, en var orðinn frekar þreyttur, eins og reyndar fleiri í fjölskyldunni þegar veislunni var að ljúka um kl 11:30:-)

jamm þetta var yndislegt kvöld, mikið hlegið, spjallað og borðað og ég hef aldrei verið svona lengi frameftir á aðfangadagskvöld, sem var bara ágætis tilbreyting, en ég var samt alveg búin að því þegar ég kom heim eftir miðnætti:-)

Tók fullt af myndum sem má finna á myndasíðunni undir albúminu "24 des 2011".

Kærar þakkir fyrir allar gjafirnar og kortin:-)
fékk allskonar dót í jólagjöf: bækur, bæði Arnald og Yrsu, náttföt, sokka, hárband, eyrnalokka, ilmvatn, sápur, sjampó, hárnæringu, hand og líkamskrem, baðsalt, líkamsskrúbb, helling af konfekti og allskyns nammi, tónlistardiska, kertastjaka, styttu, myndakort, köku og gjafakort:-)

Vaknaði um hádegi á jóladag við símhringingu frá fólkinu mínu í Noregi, þaðan var allt gott að frétta og allir hressir og glaðir:-)

Var að dunda í tölvunni í gær, setja inn myndir og fleira, lagðist svo aftur upp í rúm, las aðeins og lagði mig og fór svo að taka mig til fyrir jólaboðið hjá afa.

Fór í sturtu, klæddi mig og setti á mig glingur, náði í mömmu og við fórum saman í veisluna. Komum frekar snemma að þessu sinni og fáir komnir, en svo týndust ættingjarnir inn einn af öðrum:-)
fengum hangikjet og meðlæti, konfekt, kaffi og ís..

Börnin voru kát og fjörug en ég náði þó nokkrum myndum af þessum elskum við ýmsa iðju, t.d. að hoppa í rúminu, leika sér, horfa á sjónvarpið, í fanginu á foreldrunum eða afa og ömmu, við matarborðið og á hlaupum um ganginn:-)

Myndirnar má sjá á myndasíðunni hér til hliðar.
Þar má líka sjá myndir frá jólaboðinu í fyrra sem ég af einhverri ástæðu hafði ekki sett inn fyrr...

Jamm þetta var fínasta jólaboð og gaman að hitta ættingja sem maður hittir ekki svo oft:-)

Veðrið er búið að vera hálfskrýtið, það hefur skipst á rigning, skafrenningur, þýða, hálka, haglél og frost. Núna er allt hvítt úti, smá vindur og kalt..

Í dag er mikill letidagur, ætla ekki út úr húsi, er á náttfötunum, hangandi í tölvunni, er að þvo þvott, lesa Arnald og ætla kannski að leggja mig meira:-)

Svo er bara vinna strax á morgun svo það er um að gera að taka því rólega í dag, en það verður lengra jólafrí á næsta ári:-)

Læt þetta nægja í bili, hafið það gott í dag og farið varlega í umferðinni..

Vil enda á leiðsögn frá Ikeda forseta SGI um gleði og bjartsýni..

5.nóvember

Það er mikilvægt að lifa gleðiríku lífi. Með sterkum anda bjartsýni, þurfum við stöðugt að geta beint hugum okkar í bjarta, jákvæða og ábatasama átt og hjálpa þeim sem í kringum okkur eru að gera slíkt hið sama. Við ættum að leggja okkur fram við að öðlast lífsástand þar sem við finnum fyrir gleði sama hvað gengur á.

Þýtt úr For today & tomorrow, daily encouragement, Daisaku Ikeda

aðfangadagur

2011-12-24T15:07:00.002Z

Krúttin mín nær og fjær:-)

Ég óska ykkur gleðilegrar hátíðar. Ég vona að þið finnið hvíld, frið, kærleika, gleði, ró og hamingju og að þið eigið yndislegt kvöld með fjölskyldu, vinum, ykkur sjálfum og/eða öðrum:-)
Njótið þess nú að borða góðan mat og annað góðgæti, gefa og fá fallega pakka, og hvíla ykkur á sál og líkama :-)

Risajólaknús til ykkar;-)
Kveðja
Sandra

Þorláksmessa

2011-12-23T20:46:00.003Z

jamm, þetta er allt að koma:-)

Komin í smá jólafrí, jólin á morgun, notalegar stundir og samvera með fjölskyldu, nóg að borða, jólagjafir, nýbakaðar smákökur í boxi, konfekt, kaffi, bókalestur, þvottur, svefn og leti framundan næstu 3 daga:-)

Vona að þið njótið kvöldsins hvað svo sem þið eruð að bardúsa s.s. í skötuveislu, í friðargöngu, búðarrápi, elda matinn, á kaffihúsi, í afslöppun, að skreyta jólatréð, pakka inn gjöfum, þrífa, glápa á sjónvarpið eða bara eitthvað allt annað:-)

vil setja hér inn eitt flott lag með snillingunum í Baggalúti í tilefni dagsins:-)

vil enda á fallegri leiðsögn frá Ikeda.

25.desember

Ef manneskja er svöng, ættum við að gefa henni brauð. Ef það er ekki til brauð, getum við að minnsta kosti gefið orð sem næra. Við manneskju sem lítur illa út eða er líkamlega veikbyggð, getum við leitt samæðurnar að einhverju umræðuefni sem lyftir anda hennar og fyllir hana af von og þeirri ákveðni að láta sér batna. Gefum hverri manneskju sem við hittum eitthvað: gleði, kjark, von, uppörvun, lífsspeki, visku, sýn fyrir framtíðina. Við skulum alltaf gefa eitthvað.

Þýtt úr For today & tomorrow, daily encouragement, Daisaku Ikeda

If a person is hungry, we should give them bread. When there is no bread, we can at least give words that nourish. To a person who looks ill or is physically frail, we can turn the conversation to some subject that will lift their spirits and fill them with the hope and determination to get better. Let us give something to each person we meet: joy, courage, hope, assurance, or philosophy, wisdom, a vision for the future. Let us always give something.

hafið það gott og passið ykkur á jólastressinu, umferðinni og vonda veðrinu...
kv. sandra jóló:-)

jæja

2011-12-20T21:26:00.002Z

þá mega jólin koma:-)

Öllum jólaundirbúningi er lokið hér á bæ, búið að þrífa, skreyta jólatréð og setja undir það nokkra pakka, jólakort innanlands og pakkar til útlanda löngu farnir í póst, jólaskrautið komið á sinn stað, búið að halda jólasaumaklúbb og fara í jólasveinaferð til vina, búið að kaupa allar jólagjafir og pakka þeim inn, ég er búin að baka nokkrum sinnum en það var nú fljótt að klárast næstum jafnóðum:-)
langt síðan við höfum klárað undirbúning svona snemma og ég hef notið aðventunnar óvenjulega lengi og vel þetta árið sem er bara notalegt og skemmtilegt:-)
og nú er bara allt í rólegheitum hér í sveitinni:-)

Að þessu sinni verðum við á aðfangadagskvöld hjá Jóa bróður, Láru og Gunnari litla frænda(22 mánaða) sem verður án efa skemmtileg, öðruvísi og yndisleg upplifun og stemming:-)
að fylgjast með litlum og skemmtilegum ungum manni að opna pakka, ásamt eldra fólkinu líka að sjálfsögðu:-)
já það er þónokkur tilhlökkun í Mosóbúum fyrir þessu kvöldi:-)

Læt þetta nægja í bili..
eigið yndislega viku og njótið samverustunda með fjölskyldu, vinum og vinnufélögum, þetta eru nefnilega dýrmætar minningar sem við sköpum og eignumst á hverjum degi:-)

Vil enda á leiðsögn frá Ikeda:

7. desember

Það er hjartalag okkar sem breytir hjartalagi annarra. Vinskapur breytir fólki. Ferðalangar sem draga herðaslár sínar yfir sig og berjast ákveðið á móti köldum vindi slaka sjálfkrafa á og yfirbragð þeirra og framkoma breytist þegar sólin yljar þeim.

Þýtt úr For today & tomorrow, daily encouragement, Daisaku Ikeda

It is our hearts that change others' hearts. Friendship changes people. Travelers who pull their capes over their shoulders and brace themselves determinedly against the cold wind naturally relax and change their outlook and actions when warmed by the sun.

það

2011-12-10T22:22:00.003Z

var mikil vinkonudagur í dag:-)

fór í hádeginu á kaffihús niðri í bæ til að hitta vinkonur mínar þær Heiði og Guðrúnu. Hún Gyða er líka í saumaklúbbnum en forfallaðist því miður.
Við vorum nefnilega að halda árlega jólasaumaklúbbinn eða "litlu jólin" okkar í dag:-)
Við fengum okkar að borða og sátum í góðum gír í rétt um tvo tíma, hlógum, spjölluðum, skiptumst á jólapökkum og höfðum það kózý:-)

Að því loknu fóru þær stöllur á búðarráp á Laugaveginum en ég hélt áfram í meiri vinkonuhitting og lagði leið mína upp í Breiðholt heim til Þórunnar sem ég hitti oft í "gamla daga":-)

Vinkonur mínar Heba og Elín búa í Finnlandi en eru í heimsókn þessa dagana á Fróni með börnin sín og við hittumst sem sagt í dag heima hjá Þórunni:-)
það var mjög gaman að hitta þær allar, hlæja saman, kjafta, borða kökur og fylgjast með börnunum sem eru á aldrinum 7 mánaða til 3 ára:-)
ég tók líka nokkrar myndir sem má finna á myndasíðunni..

ég var með þeim í c.a. tvo tíma, fór svo heim, lagði mig og horfði svo á sjónvarpið...

Jamm góður, skemmtilegur og yndislegur dagur að kveldi komin og samverustundir dagsins safnast í minningarbankann:-)

Vil enda á gullkorni um vinkonur eftir Arthur Benson úr bókinni Vinir.

" Af því þú átt þér vinkonu, er líf þitt virkara, fyllra og yndismeira fyrir það að hún er til, hvort heldur hún er þér nær eða fjær. Sé hún nærri þá er það best, en sé hún fjarri er hún þó enn í huga þér og hugur þinn fylgir henni, þú heyrir frá henni, skrifar henni, deilir með henni lífinu og lífsreynslunni, lýtur henni og virðir hana, dáir og elskar."

já

2011-12-07T21:57:00.002Z

bara jólastuð hér á bæ þessa dagana:-)

bara rólegt hjá mér núna og allt í flæði, vinna á daginn og svo oftast rólegheit á kvöldin, en þó er stundum eitthvað um að vera á kvöldin og um helgar, t.d. búddistafundir, sameiginlegar kyrjanir, búðarferðir, saumaklúbbar og fallegar samverustundir með fjölskyldu og vinum:-)

Við erum líka óvenju snemma í jólaundirbúningi þetta árið sem er mjög gaman og notalegt:-)

ég er búin að kaupa hluta af jólagjöfunum, búin að senda pakkana til Noregs, búin að skrifa nokkur jólakort og bakaði eitthvað af smákökum áðan en helmingur af skammtinum er búinn:-)

um síðustu helgi tókum við svo til hérna heima og settum upp jólaskraut og falleg jólaljós en jólatréð bíður enn niðri í geymslu:-)

Framundan er eitt og annað, s.s. jólasaumaklúbbur, afmæli, klipping og búddistafundur:-)

Mér líður mjög vel þessa dagana, er róleg og í góðu jafnvægi sem er yndisleg tilfinning og nýt aðventunar óvenjulega vel núna:-)

eg er líka komin með fastráðningu í vinnunni sem veitir mér öryggistilfinningu og eru góðar fréttir á þessum tímum:-)

Læt þetta nægja í bili.
vona að ykkur líði vel, séuð hamingjusöm og heil heilsu og njótið aðventunnar, þrátt fyrir kulda, myrkur og neikvæðar sjónvarpsfréttir;-)

Jólakjólakveðja
Sandra sátta

falleg

2011-11-27T21:48:00.002Z

róleg og skemmtileg helgi að baki.

Fór í Kringluna í gær til að kaupa nokkrar jóla, afmælis og leynivinagjafir:-)
Það er nefnilega leynivikaleikur í vinnunni í næstu viku;-)
var sem betur fer búin að skrifa lista og ákveða að mestu leyti hvað ég ætlaði að kaupa, en var samt um 3 tíma í búðarferð og var alveg komin með nóg þegar kaupum var lokið:-)
sumt á listanum var ekki til, eða þá að búðin sem ég ætlaði í var ekki lengur til og þá þurfti að hugsa upp á nýtt, en þetta gekk nú allt saman á endanum:-)
kom heim seinnipartinn, lagði mig, fékk mér að borða og horfði svo á nýjustu Transformers myndina á DVD, ekkert spes mynd það...

Í dag var svo fjölskyldan í forgangi:-)
fórum í heimsókn til Jóa, Láru og Gunnars og þaðan fórum við saman á Austurvöll til að sjá ljósin tendruð á jólatrénu:-)
Á eftir fórum við svo á kaffihús, fengum okkur að borða og hafa það notalegt saman:-)
yndislegar samverustundir með fjölskyldunni í dag:-)

Man eftir því að við Jói fórum sem börn að fylgjast með þessum atburði og þá voru jólasveinarnir aðalatriðið, en við nenntum ekki að bíða eftir þeim í dag enda orðin svöng og köld eftir útiveruna;-)

hafið það gott í vikunni og verið góð hvert við annað:-)

var

2011-11-16T23:11:00.002Z

að koma af kaffihúsi, úr saumó hjá Ármúlagellunum, alltaf gaman að hitta stelpurnar, rifja upp gamla tíma og hlæja saman að góðum, gömlum og nýjum minningum og því sem við höfum gert saman í gegnum árin:-) má þar nefna Portúgalútskriftarferðina góðu, jólakortagerð, skólann, afmæli, tjútt, partý, kaffihúsahitting og margt fleira:-)

Sit núna hér við tölvuna með góða tónlist á fóninum, í náttfötunum með kaffibolla, róleg, þreytt og í fínu jafnvægi og skrifa hugrenningar mínar og liðnar minningar og myndir frá liðnum dögum;-)

Gunnar litli sæti frændi, Jói bróðir og Lára komu óvænt í heimsókn í gærkvöldi,allt of langt síðan ég hef hitt þau og gaman að knúsa litla kútinn:-)

Annars gengur lífið sinn vanagang. Síðasti einn og hálfur mánuður verið undarlegur og margt skeð, bæði í huganum sem og í daglega lífinu og dagarnir hafa verið allavega. Góðir, skemmtilegir, dimmir, viðburðaríkir, tímalausir, bjartir, fullir af hugsunum um nútíð, fortíð framtíð, gamlar og nýjar minningar rifjast upp, jafnvægi, gleði, tregi, grátur, hlátur, rólegheit, veikindi, mikil dagskrá, vinna, fundir, heimsóknir, símtöl, partý, djamm, dansiball, vídjókvöld, tölvuhangs, bíóferðir, leikfimi, skokk, gönguferðir, samtöl, búðarráp, kaffihúsaferðir, sofa út, borða, þvo þvotta og svo margt fleira:-)

og það er ýmislegt framundan, fundir, vinna, jólamatur starfsfólks, vidjókvöld, partý, fleiri saumaklúbbar og hittingur, náttfatadagur og ýmislegt feira:-)

jamm, svona er lífið hjá kennaranum í sveitinni:-)

læt þetta nægja í bili, er að fara að leggja mig fljótlega:-)
Ég óska ykkur góðra daga, gleði, hamingju og innri friðar:-)

sandra þreytta...

í dag

2011-10-08T11:45:00.005Z

er laugardagurinn 8. okt 2011, merkilegt hvað tíminn líður hratt þessa dagana.

Fór á frábært búddistanámskeið seinustu helgi. Þetta er eitt erfiðasta innlenda námskeiðið sem ég hef farið á fyrir mig persónulega, það kom upp gamalt og nýtt karma og þetta var hreinsun á einhverjum sviðum.
En mikið var gott að fara þótt það hafi reynt á, ég komst þó þrátt fyrir miklar hindranir:-)

Erfitt, skemmtilegt, tilfinningaþrungið, fræðandi, reyndi á félagslega og tilfinningalega þætti, kæruleysi, hlátur, grátur, uppljómun, leiðsagnir, hvatning, huggun, hreinsun, söngur, gítar, leikrit, ljóðalestur, reynslur, fundir, partý, dans, erlendur gestur, matur, kynnast nýju fólki, markmið, ásetningar, orsök, afleiðing, fyrirlestrar, gleði, kraftur, lægri heimar, búddaeðli, ábyrgð, pirringur, hindrun, neikvæðni, góð ráð, lausnir, spjall, kyrjun, iðkun, trú, þakklæti, hugrekki, viska, virðing, samvinna, umhyggja, heitur pottur, valkyrja, ferðalag, vont veður, nöldur, innri djöflar, lífsástand sveiflast, vinátta.....

Jamm, svona er nú lífið, það sveiflast upp og niður, góðir dagar og erfiðir, gleði og sorg, hlátur og grátur...

Ýmislegt skrýtið, óvænt, gott, slæmt, breytingar, sigrar, hindranir, vandamál, gamalt, nýtt, sorglegt og gleðilegt í gangi, bæði hjá mér og öðrum í kringum mig, sumt að leysast og annað í vinnslu...

Læt þetta nægja í bili og vona að þið eigið góða daga og séuð heil heilsu..
sendi hópknús, kossa og jákvæða orku út í heiminn....

Nam-mjó-hó-renge-kjó..

vil enda á leiðsögn frá Ikeda..

7.október

Hvað mun framtíðin bera í skauti sér?
Enginn veit svarið við þeirri spurningu. Allt og sumt sem við vitum er að afleiðingarnar sem munu birtast í framtíðinni eru allar innifaldar í orsökunum sem eru gerðar í nútíðinni. Því er mikilvægt að við rísum upp og náum markmiðum okkar án þess að leyfa okkur að láta letjast eða truflast af tímabundnum erfiðleikum.

Þýtt úr bókinni For today & tomorrow, daily encouragement, Daisaku Ikeda.

sit

2011-09-17T17:11:00.002Z

hér með dagatal og er að plana hvenær ég ætla að vera í valkyrjuábyrgð á laugardagsmorgun, fræðslufundum og kosen-rufu gongyo:-)

það er alltaf eitthvað um að vera, kaffihús á morgun með Kristínu vinkonu, víkinga- og valkyrjufundur annaðkvöld, búddistahverfisfundur á þriðjudagskvöld, klipping á miðvikudag, valkyrja á laugardaginn, kaffihús og bíóferð á laugardaginn og svo er búddistanámskeiðið eftir 2 vikur:-)

Ég er líka að taka að mér meiri verkefni í vinnunni, á að sjá um markvissa málörvun fyrir börn sem þurfa meiri stuðning í að tjá sig, auka orðaforða og æfa hlustun(eins og ég gerði í vor), það er einn hópur og svo eru tvítyngdu börnin annar hópur sem ég á líka að sjá um, kenna þeim íslensku, auka orðaforða og hjálpa þeim að tjá sig og svo er ég líka komin í umhverfisnefnd fyrir Grænfánann sem við erum að vinna í að fá:-)

Er annars pínu þunn og letileg í dag, fór í mjög skemmtilegt, fjörugt og hálf villt partý í gærkvöldi með vinnufélögum:-)
Mættum í heimahús um kl 21:00, allir komnir í stuð og léttir í lund;-)
það var sungið og dansað, lesið ljóð, farið í leiki og skipt um vinílplötur á plötuspilarum eftir stemmingu, hækkað í botn svo bassinn varð hærri en músikin og hátalarnir hálf sprungnir, ýtt við ljóskrónum, hoppað í sófanum, spjallað, fyllt á glasið, borðað, dillað sér, hlegið og grínast, trúnó úti á svölum, inni á klósetti og í eldhúspartínu og allir í stuði:-)
gaman að þessu, sérstaklega þar sem margir nýjir starfsmenn voru að byrja, þá var gaman að kynnast þeim betur og hrista hópinn saman, gamalt og nýtt starfsfólk:-)

vorum í partý til að verða 2 um nóttina, þá voru flestir farnir heim, við ætluðum nokkrar niður í bæ að dansa meira, en svo breyttust forsendur, sumir voru orðnir þreyttir og aðrir lasnir og því fórum við heim að sofa sem var líka bara notalegt, eftir skemmtilegan og gagnlegan starfsdag, langa vinnuviku og frábært partý:-)

Vona að allir eigi góða viku og rækti sál og líkama:-)

Vil enda á litlu gullkorni eftir Pam Brown um hlátur, gleði og vináttu:
" Megirðu njóta þess að hlæja
skyndilegum óstöðvandi hlátri,
að kútveltast og ráða ekki við þig;
njóta þess að flissa og fíflast með vinkonunum,
og hlæja græskulausum smitandi hlátri-
hvað sem öðrum finnst".
(Tekið úr bókinni; Hamingjan er gjöf, gjafabók frá Helen Exley)

já.

2011-09-11T20:31:00.004Z

lífið er bæði sorg og gleði..

Var að skoða Fésbókina eitt kvöldið um miðjan ágúst og sá þar fjöldatilkynningu um styrktarsjóð fyrir fjölskyldu sem átti mjög erfitt eftir að unga móðurin hafði látist af barnsförum stuttu áður.
Ég var ekki mikið að pæla í þessu til að byrja með en fékk svo næstum fyrir hjartað og ætlaði ekki að trúa þessu fyrst þegar ég sá nafn föðursins sem ég kannaðist við. Kom þá í ljós að unga konan var Hanna Lilja Valsdóttir sem kenndi með mér í 1. bekk í Foldaskóla. Ég lagði að sjálfsögðu strax inn á reikninginn og skrifaði kveðju inn á vegginn hennar.
Hanna Lilja var einstök kona, mjög lífsglöð, jákvæð, mikil fyrirmynd, yndisleg, góður og frábær kennari, hvetjandi, viðræðugóð og mikill stuðningur. Ég vil þakka henni hjartanlega fyrir allar samverustundirnar og samvinnuna á þessum stutta tíma sem við unnum saman og ég er þakklát fyrir að hafa kynnst henni:-)

Það rifjaðist upp fyrir mér þegar við vorum að plana að fara saman á námskeið fyrir yngribarnakennara sem kenna ensku í Englandi sumarið 2009, við vorum komar með umsóknareyðublað og allt en svo varð ekkert af því, m.a. vegna þess að við tímdum ekki að eyða hluta af sumarfríinu í endurmenntun:-)
Svona er nú lífið, en fallegu og skemmtilegu minningarnar eyðast aldrei.
Ég sendi fjölskyldu og vinum Hönnu Lilju innilegar samúðaróskir.

En að öðrum fréttum og liðnum stundum:-)

Fimmtudaginn 18. ágúst fór ég í langt helgarfrí ekki vitandi hvenær ég kæmi aftur í vinnuna.
Ástæðan var sú að það var búið að boða verkfall leikskólakennara mánudaginn 22. ágúst. Það hafði slitnað upp úr öllum samningafundum og útlitið var ekki gott;=/

Föstudaginn 19. ágúst var ég í sumarfríi sem ég átti inni og fór m.a. í bæjarferð til að ná í hlaupadótið(bol, merki og fl) og að kaupa brúðkaupsgjöf:-)
og enn hafði slitnað upp úr samningafundi, en það var boðaður úrslitafundur daginn eftir.

Laugardagurinn 20 ágúst var langur, skemmtilegur, viðburðarríkur og flottur;-)
Ég vaknaði snemma í frábæru veðri, sól og sumri:-)
Ég fékk mér að borða, fór í sturtu, klæddi mig í hlaupagallann og fór svo niður í miðbæ þar sem samkomin voru fleiri þúsund manns, hlauparar, starfsfólk og áhorfendur.
Hlaupið gekk vel, mikil stemming og fjör, það var sól, hiti og lítill vindur svo ég varð rennsveitt og þakkaði fyrir að missa ekki gleraugun af mér á leiðinni:-)
ég kom í mark á harðaspretti á svipuðum tíma og í fyrra, glöð og ánægð með mig:-)
Svo fór ég heim, lagði mig, fór í sturtu, klæddi mig í spariföt, setti á mig nýja skartgripi sem ég hafði fengið í afmælisgjöf, fór að ná í mömmu og var rétt komin til hennar þegar ég frétti að samningar höfðu náðst og verkfalli var afstýrt;-)

Með þessar fréttir í farteskinu fórum við mamma í Háteigskirkju til að vera viðstaddar brúðkaup Védisar og Breka sem hófst rétt rúmlega 18:00:-)
Athöfnin var falleg, hjartnæm og glaðleg, grín inn á milli í ræðu prestsins og Ragnheiður Gröndal og Friðrik Dór sungu falleg og yndisleg lög.

Að athöfn lokinni var haldið í félagsheimili Fáks í Víðidal.
Þar var fjölmenn veisla(um 170 manns) þar sem var boðið upp á hamborgara, franskar og sósu, kaffi, bjór, gos, íspinna og köku, þægilegt, gott og einfalt:-)

Þetta er eitt af skemmtilegri brúðkaupum sem ég hef farið í, það var mikið hlegið, fyndar ræður og skemmtiatriði og svo var dansað langt fram á nótt í frábærri stemmingu undir tónum hljómsveitarinnar Sixties:-)
þar sem m.a. Védís og Breki tóku lagið með hljómsveitinni:-)
Við vorum með þeim seinustu að fara heim rétt fyrir klukkan 3 en fórum samt á undan brúðhjónunum:-)
Setti inn myndirnar úr brúðkaupinu inn á myndasíðuna:-)

Undanfarnir dagar hafa verið frekar rólegir, hef verið að vinna, farið á fundi og kyrjanir, farið í bíó og heimsóknir, horft á vídjó og margt fleira. Fór í smá gönguferð hálfa leið upp á Esju síðustu helgi, en annars verið löt við að hreyfa mig undanfarið..
Hef líka verið í einhverri "lægð", hálf löt og rútínuleg undanfarið, en það er allt á uppleið núna:-)
Það er líka farið að styttast í búddistanámskeiðið okkar sem verður haldið rétt hjá Borgarnesi í lok september, hlakka mikið til:-)

Þessi helgi var líka skemmtileg, fjölbreytt og yndisleg:-)
í gær var afslöppun og smá "dekur", tók daginn frá að mestu leyti fyrir mig, svaf út, tók því rólega fram yfir hádegi, fór svo í bæjarferð, keypti nalgalökk, kjól, bækur og fleira, kom við hjá mömmu á leiðinni heim, lagði mig og horfði svo á vídjó um kvöldið:-)

Í dag var líka stórskemmtilegur, merkilegur og yndislegur dagur:-)
Við Mosófólkið áttum góðar stundir með Gunnari Aðalsteini, fórum í morgun um kl. 10:00 að ná í hann, skelltum okkur svo í Húsdýragarðinn, þetta er nefnilega í fyrsta skipti sem við förum í ferð með litla manninn, svo þetta var hálfgert ævintýri:-)
Við sáum dýrin, fórum í Vísindatjaldið, fengum okkur að borða í kaffihúsinu, fórum í lestina og lékum okkur í leiktækjunum í Fjölskyldugarðinum:-)

Ég veit ekki hver skemmti sér best, en þetta var æðisleg upplifun, mikið að sjá og skoða, gott veður og ferðin gekk mjög vel, mikið hlegið og brosað:-)
Þvi miður gleymdi ég myndavélinni, hefði verið mjög gaman að eiga myndir frá ferðinni:-)

Svo fórum við heim í Mosó, horfðum á Hvell kappakstursbíl(DVD) og lékum okkur svo þangað til Jói og Lára komu seinnipartinn að sækja Gunnar:-)

Já, það er gaman að lifa og leika sér, vera með fjölskyldu og vinum, vinna með litlum krílum, fara á búddistafundi og kyrja, lofa lífið, vera jákvæð og bjartsýn, dansa, syngja, sjá fegurðina í kringum okkur og bara að vera til:-)

Þetta er komið gott í bili, er búin að skrifa mikið og er að fara að horfa á þáttinn Games of thrones núna sem ég má helst ekki missa af:-)

Hafið það sem allra best í komandi viku:-)
Sendi stubbaknús, kossa og jákvæða orku út í heiminn:-)

fór

2011-08-07T13:18:00.003Z

í afmæli til Heiðar vinkonu í gærkvöldi.
Við fórum 8 dömur saman út að borða á Uno-ítalian sem er ágætis staður.
Sátum þar í tæplega 3 tíma og eftir spjall, hlátur, fínan mat og góðar stundir fórum við á bæjarrölt, hópurinn skiptist á leiðinni, kíktum á nokkra staði, en enduðum svo á Torvaldssen, ég, Guðrún og Heiður, þar sem við dilluðum okkur, dönsuðum, fífluðumst, tókum smá súlu og stóladans og höfðum mjög gaman af í tæpa 2 tíma-)
Mikið hlegið og mikið stuð:-)
Kærar þakkir fyrir kvöldið stúlkur:-)

Fer á búddistafund í dag og svo er bara vinna á morgun....
sumarfríið búið...

Hef farið mikið í bíó í sumar, fór á Captin America á föstudagskvöldið, ágætis mynd þar á ferð:-)

Svo er nóg framundan, vinna, fundir, bíó, maraþon, búddistanámskeið, brúðkaup, kyrjanir og margt fleira:-)

Óska ykkur góðrar viku og njótið þessa yndislega veðurs sem er núna:-)

sumarknús og kossar...
Sandra sumarbarn...

Enda á leiðsögn frá Ikeda forseta SGI..

5.ágúst

Við getum ekki byggt upp sterkan persónuleika ef við leyfum okkur að láta tilfallandi hrós eða ámæli hafa áhrif á okkur. „Ekki hafa áhyggjur af smávægilegri gagnrýni! Vertu stöðugt í nánum tengslum við vandaðar bækur og afbragðs fólk og bættu sjálfan þig!“ Þetta var sú trú sem Makiguchi og Toda lifðu sínu lífi eftir.

Þýtt úr For today & tomorrow, daily encouragement, Daisaku Ikeda

Nú

2011-08-01T11:41:00.002Z

er sumarfríið að verða búið, fljótt að líða þetta frí:-)
en ég hef haft nóg að gera, en samt líka slappað af, sofið út, vakað fram yfir miðnætti og haft það mjög gott:-)

ég hef farið út að hlaupa, fór t.d.6 km í fyrradag;-)
og æft mig fyrir 10 km hlaupið í Reykjavíkurmaraþoni sem er 20 ágúst.
Sama dag er líka brúðkaup hjá Védísi frænku svo það verður nóg að gera þann daginn:-)

ég hef líka hitt vinkonur mínar, farið á kaffihús og heimsóknir, lesið, kyrjað, tekið til, hangið í tölvunni, farið í sund og leikfimi, horft á vídeó, farið í bíó, fór á Harry Potter og Horrible bosses, mæli með þeim báðum;-)

Og það er líka nóg framundan, útréttingar, klipping, afmæli, kaffihúsaferð, brúðkaup, bíóferð, maraþon, heimsóknir, kyrjanir, fundir..:-)

og svo kannski verkfall hjá leikskólakennurnum 22. ágúst eins og staðan er í dag;-/

Jamm, svona er nú lífið hjá kennara í sveitinni, allt í rólegheitum og góðu stuði:-)
læt þetta nægja í bili..
eigið góðar stundir og frábæra daga;-)

Vil enda á leiðsögn frá Ikeda um æskuna:

19.júlí

Æskan er sannarlega undursamlegt fyrirbæri. Því er nú samt verr að þetta kunnum við oft ekki að meta á meðan við erum ung. Lífið rennur hratt hjá. Áður en við vitum af, erum við orðin gömul. Það er þess vegna sem við ættum á meðan við erum ung að vera eins athafnasöm og við mögulega getum. Frekar en að lifa lífi sem skilur ekki eftir minningar ættum við að lifa lífi sem er stútfullt af minningum - baráttum sem við tókumst á við og dásamlega fjölbreyttum reynslum. Að skilja ekki eftir neina sögu, að eldast bara og deyja er sorgleg leið til að lifa.

Þýtt úr For today & tomorrow, daily encouragement, Daisaku Ikeda

1951: ungra kvenna deild stofnuð

já,

2011-07-25T14:52:00.006Z

það er yndislegt að vera í sumarfríi:-)

vaknaði snemma í morgun, fór til tannsa, kom heim, eldaði mér hafragraut, lagði mig svo aftur og vaknaði ekki fyrr en kl 14:00:-)

Ég er búin að bæta við nokkuð mikið af myndum á myndasafnið, gömlum og nýjum frá ýmsum tímum og viðburðum, s.s. útskriftir hjá Jóa, Védísi og Þorsteini, sumarbústaðamyndir, myndir frá kertafleytingu og fleira:-)
endilega tékkið á þessu..

Fór í frábæra sumarbústaðaferð með Gyðu, Heiði og Guðrúnu um helgina. Við lögðum af stað um kaffileytið á laugardeginum, komum við í Krónunni á Selfossi og villtumst svo aðeins á leiðinni í bústaðinn því við fórum aðra leið en vanalega vegna vegaframkvæmda:-)

Vorum komnar í bústaðinn milli 17:00-18:00, fengum okkur snakk og nammi, söngvatn, kaffi, djús og vatn, kjöftuðum, hlógum og fífluðumst mikið:-)
Um tíuleytið var tekið til við pizzugerð, djókuðum meira á meðan og svo var borðað og fengið sér meiri vökva..
Eftir matinn var partýspil tekið fram, fundið út hvað átti að gera og svo var spilað fram á nótt með látbragði, leikrænni tjáningu, svipbrigðum, dómgæslu, miklum hlátri, gáfulegum útskýringum, svörum og keppnisskapi:-)

Þegar búið var að renna í heita pottinn var klukkan að verða 2, spilið var búið og við klæddum okkur í sundföt, fórum í notalega pottinn og sátum þar í tæplega 2 tíma:-)

Að lokum fórum við í krúsing í rúminu hennar Guðrúnar, hlógum, spjölluðum og höfðum það notalegt:-)
Ég fór úr þrísominu um kl 6 en þær kjöftuðu í klukkutíma í viðbót;-)
ég vaknaði um 1 leytið og þá voru þær allar komnar fram, við fengum okkur kaffi og morgunmat, svo var bústaðurinn og potturinn þrifinn og við fórum í bæinn um kaffileytið:-)
Kærar þakkir dömur fyrir frábæra, skemmtilega og góða helgi:-)

Ég varð 35 ára um daginn og hélt tvisvar sinnum upp á það:-)
fyrst hélt ég litla og notalega veislu hér heima á afmælisdaginn fyrir nánustu fjölskyldu og þakka ég aftur kærlega fyrir mig:-)

Sandra 35 ára, 14.júlí 2011:-)

Svo hélt ég partý á Kaffi Zimsen fyrir vini, kunninga og ættingja laugardaginn 16.júlí:-)
Ég mætti rétt fyrir kl 20:00 og þá var Heiða vinkona mín nýkomin:-)
við fengum okkur bjór, settum nammi og snakk í skálar og gerðum allt klárt..
svo fóru gestirnir að týnast inn og við kjöftuðum, hlógum og fengum okkur meira að drekka..
Ég var með happdrætti svona að gamni og vildi svo skemmtilega til að allir sem voru á staðinn fengu vinning:-)
svo komu fleiri gestir og við vorum um 20 manns í allt:-)

Þegar leið að miðnætti fórum við að dansa og fíflast á dansgólfinu, við höfðum salinn fyrir okkur og það var frír bjór í boði Söndru, við hlógum og spjölluðum og lékum okkur, sumir tóku meira að segja súludans og stóladans einhverntíma um kvöldið:-)

Þetta var stórskemmtilegt kvöld og allir ánægðir og glaðir með partýið, allavega skemmti ég mér stórvel:-)
Ég vil þakka aftur kærlega fyrir mig, fyrir gjafirnar, umhyggjuna, stuðið, kortin, knúsin, kossana, faðmlögin og samveruna:-)
Ég fékk bók, ilmvatn, gjafabréf, 2 hálsmen, skál, blóm, peninga og kort með fallegum texta:-)

Um 1 leytið eftir miðnætti var partýið búið, flestir farnir heim en við vorum nokkur sem fórum á skemmtistaði, dönsuðum, hlógum og dilluðum okkur í tæpa tvo tíma og fórum svo heim um 4 leytið.
Reyndar fórum við í sitthvora áttina þannig að ég og Heiður enduðum tvær eftir á dansgólfinu, en það var bara gaman og mikið fjör:-)
Ég var orðin dálítið drukkin og farin að labba undarlega strax eftir partýið, en það var bara fyndið..
en það var ekki eins gaman daginn eftir, var eitthvað þunn og mygluð, en það er fylgir bara svona kvöldi;-)

Ég hef líka gert fleira í sumarfríinu, t.d. farið í útréttingar, á kaffihús, kyrjað, farið á fundi, farið út að skokka og í gönguferðir, hangið í tölvunni og passað yndislega litla frænda minn í nokkra daga:-)
Við horfum mikið á Stubbana, fórum á róló og í gönguferðir, veltum okkur í grasinu, hlógum, lékum okkur, áttum kennslustundir við eldhúsborðið, hann er mjög duglegur að mata sig sjálfur með skeið og áttum góðar og notalegar stundir:-)

Gunnar Aðalsteinn litla krútt í kerrunni í gönguferð með gömlu frænku:-)

Jæja, þetta er komin gott í bili, enda orðin löng færsla:-)
Óska ykkur góðra daga og vona að þið eigið góðar og notalegar stundir með fólkinu ykkar, því það er svo mikilvægt að eiga góða að, eiga samskipti og samveru og styrkja tengslin við ættingja og vini, eins og ég hef reynt að gera í sumar..
Hef líka kynnst nýju fólki, séð nýjar og aðrar hliðar á fólki, sýnt aðrar hliðar á mér og prófað nýja hluti;-)
Sendi Stubbaknús, umhyggju, kossa, hjálpsemi og jákvæða orku út í heiminn, ekki veitir af á þessum tímum..
Óska ykkur öllum ást, friðar og hamingju:-)
Nam-mjó-hó-renge-kjó:-)
Sandra í sumarfríi..

svaf

2011-07-16T11:27:00.003Z

út í dag, er núna að hanga aðeins í tölvunni, ætla svo að kyrja, kannski fara svo í sund eða út að hlaupa:-)
á eftir að útrétta aðeins fyrir partýið í kvöld, kaupa snakk og fleira, svo kemur Gunnar litli frændi kannski smástund í pössun seinnipartinn meðan pabbinn og afinn fara að lyfta:-)

Svo er bara að undirbúa sig fyrir djammið, mála sig, naglalakka, klæða og setja glingur í eyru, um hálsinn og úlniðinn:-)

Góður dagur í gær.
Svaf út, fór út að skokka, fór í bankann og svo fór ég í Kringluna og eyddi mikið af peningunum sem ég fékk í afmælisgjöf:-)
Keypti mér sokkabuxur, leggins, kjól, hálsmen, geisladiska, krem og sturtusápu:-)
það var sko útsala í Kringlunni:-)

Eftir búðarferð fór ég til Jóa og Láru.
Þar voru samankomin Jói, Gunni, mamma og Gunnar Aðalsteinn:-)
Lára var að vinna á langri vakt í gær..
Við mamma vorum að passa litla á meðan feðgarnir voru úti í garði að fúaverja timbrið sem verður notað í garðskúrinn:-)

Svo fór ég heim um kvöldmatarleytið, þvoði þvott, hékk aðeins meira í tölvunni og horfði á TV..

Jamm, það er gott að vera í sumarfríi:-)

Sólarkveðjur, risaknús og fingurkossar:-)

Sandra sæla..

Ættarmótið

2011-07-15T13:55:00.002Z

ferðalag, frelsi, bátur, sigling yfir Breiðafjörð, samvera, gleði, hlátur, brenna, glens, söngur, gítar, dansiball í hlöðu fram á nótt, grill, kuldi, hiti, sumar, sjór, berfætt í sandinum, 3 sæti í sandkastalakeppni, sviti, fegurð, náttúra, grátur, umhyggja, sundferð, stuðningur, sól, hjálpsemi, pylsur, ættarmótsnefnd, nafnspjöld, lítið um svefn, dagskrá, leikir, gönguferð, kaffi, hindranir, galsi, eldhúspartý, áfengi, matur, sumarbíll, keyrsla, tjald, 190 manns, málningarvinna, samtöl, sögur, minningar, faðmlög, kossar á kinn, myndir,stuð, sveitastemming, gaman saman, vel heppnað ættarmót:-)

Varð 35 ára í gær, fór að passa Gunnar litla í gærmorgun, fór með hann í gönguferð í kerrunni og hann sofnaði á leiðinni, skilaði honum heim. Fór svo heim, tók til, keypti afmælisköku, osta og nammi og hélt svo lítið kaffifjölskylduboð í gærkvöldi:-)
Hjartans þakkir fyrir mig, fyrir gjafirnar, skilaboðin, símtölin, samveruna og fallegu kveðjunar:-)

Myndirnar frá ættarmótinu og afmælinu eru komnar á myndasíðuna hér til hliðar:-)

Fór út að hlaupa í dag, ætla svo að útrétta aðeins og kíkja svo til Gunnars, Jóa og Láru á eftir:-)

Hef verið að dunda ýmislegt í fríinu, passað Gunnar, farið í "kerrupúl" sem tekur á, farið í leikfimi, horft á vídjó, þvegið þvotta, farið í búðarferð og hangið í tölvunni:-)

Svo verður 2 í afmæli á laugardagskvöldið þegar ég verð með partý í sal niðri í bæ fyrir vini og ættingja:-)
Hlakka mikið til:-)

Læt þetta duga í bili, það er allt gott að frétta af fólkinu mínu, vona að þið hafið það gott í sólskininu og eigið góðar samverustundir með fjölskyldu og vinum eða ykkur sjálfum:-)

Munið að það er alltaf von og ljós í myrkrinu:-)
Munið líka að aðgát skal höfð í nærveru sálar og að bros, hugrekki, hlýja og hjálpsemi kostar ekkert en getur bjargað deginum hjá einhverjum sem þið vitið jafnvel ekki af:-)

Knús, kossar og jákvæð orka til ykkar:-)
Ást og friður..
Sandra sumar og sólarbarn...

vil enda á leiðsögn frá Ikeda..

15.júlí

Hver er fjársjóður æskunnar? Það er barátta; það er erfiði. Ef þú átt ekki í baráttu, þá geturðu ekki orðið sannarlega sterkur. Þeir sem heyja baráttu í æsku sinni munu ekki hafa neitt að óttast þegar að því kemur að slá síðustu nóturnar í lífi sínu. Þeir munu öðlast stórfenglegt lífsástand sem stendur sterkt og óhagganlegt. Í búddismanum, köllum við þetta lífsástand búddatign eða uppljómun, ástand sem ekkert getur grafið undan eða eyðilagt. Það er það hugarástand sem hinir ósigrandi njóta.

Þýtt úr For today & tomorrow, daily encouragement, Daisaku Ikeda

jamm

2011-07-07T11:57:00.002Z

allt í rólegheitum hér í sveitinni:-)

ég er komin í sumarfrí og er að fara á ættarmót á Barðaströnd á morgun:-)
Fer með Baldri báðar leiðir, fer á morgun og kem heim á sunnudaginn:-)
Gott og gaman að komast aðeins út úr bænum, keyra um, hitta fólk og njóta þess að vera í náttúrunni, í tjaldi og allt:-)
vona bara að það verði gott veður..
Fyrir 4 árum þegar við héldum ættarmót síðast var 15- 20 stiga hiti, sól og sumar alla helgina;-)
en ég held að það verði ekki svo gott núna, en það verður þó þurrt, vindalítið og um 10 stiga hiti...
eða svo segir veðurspáin..

Annars er nóg framundan, 35 ára afmælið mitt, sumarbústaðaferð, kyrjanir, gönguferðir, afmæli hjá vinkonu minni, útréttingar, sólbað, Esjuganga, undirbúningur fyrir 10 km hlaupið í Reykjavíkurmaraþoni, brúðkaup hjá frænku minni, passa litla frænda og svo margt annað sem mér dettur í hug að gera:-)

Það er allt gott að frétta af fólkinu í kringum mig og allt er í góðu sem er bara dásamlegt:-)

jamm, annars hefur allt gengið sinn vanagang, vinna, búddistafundir, leikfimi, heimsóknir, bíóferðir, vidjókvöld, tölvuhangs og leti:-)

er að undirbúa mig núna undir ferðalagið, fara niður í geymslu og finna tjaldið, svefnpokann og fleira útilegudót, þarf að fara í búð og kaupa eithvað ætilegt til að taka með mér, pakka, finna farmiðann i bátinn og fleira...

læt þetta nægja í bili, vona að þið eigið góða daga og líði vel á sál og líkama:-)
risaknús og jákvæð orka:-)
Nam-mjó-hó-renge-kjó..
Sumarkveðja
sandra

Þessi

2011-06-05T18:25:00.003Z

helgi snerist að miklu leyti um hlustun, samveru, stuðning, ráðleggingar, samtöl og leiðbeiningar:-)

Ég hlustaði og það var hlustað á mig, ég talaði við fólk í síma og á staðnum, ýmist undir fjögur augu eða í hóp, gaf og þáði ráð og leiðbeiningar.

Þetta voru einstaklingar úr vinahópnum, fjölskyldunni, vinnunni og búddistasamtökunum.

Það var margt sem var rætt um, s.s. samskipti, fortíð, hreyfingu, heilsu, bíla, húsnæði, skipulag, framtíð, samvinnu, öryggi, umhyggju, óánægju, tilfinningar, veikindi, sigra, markmið, hugarfar, einingu, draumar, ferðalög, skemmtanir, börn, framkomu, breytingar, fundi, atvinnu, ábyrgð og almennt um lífið og tilveruna:-)

Jamm svona gengur þetta, það er gleði og sorg, hlátur og grátur, stuðningur og tillitsleysi, vinátta og ókunnugleiki, eining og sundurlyndi, hindranir og sigrar:-)

En ég gerði fleira um helgina...

Á föstudaginn var starfsdagur í vinnunni sem gekk vel og seinnipartinn var farið í óvissuferð með vinnufélögum:-)
Við hittumst hjá Kríunesi(sem er í Vatnsendahverfinu) um kl 18:00 og gengum af stað, fórum í þrautir og spurningakeppni og komum við í hesthúsi sem ein úr hópnum á.
Þar fengum við flatkökur og nammi og sumar fóru á bak og létu taka af sér mynd:-)

Síðan héldum við áfram gönguferðinni sem tók um klukkutíma og enduðum heima hjá skólastjóranum sem býr í Vatnsendahverfi. Þar fengum við okkur að borða, spjölluðum, hlógum saman og fífluðumst:-)

Um kl 22:00 kom leynigestur kvöldsins sem var Sigríður Klingenberg hin eina sanna:-)
Hún var með spil og steina sem hún lét okkur draga, las úr bókinni sinni, spáði fyrir okkur, hreinsaði áruna, útskýrði spilin og steinana, sagði ýmislegt jákvætt, fallegt, alvarlegt, búddískt, hvetjandi og fyndið um lífið og tilveruna, djókaði og fíflaðist og þjappaði hópnum saman:-)
Það var mikið flissað, hlegið, hugsað, hlustað og fleira og þetta var gott, fjölbreytt, skemmtilegt, fallegt og hressandi kvöld:-)

Á laugardagsmorgninum var komið að Kvennahlaupinu;-)
Ég vaknaði um 9:30 (hlaupið var kl. 11:00), fékk mér kaffi og skyr, fór í sturtu, fór í hlaupafötin og kvennahlaupsbolinn, setti ipodinn í vasann, reimaði á mig skóna, keyrði niður að Hótel Laxness sem ég lagði bílinn og skokkaði niður að Varmárlaug þar sem hlaupið fór fram.
Þar var fullt af hressum konum á öllum aldri sem voru tilbúnar í hlaupið og ég hitti tvær úr vinnunni sem ég æfði með sniglaskokk í fyrrasumar:-)

Nú svo fór þetta allt af stað og ég var ekki alveg búin að ákveða hvað ég ætlaði að hlaupa langt, þar sem ég hef ekki verið dugleg að æfa mig í vetur, en ég ætlaði þó að fara 5 km.
Ég hef bara farið 3 km í kvennahlaupinu síðastliðin 2 ár..
En þegar kom að vegamótum 5 km/7 km þá ákvað ég að fara 7 km þar sem ég var í stuði og ágætis formi:-)

Ég var mjög sátt þegar ég kom í mark og fékk medalíuna, já, ég náði að taka góðan endasprett í mark:-)
bæði með að hafa farið 7 km en ekki síður með tímann, þar sem ég fór þetta á 64-65 mínútum:-)

Ég lagðist marflöt í grasið, fékk mér að drekka, lokaði augunum og slakaði aðeins á, þreytt, sveitt og ánægð með mig:-)

Síðan fór ég heim, skellti mér í sturtu, fékk mér að borða og svo kom vinkona mín í kaffisopa og spjall:-)

Um kvöldið horfði ég á myndina King's speech, mæli með henni, mjög góð mynd..

Í morgun fór ég á flott Kosen-rufu gongyo, þar sem var kyrjun, reynsla, leiðsögn hvatning, tónlistaratriði, spjall og kaffi:-)

Að því loknu fór ég aðeins í búð og fór svo heim, lá leti, hékk í tölvunni, talaði í símann og lagði mig:-)

Jamm, þetta var fjölbreytt, krefjandi, falleg, skemmtileg, erfið, viðburðarrík, skondin, frábær, jákvæð og góð helgi:-)

Vil óska öllum sjómönnum til hamingju með daginn:-)

Vona að þið eigið góða, jákvæða og frábæra daga framundan og munið að þið getið allt sem þið viljið og dreymið um, það þarf bara að trúa á sjálfan sig og aðra:-)

Kveð í bili, sendi jákvæða orku og risaknús út í heiminn:-)

Nam-mjó-hó-renge-kjó...

Sandra búddisti, sniglaskokkari, dóttir, vinkona, systir, kennari og margt fleira:-)

Vil enda á leiðsögn frá Ikeda um markmið og sigur.

20.september

Þegar markmið þín breytast þá mun allt annað byrja að stefna í þá átt sem þú þráir. Á þeirri stundu sem þú ákveður að vera sigurvegari, mun hver taug og fruma í líkama þínum taka stefnuna í átt að velgengni þinni. Á hinn bóginn ef þú hugsar “þetta á aldrei eftir að ganga upp,” þá munu á þeirri stundu allar frumur líkama þíns gefast upp og taka stefnuna niður á við.

Þýtt úr For today & tomorrow, daily encouragement, Daisaku Ikeda.

vaknaði

2011-05-28T19:58:00.005Z

snemma í morgun, fór í sturtu og klæddi mig og náði í Heiðu (sem var valkyrja í dag) í leiðinni á laugardagskyrjun:-)
Eftir kyrjun og fræðslufyrirlestur keyrði ég niður í bæ í sólskininu..
ég kíkti í Kolaportið og keypti mér flatkökur og ástarpunga;-)
Síðan fór ég í bókasafnið og náði í nokkrar bækur.
Þegar ég var búin að skila þessu í bílinn rölti ég upp Laugaveginn í sólskini, fann mér kjól og tréhálsmen á leiðinni uppeftir og síðan ætlaði ég að jafnvel að taka þátt í Mannréttindagöngunni sem átti að byrja kl 15:00. En þegar ég kom upp á Hlemm rétt um 3 leytið var engin ganga þar, svo ég rölti bara aftur til baka niður Laugaveginn í rigningu...
Þegar ég kom til baka í bílinn var ég orðin nokkuð blaut en ánægð og glöð með daginn:-)
Svo sá ég í fréttunum að gangan hafði farið frá Bónus neðar á Laugaveginum...

Annars hafa dagarnir liðið mishratt og allt verið í dglegri rútínu, ég fer í vinnuna og hef verið frekar löt eftir vinnu og jafnvel um helgar, en ég hef þó kíkt í bíó, á bæjarrölt og búðarráp, kíkt á næturlífið, farið á kyrjanir og fundi, hangið í tölvunni og horft á vídjó og sjónvarpið, passað Gunnar Aðalstein, farið í afmæli og heimsóknir og stundað smá leikfimi, skroppið í sund, göngutúra og skokkað aðeins:-)

Já, ég er glöð, í góðu jafnvægi og nokkuð háu lífsástandi, róleg og hamingjusöm, nýt lífsins og litlu hlutanna í kringum mig, það gengur allt vel hjá mér og ekkert sérstakt í gangi í umhverfi mínu;-)

Auðvitað skiptast á skin og skúrir og það eru misjafnir dagarnir með öllum sínum ævintýrum, uppákomum, fréttum, hindrunum, sorg og gleði, en hugarástand okkar skiptir svo miklu máli þegar við tökumst á við daginn;-)
sjáum við hlutina í neikvæðu eða jákvæðu ljósi, lítum við á þá sem tækifæri eða erfiðleika, leysum við þetta auðveldlega eða flækjum við jafnvel enn meir og búum til mál, styrkir þetta eða brýtur niður, hvernig eru viðbrögðin...

Jæja, læt þetta nægja í bili, vona að þið eigið góða helgi og njótið hvers dags þó sumarið og veðrið sé eitthvað að stríða okkur þessa daganna:-)
Það hlýtur einhvern tíma að koma gott sumarveður hér á Fróni:-)
Sumarkveðjur, knús og kossar...
Sandra

Vil enda á leiðsögn frá Ikeda.

12.maí

Ég vil að þú skiljir hárnákvæma starfsemi hugans. Það, hvernig þú stillir huga þinn og öll framkoma þín hefur mikil áhrif á sjálf þitt og umhverfi. Búddíska kenningin um að hvert augnablik innihaldi þrjú þúsund möguleika, útskýrir fullkomlega hinn sanna kjarna lífsins. Í gegnum kraft okkar innri styrks, getum við umbreytt sjálfum okkur, fólki í kringum okkur og landinu sem við búum í.

Þýtt úr For today & tomorrow, daily encouragement, Daisaku Ikeda

Góðan

2011-04-22T12:53:00.003Z

daginn, gleðilegt sumar og takk fyrir veturinn:-)

Já það er gott að vera komin í smá páskafrí og nú þegar hef ég gert helling á fyrsta frídeginum:-)

Á miðvikudagskvöldið kom Gunnar Aðalsteinn hingað í smá heimsókn/pössun, á meðan foreldrarnir voru að vinna eða í leikfimi:-)
Gunnar er farinn að hlaupa um allt og tala svolítið:-)
Skemmtilegur, duglegur og flottur strákur hann frændi minn:-)

Í gær vaknaði ég um 10 leytið, tók hálftíma kyrjun, hékk í tölvunni, fór í sturtu og klæddi mig. Í hádeginu skutlaði ég Láru heim eftir vaktina, fór inn með henni og stoppaði þónokkra stund, fékk kaffisopa, spjall við Jóa og Láru og knús frá Gunnari:-)
Þaðan lá leiðin til mömmu í meiri kaffidrykku og spjall:-)
Á leiðinni heim kom ég svo við í Bónus þar sem ég keypti smá snarl og freistandi karamellukurl páskaegg frá Nóa-Síríus;-)

Að búðarferð og heimsóknum loknum fór ég heim, lagði mig og horfði á fréttir. Um kvöldið fór ég til Heiðar vinkonu, við fengum okkur að borða, kjöftuðum saman og fórum svo á kvikmyndina um Rauðhettu:-)
Það er töff og spennandi mynd með flottum tæknibrellum og umhverfi og ég mæli með þessari mynd...

Núna er ég bara að þvo þvotta, hanga í tölvunni, hlusta á útvarpið og slaka á:-)

Hef ekki planað næstu daga, enda er ég í fríi og nenni ekki að gera mikið;-)
en ég ætla samt að reyna að hreyfa mig aðeins, fara í sund eða út að hlaupa ef veður leyfir, kyrja, taka til, slappa af, lesa og horfa á nýju Harry Potter myndina sem ég keypti mér um daginn, missti nefnilega af henni í bíó:-)

Ég óska ykkur góðra og gleðilegra páska og vona að þið hafið það sem best á líkama og sál, getið slakað á, hvílt ykkur, borðað góðan mat, gert eitthvað skemmtilegt og átt notalegar samverustundir með fjöldskyldu og vinum:-)
og passið ykkur á páskaeggjunum;-)

Kanínuknús og kossar...
Sandra súkkulaðifíkill:-)

Fann

2011-04-16T22:22:00.002Z

þetta þegar ég var að taka til í tölvunni:-)

Gullmolar

Þú hittir ótrúlega margar persónur á lífsleið þinni,
en það eru bara sannir vinir sem skilja eftir spor í þínu hjarta.

Til að geta stjórnað sjálfum þér, notaðu hugvitið;
Til að stjórna öðrum, notaðu hjartað.

Gáfaðar persónur tala um hugmyndir.
Minna gáfaðar persónur tala um hvað gerðist.
Illa innrættar persónur tala illa um aðra.

Sá sem tapar peningum missir mikið.
Sá sem missir vin tapar miklu meira.
En sá sem missir trúna á lífið sjálf, missir allt.

Við erum vinir þú og ég,
ef þú tekur vin þinn með erum við þrjú.
Við getum stofnað lítinn vinahóp.
Það er jú ekkert upphaf og enginn endir.

Njótum lífsins og verum góð hvort við annað
því lífið er svo stutt þrátt fyrir allt
og þess vegna ætti ekki að vera tími til að tala illa um aðra.

Öll dýrin í skóginum vilja vera vinir
og við mannverurnar í okkar frumskógi freistinga lífsins
viljum líka vera vinir og góð hvort við annað.

Dagurinn í gær er liðinn.
Morgundagurinn er óvænt ánægja.
Dagurinn í dag er gjöf.

helgin

2011-04-03T20:26:00.003Z

er búin að vera fjölbreytt, skemmtileg og einkennst af félagslífi, kyrjun, samveru, gleði, vináttu og samskiptum:-)

Föstudagskvöldið fór í sjónvarpsgláp(American Idol) og smá tölvuhangs...

Á laugardagsmorgun var ég í valkyrjuábyrgð á kyrjun og fræðslufyrirlestri.
Að því loknu fórum við Heiða vinkona í miðbæjarrölt, búðarferð og kaffihúsahangs í sólskininu:-)

Eftir labb, spjall, kaffi og kökuát skutlaði ég Heiðu áleiðis heim og fór í heimsókn og kaffispjall til mömmu:-)

Síðan fór ég heim, lagði mig aðeins og fór svo til Heiðar vinkonu í Kínamat, vídjógláp, nammiát og spjall:-)

Í dag var ég svo á kyrjun og spjallfundi hjá hverfinu mínu:-)

Kvöldinu verður svo eytt í tölvuhangs og kannski smá sjónvarpsgláp ef ég nenni:-)

jamm svona eyddi ég nú helginni minni;-)

Vil senda öllum afmælisbörnum og fermingarbörnum helgarinnar hamingjuóskir:-)
einkum vil ég senda kveðjur til Kötlu systur, Óla og Ebba;-)

sendi góða og jákvæða orku út í heiminn, vona að þið eigið góða viku og að ykkur líði vel á líkama og sál:-)

Big hugs:-)
sandra

Leiðsögnin frá Ikeka á sínum stað:

31.mars

Staða og ytra útlit skipta ekki máli. Það sem skiptir máli er að framfylgja okkar persónulegu skyldum, skuldbindingum okkar, án tillits til þess hvað aðrir kunna að segja. Það er líf sannra sigra, líf óviðjafnanlegs göfuglyndis og fullnægju.

Þýtt úr For today & tomorrow, daily encouragement, Daisaku Ikeda

já,

2011-03-29T21:38:00.003Z

það hafa verið skrýtnir, skemmtilegir, góðir og pínu erfiðir dagar undanfarið.
Hef fengið góðar, undarlegar og slæmar fréttir af fólkinu í kringum mig..
Upplifanir, samskipti, samtöl og aðstæður hafa einnig verið upp og niður hjá mér...
en svona er lífið, það skiptast á skin og skúrir og allt þar á milli;-)

Ég hef kyrjað mikið síðustu daga og verið mikið á fundum og viðburðum tengdum búddismanum sem gerir mér gott og hjálpar mér að takast á við daglegt líf, sem og að styðja aðra:-)

Fór á fallega og yndislega skrínlagninu hjá Heiðu á sunnudaginn og óska ég henni enn og aftur hjartanlega til hamingju:-)

Um helgina kíkti ég tvisvar sinnum í bíó, fór á kaffihús á föstudagskvöldið, í heimsókn og á kyrjun á laugardaginn:-)
og hef svo legið hér heima í flensu síðustu tvo daga;-(

en þetta er nú allt að lagast, vorið er komið, snjórinn er farinn, fuglarnir syngja hér frá morgni til kvölds og í dag var falleg sól og gott veður:-)

Vona að þið séuð heil heilsu og eigið góða daga framundan:-)

bangsaknús og kossar...

Nam-mjó-hó-renge-kjó:-)
Sandra kvefaða..

Vil enda á leiðsögn frá Ikeda:

26.mars

Það sem skiptir fyrst og fremst máli er fólk – ekki fræga, valdamikla, ríka, sérfræðimenntaða fólkið, eða þeir sem samfélagið metur sem frábært eða lofsvert. Tilgangur allra hluta verður að vera hamingja fólksins. Allt annað ætti aðeins að vera leið að því marki. Þeir sem þekkja ekki þetta grundvallaratriði og líta niður á fólkið og notfæra sér það eru ómerkilegir út í gegn og fyrirlitlegir; þeir standa í vegi fyrir hamingju fólksins.

Þýtt úr For today & tomorrow, daily encouragement, Daisaku Ikeda

leiðsögn frá Ikeda

2011-03-10T22:33:00.000Z

Þið megið ekki eitt andartak gefast upp við að byggja upp nýtt líf fyrir ykkur sjálf. Sönn sköpun felst í því að mjaka opnum hinum þunglamalegu og stirðu dyrum til lífsins. Þetta er ekki auðveld barátta. Reyndar er þetta eitt erfiðasta verk í heimi. Því að opna dyrnar að eigin lífi er þegar allt kemur til alls erfiðara en opna dyrnar að leyndardómum alheimsins. En í þessu felst einmitt að standa vörð um heiður þinn sem mannlegrar veru. Þessi barátta gerir líf þitt þess virði að þú lifir því. Ég fullyrði að enginn er eins einmana eða eins óhamingjusamur og maður sem ekki þekkir hina hreinu gleði að skapa sér nýtt líf. Að vera maður felst ekki aðeins í því að standa uppréttur og sýna greind. Að vera maður í fyllstu merkingu orðsins er að lifa skapandi lífi."
Daisaku Ikeda forseti SGI

búið

2011-03-09T20:19:00.007Z

að vera mikið um að vera undanfarnar helgar:-)

Laugardaginn 19. febrúar var fjöldakyrjun og kynningarfundur hjá okkur búddistum í SGI á Íslandi:-)
Þar var ég með mína fyrstu reynslu á stórum sameiginlegum fundi um það hvað búddisminn hefur gert fyrir mitt líf og upplifun mína af búddisma:-)
Ég valdi nokkrar jákvæðar og neikvæðar dagbókafærslur sem ég hef skrifað hér um upplifun mína og tilfinningar af lífinu, tilverunni og búddisma og deildi því með þeim sem voru í salnum:-)
Það gekk bara vel og ég fékk hrós, faðmlög og klapp á bakið:-)
mikill sigur að deila þessu og ég yfirsteig feimni og fleira þennan dag:-)

tökum nú fyrir laugardaginn 26. febrúar 2011:-)
Ég vaknaði um 9 leytið, fékk mér að borða og las blöðin, fór svo í sturtu, klæddi mig í fín föt, setti á mig skartgripi og smá andlitsföðrun.
Þegar leið að hádegi fór ég í Háskólabíó til að vera viðstödd brautskráninguna mína úr diplómanáminu í HÍ:-)
Ég fann sætið mitt, beið eftir mömmu og settist svo á minn stað.. Athöfnin byrjaði kl. 13:00 og þar sem það voru um 450 manns að útskrifast ákvað ég að hafa kaffiveislu heima um 16:30 því þá yrði athöfnin örugglega búin og ég komin heim.
En nei, ég varð ekkert smá hissa þegar búið var að útskrifa alla kl. 14:00! snöggir að þessu:-)
og þá var eftir ræða og söngur:-)
það var búið um 14:30 og þá hringdi ég í þessa fáu gesti sem ég bauð og sagði að ég væri á leiðinni heim og að það væri velkomið að koma fyrr:-)
Við gæddum okkur á gómsætri hráköku, konfekti og góðum heitum rétti:-)
Ég fékk góðar gjafir, blóm, pening, ilmvatn, gloss og bók:-)
ásamt góðum kveðjum og skilaboðum frá vinum og ættingum í gegnum netið:-)
og vil ég þakka kærlega fyrir mig:-)

Við vorum hér í góðum gír til kl 18:00 en þá fór ég að undirbúa mig undir Góugleðina(kvennakvöld Fylkis) sem ég var að fara á með vinnufélögum.

Ég fékk mér í glas, skipti um föt, fór í glimmerfangabúninginn, skellti meiri málningu í andlitið og svo skutlaði Jói mér í vinnustaðapartýið:-)
Þar voru allar gellurnar í góðu stuði, enda búnar að vera í partýinu í þónokkurn tíma;-)
Þær voru allar málaðar með glimmer í kringum augum og með tonn af spreyi í hárinu sem var úfið og allt út í loftið og fékk ég sömu meðferð við komuna:-)
Eftir kjaftagang, drykk, hlátur og myndatöku gengum við svo villtar og glaðar niður í Fylkisheimili þar sem var matur, skemmtiatriði, happdrætti og dansiball fram eftir nóttu:-)
Við vöktum mikla athygli í salnum þegar við gengum inn, það voru teknar myndir og bara gaman að því:-)
Þetta er í fyrsta skipti sem ég mætti á Góugleðina en þetta er árlegur viðburður og það er ákveðið þema í hvert sinn. Þetta árið var þemað appelsínugult:-)

Mikið stuð og gaman og ég kom heim með leigubíl klukkan rúmlega 01 eftir miðnætti, sveitt, þreytt, glöð, með varalit út um allt, glimmer niður fyrir augu, pínu full og völt á fótum:-)
og leit svona út:-)

Sunnudeginum var svo eytt í leti og afslöppun:-)
dagarnir á eftir einkenndust af vinnu, leikfimi, tölvuhangsi og fleira:-)

Síðan er það helgin 5. og 6. mars sem voru líka viðburðarrík:-)
Á laugardeginum vorum við Heiða í valkyrjuábyrgð, að sjá um kaffið, lesa leiðsögn og fleira þar sem hverfið okkar er með ábyrgð á laugardagskyrjunum í mars:-)
Eftir kyrjun fór ég á bókamarkaðinn í Perlunni og keypti dálítið af bókum og svo fór ég í Kringluna og eyddi aðeins meira af peningum;-)
Á leiðinni heim kíkti ég í heimsókn til mömmu:-)
Um kvöldið fórum við Heiður vinkona í bíó að sjá myndina Hall pass og ég mæli með henni, ég lá í hláturskasti stóran hluta af myndinni:-)

Sunnudagurinn 6. mars var líka einn af þessum dögum sem hafa merkingu í mínu lífi:-)
Þennan fallega dag tók hún Heiða sem er fyrrverandi vinnufélagi minn og núverandi vinkona á móti Gohonzon:-)
ég samgleðst henni innilega og óska henni hjartanlega til hamingju með þessa stórkostlegu ákvörðun:-)
Við tókum nokkrar myndir og þetta var hátíðleg stund og það var mjög gleðilegt að nokkrir úr fjölskyldu Heiðu voru viðstaddir athöfnina:-)

Eftir kaffi og kökuveislu fór ég aðeins til mömmu og fór svo heim og lá í leti og bókalestri fram eftir degi:-)
Um kvöldið fór ég svo óvænt í bíó(já aftur) og sá að þessu sinni spennumyndina The Mechanic sem ég mæli líka með:-)

Svo fór ég í starfsmannaþróunarviðtal í vinnunni í gær og það gekk allt vel, ég og skólastjórinn vorum að leggja línurnar fyrir haustið og ræða ýmislegt vinnutengt:-)

Já, svona er lífið hjá mér þessa dagana:-)

læt þetta gott heita í bili enda orðin löng færsla núna...

Vona að þið eigið góða daga og séuð glöð og hamingjusöm;-)
Lífið er bara þetta andartak og einn dagur í einu og það er okkar að ákveða hvernig við viljum eyða því:-)
Það eru nefnilega 3000 möguleikar á hverju augnabliki:-)

knús og kossar...
Sandra syfjaða...

Vil svo enda færsluna á fallegri leiðsögn frá Ikeda:

1.maí

Á leiðinni heim í kvöld, gætirðu staldrað aðeins við til að virða fyrir þér næturhimininn og leyfa hjarta þínu að tengjast tunglinu í hljóðum samræðum. Kannski gætir þú samið ljóð og skrifað það í dagbókarfærsluna fyrir þennan dag. Ég óska þér þess að þú búir yfir slíkum anda skáldsins.

Þýtt úr For today & tomorrow, daily encouragement, Daisaku Ikeda

Englar

2011-02-15T21:31:00.001Z

Fékk þennan fallega texta sendan og vildi deila honum hér:-)

Engill fegurðarinnar blessi þig og beini til þín straumum blessunarinnar.

Vökuengillinn veki hjarta þitt til að ljúka upp fyrir öllu því góða sem umhverfis þig er.

Engill lækningarinnar ummyndi sár þín í svalandi lindir þér og öðrum til heilla.

Engill innsæisins geri þér fært að standa á þröskuldi óvissunnar og koma auga á möguleika og tækifæri til góðs.

Engill samúðarinnar opni augu þín fyrir þeim ósýnilegu þjáningum sem aðrir bera.

Engill ævintýranna trufli einhæfni og rjúfi fjötra vanans, leiði þig á óvæntar slóðir þar sem allt sem ónáðar þig fellur í ljúfa löð.

Engill ástarinnar ljúki upp fyrir þér fegurð tilfinninga þinna og fagni arfleifð þinni sem musteri heilags anda.

Engill réttlætisins trufli þig og knýi til að taka málstað hinna snauðu og kúguðu.

Engill uppörvunarinnar staðfesti í þér sjálfsvirðingu þína og heila sjálfsmynd svo þú megir lifa með þeirri reisn sem sál þín býr yfir.

Engill dauðans vitji þín þá fyrst þegar líf þitt er fullnað og þú hefur borið hverja góða gjöf að fótskör eilífðar.

Allir góðir englar verndi þig og gleðji.

vináttan

2011-02-13T22:13:00.003Z

Ég fékk þennan fallega texta sendan í tölvupósti og vildi deila honum með ykkur:-)

Góður vinur mun koma og borga þig út úr skuldafangelsinu!

En sannur vinur mun sitja við hlið þína og segja;
Við klúðrum þessu þokkalega-
en VIÐ skemmtum okkur vel!

Ég hef uppgötvað að lífið
er eins og rúlla af klósettpappír:
Því meira sem nálgumst endirinn,
því hraðara líður það!!

Ég hef uppgötvað að við ættum að vera þakklát fyrir
að Guð gefur okkur ekki allt sem við biðjum hann um!!

Ég hef lært að ég get ekki keypt þokka og visku
fyrir alla heimsins peninga!!

Þannig að:
hvað eru peningar eiginlega
samanborið við minn yndislega og vitra vin?

Ég hef lært það
að undir hörðu skelinni hjá einhverjum,
er einn sem gjarnan vill
upplifa sig virtan og elskaðan.!

Ég hef lært það að hunsa staðreyndir
breytir ekki staðreyndum!!

Mér líkar við þig því þú ert sannur vinur!

Ég er þakklát fyrir að vera vinur þinn:-)

jamm

2011-02-10T20:41:00.002Z

þá er ég aftur byrjuð að stunda reglulega líkamsrækt og hreyfingu eftir smá letikast;-)
enda þýðir ekkert annað en að standa sig þegar maður er liðsstjóri í vinnustaðaleik Lífshlaupsins:-)

Á morgun er eitt ár síðan Gunnar Aðalsteinn kom í heiminn og ætlum við fjölskyldan að því tilefni að fara út að borða:-)
á laugardaginn verður svo veisla og pakkastuð heima hjá Jóa, Láru og Gunnari;-)

jamm svona er nú lífið;-)

en annars hefur allt gengið sinn vanagang, ég er búin að vera á búddistafundum og kyrjunum, hangið í tölvunni og farið í bíó og fleira...

læt þetta nægja í bili, óska ykkur góðrar helgar og bið ykkur um að fara varlega í þessu leiðinlega veðri...

vil enda á leiðsögn frá Ikeda:

31.janúar

Æskan ætti ekki að leita auðveldra þægilegra leiða. Enginn þroskast í vernduðu umhverfi. Æskan ætti þess í stað að leita uppi áskoranir og erfiðleika og breyta þeim í verðmæta eiginleika þar sem þau leggja sig öll fram við að verða einstaklingar með frábæra persónuleika og hæfileika.

Þýtt úr For today & tomorrow, daily encouragement, Daisaku Ikeda

já

2011-01-29T12:06:00.004Z

nú er fyrsti mánuður 2011 að verða búinn:-)
tíminn líður hratt, en mishratt þó:-)

Jólahátíðin var svolítið öðruvísi núna, en þó skemmtilega öðruvísi þar sem Gunnar Aðalsteinn litli frændi var hér mikið í pössun um jólin og áramótin. Við Gunnar vorum saman á síðsta degi árins 2010 og fyrsta dag ársins 2011:-)
Hann gisti hér aðfaranótt gamlársdags og vaknaði snemma á gamlársdagsmorgun glaður og hress:-) Sem þýddi að gamla frænka fór snemma frammúr og lék sér og sinnti honum fram að hádegi á meðan mamman fékk smá auka lúr og fór svo að vinna aðeins og svo fóru þau mæðgin heim um hádegið..
Gamlárskvöld var rólegt, eftir veislumatinn var glápt var á sjónvarpið og flugeldashow og svo farið í háttinn:-)

Á nýjársdag vaknaði ég fyrir hádegi og fór á nýjárshátíðina hjá okkur búddistum þar sem ég var valkyrja:-)
Ég átti líka 5 ára Gohonzon afmæli 1. jan 2011:-)
þetta var flott og falleg hátíð þar sem m.a. tveir búddistar tóku á móti Gohonzon og er það alltaf jafnfalleg og stórkostleg stund í mínum huga:-)
ég vil óska þeim Ívari og Helga innilega til hamingju:-)

þegar ég kom heim um kaffileytið voru Jói, Lára og Gunnar Aðalsteinn kominn aftur og að þessu sinni var Gunnar í pössun 1. og 2. janúar:-)
og Jói og Lára voru líka hér þann tíma en þau komu og fóru vegna vinnu og fleira.
já þetta voru yndislegar og góðar samverustundir:-)

en annars hefur verið ýmislegt að gerast í janúar..
það hafa verið sigrar og hindranir hjá mér og öðrum í kringum mig, margt hefur gengið vel, en annað er enn í vinnslu. Þetta eru karma og atriði sem tengjast m.a. vinnu, samskiptum, heilsu og fjármálum..

Það er margt á dagskrá hjá mér í febrúar og eitthvað að gerast allar helgar og líka komin dagskrá á marga virka daga:-)
má þar nefna: kosen-rufu gongyo, alls konar fundi, 1. árs afmæli Gunnars Aðalsteins, fjöldakyrjun, útskriftina og Góugleði:-)

já, svona er lífið, það gengur upp og niður, hefur góðar stundir og slæmar, það er grátur og gleði:-)
en elsku vinir. Munið bara að gefast aldrei upp! það er alltaf von og ljós í myrkrinu og engin vandamál eru óyfirstíganleg;-) það tekur bara mislangan tíma að vinna í þeim og leysa þau. Hafið trú á ykkur sjálf og aðra og biðjið um aðstoð ef þess þarf.

Á eftir vetri kemur alltaf vor:-)

Vonin er sá vængjaði hnoðri sem hreiðar um sig í sál minni
og syngur þar söngva án orða og þagnar aldrei.
En fegurst syngur hann þó þegar á móti blæs.
(Höf: Emily Dickinson 1830- 1886)

Að horfa á kertaloga er róandi og þægilegt. Ég er með link á stóra alþjóðlega kertasíðu og innan hennar stofnaði ég grúppu undir heitinu "Lífið"
Þið lendið beint á henni þegar þið smellið á linkinn "kertasíða". Á síðunni getur hver og einn kveikt á eins mörgum kertum og hann vill.
Textinn sem birtist fyrst þegar farið er á síðuna útskýrir sig sjálfur, en hann er því miður á ensku en ég vona að það komi ekki að sök. Ég hvet ykkur til að kíkja og prófa.

Vona að þið eigið góða daga og hafið það sem best:-)
Knús og kossar...
Sandra

gamlársdagur

2010-12-31T18:28:00.003Z

já, þá er enn eitt árið að kveðja..
árið 2010 er búið að vera viðburðarríkt, fjölbreytt, fullt af nýjum og spennandi atburðum og viðfangsefnum, skemmtilegt, ögrandi, erfitt, gleðiríkt, fullt af hamingju og fallegum samverustundum:-)

Það helsta sem gerðist var að Gunnar Aðalsteinn Jóhannson kom í heiminn 11. febrúar og þar með fengu allir í fjölskyldunni nýtt hlutverk í fyrsta sinn:-)
ég varð föðursystir, Jói og Lára urðu foreldrar og mamma og Gunni urðu amma og afi:-)

Af öðrum þáttum í lífi mínu á árinu sem standa uppúr er að ég prófaði margt nýtt, einkum því sem tengist líkamsrækt:-)
ég fór í sjósund í 1. skipti og líkaði það vel, tók áskorun í vinnunni og æfði skokk og hlaup ásamt vinnufélögum í tvo mánuði í sumar og tók svo þátt í 10 km hlaupi í Reykjavíkurmaraþoninu í fyrsta skipti:-)
Það var mjög skemmtilegt, ögrandi og frábært og ég var stolt af mér af klára það, eftir aðeins 10 vikna þjálfun og hef löngu ákveðið og taka þátt aftur á næsta ári:-)

Svo kláraði ég diplómanámið í desember og mun útskrifast í febrúar 2011 og ég er líka glöð af hafa lokið þeim áfanga, jafnvel þó ég klári ekki meistaranámið..

Eg er líka í ættarmótsnefnd og fer á ættamót í Litluhlíð í júlí 2011, ásamt því að við í vinnunni stefnum á að komast í námsferð til Svíþjóðar í byrjun júní 2011:-)
ég er líka í góðum málum í vinnunni og líkar mjög vel þar:-)

Þetta var það sem var nýtt hjá mér á árinu, en svo var ég líka að gera allt hitt, kyrja, vera í ábyrgð sem valkyrja, hreyfa mig, passa Gunnar (sem er reyndar nýtt hlutverk) en mjög skemmtilegt og krefjandi:-)
vera með vinum og ættingjum, fara í bíó og út að dansa, ganga á fjöll, fara á búddistanámskeið, fara í stuttar ferðir um landið í sumarfríinu, og allt hitt sem ég er að gleyma:-))

Vil þakka öllum kærlega fyrir samveruna, gleði og sorgarstundir, samvinnuna, símtölin, samskiptin og allt hitt á árinu 2010:-)

Megið þið eiga yndisleg, fallegt, skemmtilegt, ögrandi, fjölbreytt, viðburðarríkt og hamingjuríkt árið 2011:-)

Hafið það sem best yfir áramótin, njótið samverustundanna og gangið hægt um gleðinnar dyr:-)

Áramótaknús og kossar:-)
Sandra..

Aðfangadagur

2010-12-24T17:06:00.002Z

Elsku vinir og ættingjar nær og fjær:-)
Ég óska ykkur gleðilegrar hátíðar og þakka kærlega fyrir samskiptin, samvinnuna og samverustundirnar á þessu frábæra, skemmtilega, yndislega, erfiða og viðburðarríka ári:-)

Ég vona að þið eigið notalegt og hátíðlegt kvöld framundan, að þið finnið frið, von og kærleika í hjarta ykkar og njótið þess að vera saman, borða góðan mat og hvíla ykkur:-)
Risajólaknús:-)
Sandra

jólalög

2010-12-18T22:47:00.002Z

Nightwish - Walking in the Air (Live)

Saddur-Baggalútur

Mariah Carey - O' Holy Night (Live From WPC In South Central Los Angeles)

Yfir fannhvíta jörð - brunaliðið

ELVIS Blue Christmas (Best Picture & Sound Quality)

Vetrarsol Live. Bjorgvin Halldorsson

O COME ALL YE FAITHFUL - Celine Dion

Sigga Beinteins - Jólastjarna

Baggalútur - Það koma vonandi jól

gaman

2010-12-18T20:42:00.003Z

að vera til og njóta lífsins:-)
og nóg um að vera þessa helgi..
átti yndislegan laugardagsmorgun með Gunnari litla frænda sem gisti hér heima síðastliðna nótt:-)
Við vorum að spjalla, syngja, dansa, hlæja og leika okkur til hádegis. Þá kom Lára af vaktinni og við fórum niður í gömlu íbúðina þeirra Jóa og Láru. Þau voru nefnilega að flytja í nýju íbúðina í dag:-)
Flutningarnir gengu eins og í sögu, enda fullt af fólki að hjálpast að:-)
að þessu loknu kíkti ég rétt aðeins í kaffi til mömmu og fór svo heim að hvíla mig og letipúkast:-)
á morgun stefnum við á að skreyta hér heima, setja upp jólaljós og jólatréð:-)
síðan ætla ég að kíkja í heimsókn til Kristínar og sjá Guðrúnu Rósu litlu:-)
og svo um kvöldið er stefnt að því að komast í bíó og sjá Harry Potter:-)
Jamm, svona er nú dagskráin á sunnudeginum fyrir jól...
í næstu viku er saumaklúbbajólakaffi hjá sitthvorum hópnum:-)
bæði á þriðjudagskvöld og miðvikudagskvöld;-)
þá hittust við vinkonurnar á kaffihúsi, skiptumst á jólagjöfum og höfum það kósý:-)

jamm, þetta er yndislegt líf:-)

Læt þetta duga í bili og óska ykkur góðrar helgar...
Elskunar mínar, farið nú varlega á ferðinni um landið og líka bara svona almennt í jólaumferðarstressinu...

En nú eru að koma jól og hér er eitt gamalt og gott jólalag sem mér finnst alveg rosalega skemmtilegt og kemur mér í smá jólastuð:-)

Stuðkveðja
Sandra...

já

2010-12-15T22:43:00.002Z

hugsið ykkur bara, það eru að koma jól enn og aftur:-)
hvað tíminn líður hratt..

Það er nú svosem nóg búið að gerast undanfarið, ég er til dæmis loksins BÚIN með námið endalausa og mun útskrifast í febrúar 2011:-)
með diplómagráðu eða eins og ég kalla það 1/2 master:-)
ætla að láta það duga í bili, nenni engan veginn að klára heilan master, enda komin með nóg af námi í bili;-)

annars er allt rólegt, ég er enn að vinna í leikskólanum og líkar það mjög vel, er dugleg að kyrja, búin að kaupa flestallar jólagjafirnar og er stundum gamla frænka að passa litla frænda:-)

framundan er nóg af viðburðum, 2 jólakaffiboð, klipping, pössun, kyrjun, jólastúss og fleira.
Við erum enn ekki búin að skreyta íbúðina og setja upp jólaljós vegna anna undanfarið en það stendur til að bæta úr því fljótlega:-)
enda eru jólin alveg að koma:-)

læt þetta nægja í bili, vona að ykkur líði vel og séuð heil heilsu:-)
Stubbaknús:-)
sandra

Vil enda á leiðsögn um gleðina:

5.nóvember

Það er mikilvægt að lifa gleðiríku lífi. Með sterkum anda bjartsýni, þurfum við stöðugt að geta beint hugum okkar í bjarta, jákvæða og ábatasama átt og hjálpa þeim sem í kringum okkur eru að gera slíkt hið sama. Við ættum að leggja okkur fram við að öðlast lífsástand þar sem við finnum fyrir gleði sama hvað gengur á.

It is important that we live cheerfully. With a strong spirit of optimism, we need to be able to continually direct our minds in a bright, positive and beneficial direction and help those around us do so, too. We should strive to develop a state of life where we feel a sense of joy no matter what happens.

Þýtt úr For today & tomorrow, daily encouragement, Daisaku Ikeda.

var

2010-09-26T19:59:00.002Z

að koma af flottu, fræðandi og frábæru búddistanámskeiði:-)
Æðislegir fyrirlestrar, reynslur, leiðsagnir og umræður, vinátta, hópfundir, deildarfundir, kynnast nýju fólki, stuðningur, mikil og kröftug kyrjun, spjall við erlenda búddista, hlátur, gleði og glaumur, menningarvaka þar sem ég var beðin um að taka þátt í skemmtiatriði eins og venjulega, söngur, leikrit, dans, spurningakeppni, samvera og hátt lífsástand:-)

Við reynum að halda eitt helgarnámskeið á ári fyrir utan bæinn og í þetta sinn vorum við í Reykholti og ég skal nú bara segja ykkur það að Hótel Reykholt er málið:-)

Inni á hótelinu er svo margt að skoða og það eru flottar skreytingar, myndir á veggjum, sérstök herbergi(t.d. mánaherbergið sem er tileinkað tunglinu), fullt af bókum til að lesa, styttur tengdar ásatrúnni, innrammaðir kaflar úr Hávamálum fyrir utan hvert herbergi og fleira áhugavert:-)
Þar er frábær þjónusta, herbergin fín, með sófa, borði, rúmum, risastórum koddum, sjónvarpi og sturtu;-)

Maturinn vá maður, það var sko hlaðborð á morgnana svo erfitt var að velja, skyr, djús, kaffi, vínarbrauð, súrmjólk, allskonar brauð og álegg, egg og beikon, ávextir og fleira, og í hádeginu var ennþá meira úrval, 3 tegundir af súpum, nokkrar gerðir af brauði, álegg, vöfflur, margar tegundir af salati og fleira:-)
það var líka kaffitími, kaffi og kökur..

svo var kvöldmatur, flott lambafillet og meðlæti og fyrir þá sem pöntuðu fiskrétt(eins og ég gerði) var saltfiskur, steiktar kartöflur og grænmeti:-)
og svo var frönsk súkkulaðikaka í eftirrétt.

En svo er það rúsínan í pysluendanum;-)
mér datt í hug þegar ég rambaði óvart á ganginn á neðstu hæðinni að flott væri að fara með hópa í óvissu eða heilsuhelgarferð því þar er að finna: heita potta, herbergi með ilmolíumeðferð, nuddbekk, slökunarherbergi, herbergi fyrir birtumeðferð og herbergi með tveimur dásamlegum nuddstólum sem ég fór 3 sinnum í um helgina:-)

Umhverfið er líka flott og margt að skoða t.d. Snorralaug, Snorrastofa, 2 kirkjur, gönguleiðir og fleira...

Jamm, mæli með að þið kíkjið á þetta ef þið viljið prófa eitthvað nýtt:-)
og þetta námskeið kostaði ekki mikið, innan við 20.000 kr, en ég hugsa að við höfum fengið magnafslátt þar sem við vorum um 60 manns á námskeiðinu:-)

Læt þetta nægja í bili...
Hópknús og jákvæð orka til ykkar:-)
kv. Sandra sæla:-)

Vil enda á leiðsögn frá Ikeda:

18. febrúar.
Trúardeilur ætti að forðast hvað sem það kostar af öllum mætti og þær ættu ekki að líðast undir neinum kringumstæðum. Fólk aðhyllist mismunandi trúarbrögð, en aðalatriðið er að við erum öll mannlegar verur. Öll leitum við hamingju og þráum frið. Trúin ætti að færa fólk nær hvort öðru. Hún ætti að sameina og efla hið góða í hjörtum fólks og betrumbæta þannig samfélagið, stuðla að manngæsku og skapa bjartari framtíð.

The Road Is Never Too Long Between Friends

2010-08-08T22:37:00.002Z

Fékk þennan fallega texta sendan í tölvupósti og vildi deila þessu með ykkur:-)

A friend of mine opened his wife's underwear drawer and picked up a silk paper wrapped package:

'This, - he said - isn't any ordinary package.'

He unwrapped the box and stared at both the silk paper and the box.

'She got this the first time we went to New York 8 or 9 years ago.
She has never put it on, was saving it for a special occasion.

Well, I guess this is it.

He got near the bed and placed the gift box next to the other clothing he was taking to the funeral house, his wife had just died.

He turned to me and said:

'Never save something for a special occasion.

Every day in your life is a special occasion'..

I still think those words changed my life.

Now I read more and clean less.

I sit on the porch without worrying about anything.

I spend more time with my family, and less at work.

I understood that life should be a source of experience to be lived up to, not survived through.

I no longer keep anything.

I use crystal glasses every day...

I'll wear new clothes to go to the supermarket, if I feel like it.

I don't save my special perfume for special occasions, I use it whenever I want to.

The words 'Someday...' and ' One Day...' are fading away from my dictionary.
;
If it's worth seeing, listening or doing, I want to see, listen or do it now....

I don't know what my friend's wife would have done if she knew she wouldn't be there the next morning, this nobody can tell.

I think she might have called her relatives and closest friends.
She might call old friends to make peace over past quarrels.

I'd like to think she would go out for Chinese, her favorite food.

It's these small things that I would regret not doing, if I knew my time had come..

Each day, each hour, each minute, is special.

Live for today, for tomorrow is promised to no-one...

If you got this, it's because someone cares for you and because, probably, there's someone you care about.

Vona að þið eigið góða og skemmtilega viku framundan:-)
sumarknús og kossar:-)
Sandra

gott

2010-07-26T11:55:00.000Z

að vera í sumarfríi:-)
já, ég er búin að gera mikið undanfarnar vikur og hef verið nokkuð dugleg við að prófa nýja og spennandi hluti í bland í annað gamalt og gott:-)
ég fór t.d. í sjósund þann 10. júlí með samstarfskonum:-)
Það var skemmtilegt, erfitt og í raun allt öðruvísi en ég hafði ímyndað mér;-)
ég óð út í sjóinn upp að lærum og sneri svo við, þetta var ekki eins kalt og ég hélt, fór svo aftur út í og gekk í sjónum upp að bringu og sneri við í land, en sá þá að hinar voru farnar að synda, svo ég óð einu sinni enn út í og synti þá að fyrstu bauju og til baka:-)
Ferlega ánægð með mig þegar ég var búin að synda og komin í heita pottinn;-)

Nú svo erum við(hópur úr vinnunni) á fullu að æfa okkur í sniglaskokkinu fyrir þátttöku í 10 km hlaupi í Reykjavíkurmaraþoninu:-)
Við hittumst 3-4 sinnum í viku og skokkum saman. ég hef nú reyndar ekki alltaf komist með þeim en fer líka sjálf út að skokka/hlaupa/ganga:-)

Við Heiður vinkona fórum saman út að skokka um daginn og fórum 8,6 km hring í kringum Elliðavatn, Heiðmörk, Norðlingaholt og Vatnsenda og vorum frekar góðar með okkur eftir að hafa lifað það af, og það er ljóst að við getum tekið þátt í hlaupinu:-)

Svo hef ég líka verið í hotyoga, farið oft að synda og farið í smá gönguferð á Esjuna svo eitthvað sem nefnt:-)

En ég hef gert fleira en stundað íþróttir í sumar:-)

ég hélt upp á afmælið mitt í 2 hollum. Það var lítið og notalegt fjölskyldukaffikvöldboð hér heima á afmælisdaginn og vil ég þakka Jóa, Láru, Gunnari Aðalsteini og Gunna fyrir góða og notalega kvöldstund og fyrir gjafirnar sem þau gáfu mér:-)

Svo var stelpuafmæliskvöld laugardaginn 17. júlí og vil ég þakka Gyðu, Guðrúnu, Heiði og Maríu Dís fyrir skemmtilega kvöldstund, spjall og gjafirnar:-)

Ég kíkti til Kristínar um daginn og við skiptum á afmælisgjöfum, spjölluðum og höfðum það notalegt:-)

Ég hef líka farið í stutt ferðalög út fyrir bæinn, tók rúnt á Selfoss, Stokkseyri og Eyrarbakka um daginn, yndislegt að sitja í fjörunni á Stokkseyri í góðu veðri, friði og ró og horfa á sjóinn:-)
Myndir frá ferðinni má sjá í myndasafninu..

Ég kíkti líka inn í Þuríðarbúð á Stokkseyri:-)

Svo hef ég líka bara verið að dingla mér, slaka á, hitta vini og vandamenn, kyrja, sofa, hanga í tölvunni, legið í sólbaði, farið í bíó, farið í ýmsar útréttingar og margt fleira:-)
Ekki má gleyma skírnardeginum hans Gunnars Aðalsteins Jóhannssonar þann 27. júní sem tókst vel í alla staði:-)
Myndir frá skírnardeginum má sjá í myndasafninu:-)

Já, lífið er dásamlegt:-)

Læt þetta nægja í bili, vona að þið eigið góða og skemmtilega daga og að ykkur líði vel á líkama og sál:-)

Hópknús og kossar..
Sandra sumarbarn..

frábær

2010-06-20T23:09:00.005Z

viðburðarrík og góð helgi að baki:-)
Á föstudaginn fór ég eftir vinnu að heimsækja Jóa bróður sem var að koma heim úr tveggja vikna vinnuferð. Ég hitti líka Láru og Gunnar Aðalstein sem sat hissa og glaður í nýja "magapokanum" á maganum á pabba sínum sem Jói keypti úti:-)
Þegar ég kom heim dreif ég mig í ræktina og hamaðist í tækjunum í c.a. klukkutíma:-)
Kvöldinu eyddi ég svo í rólegheitum fyrir framan imbann..
Laugardagurinn byrjaði og endaði með hreyfingu:-)
Vaknaði snemma og undirbjó mig fyrir kvennahlaupið sem var klukkan 11:00 hér í Mosó..
Var voðalega flott í þessum líka appelsínugula bol;-)

Fór 3 km og var bara nokkuð ánægð með mig þegar ég kom í mark og fékk medalíu(sem var stærri og þyngri núna heldur en í fyrra), dreif mig svo heim, fékk mér að borða og lagði mig svo smástund:-)
Kíkti svo rétt aðeins til mömmu seinnipartinn, fór í búð og svo heim til að undirbúa mig undir stelpukvöldið..
Við Heiður fórum fyrst í bíó á myndina A-TEAM, sem var alveg frábær og fyndin hasarmynd, ég mæli með henni:-)
Að því loknu fórum við í bæinn og dönsuðum í tæplega 2 tíma og skemmtum okkur vel á dansstað sem heitir Austur:-)
Kom heim um 3 leytið sveitt, þreytt og ánægð og alveg búin á því:-)

Í dag vaknaði ég um hádegið, dundaði í tölvunni smástund, fór í sturtu og byrjaði svo að elda grænmetissúpu fyrir súpukyrjunina sem var hér heima seinnipartinn:-)
Við vorum fjögur á kyrjuninni allt meðlimir úr hverfinu mínu, við kyrjuðum, fengum okkur súpu og kyrjuðum svo meira:-)

En svo hélt ég líka ungmennakyrjun hér heima í kvöld og vorum við 3 ungar öflugar konur að kyrja saman:-)

Já, þetta var frábært og gott að kyrja svona mikið með góðum vinum, ég kyrjaði samtals í 3 tíma í dag með hléum:-)

Eftir seinni kyrjunina fór ég í stuttan göngutúr, kíkti svo aðeins í tölvuna og er nú að fara að sofa, þreytt, útkyrjuð, glöð og hamingjusöm eftir góða og fjölbreytta daga:-)

Vil þakka öllum sem ég hitti, talaði við og hafði samskipti við um helgina fyrir yndislegar samverustundir:-)

Vona að þið eigið góða viku framundan og að ykkur líði vel á líkama og sál:-)

Nam-mjó-renge-kjó.
Knús og kossar..
Sandra sæla..

Vil enda á leiðsögn frá Ikeda.

21.júní
Þegar þú helgar líf þitt því að ná takmarki þínu, þá mun grunnhyggin gagnrýni ekki trufla þig. Í reynd er ekki hægt að áorka neinu sem skiptir sköpum ef þú leyfir smávægilegum málum að hafa áhrif á þig, alltaf lítandi um öxl og að spá í hvað aðrir segja eða hugsa. Lykillinn að árangri er að halda áfram einbeittur þá leið sem þú hefur valið þér.

Þýtt úr For today & tomorrow, daily encouragement, Daisaku Ikeda

Fór

2010-06-15T15:49:00.003Z

í heimsókn í gærkvöldi til Láru og Gunnar Aðalsteins litla frænda sem er núna orðinn 4 mánaða. Ég elska að vera nálægt honum, hætti að hugsa um allt sem er í gangi í kringum mig og verð svo mjúk inn í mér:-)
Þessi elska lá á leikteppinu sínu á gólfinu, brosti svo fallega og var kátur:-)
Ég tala mikið við hann þegar ég kem og að sjá fallega brosið hans þegar maður kitlar tærnar hans, brosir til hans, heldur í hendurnar, horfir í augun hans eða fíflast eitthvað, það er alveg ómetanlegt:-)
Svo hló hann líka með mér nokkrum sinnum og það var æðislegt að heyra og fylgjast með því:-)
Gunnar Aðalsteinn er líka orðinn svo duglegur og sterkur að hreyfa sig, sparka, toga, spyrna og liggja á maganum og halda höfði:-)
Það er bara ekki hægt annað en að vera hrifin af þessum fallega og yndislega dreng:-)

yndisleg

2010-05-16T16:59:00.003Z

helgi að baki:-)
Fór á magnaðan og góðan ungrakvennafund á föstudagskvöldið, heyrði frábærar reynslur, leiðsagnir, fræðslu og tók þátt í góðum umræðum:-)

Í gær var ég í ábyrgð á laugardagskyrjun, fór svo í Kringluna og keypti afmælisgjöf handa vinkonu minni:-)
Fór svo í 30 ára afmælispartý í gærkvöldi hjá vinkonu minni sem útskrifaðist með mér úr FÁ(Ármúlaskóla) fyrir 10 árum og við fórum saman ásamt fleiri í útskriftarferð til Portúgals árið 2000:-)
Ég hitti líka í partýinu fleiri krakka úr Ármúla og sum þeirra hef ég ekki hitt í nokkur ár, gaman að hitta þetta fólk aftur og endurnýja gömul kynni:-)
Svo fórum við 3 Ármúlapæjur niður í bæ og dönsuðum í tæpa 2 tíma á skemmtistöðunum Torvaldsen og Austur, rosa fjör og gaman:-)

Í dag komu svo Jói, Lára og Gunnar Aðalsteinn í heimsókn:-)
Við förum m.a. í gönguferð í Mosó og fengum okkur svo ís og ávexti hér heima að gönguferð lokinni:-)
Ég tók nokkrar myndir og setti þær í myndasafnið:-)

Svo er jafnvel stefnt á bíóferð í kvöld að sjá Robin Hood:-)

Vil þakka öllum sem ég hitti um helgina fyrir góðar og skemmtilegar samverustundir:-)

Vona að þið eigið góða viku framundan..
Hópknús...
Sandra sumarbarn...

Vil enda á leiðsögn frá Ikeda:

12.maí

Ég vil að þú skiljir hárnákvæma starfsemi hugans. Það hvernig þú stillir huga þinn og öll framkoma þín hefur mikil áhrif á sjálf þitt og umhverfi. Búddíska kenningin um að hvert augnablik innihaldi þrú þúsund möguleika, útskýrir fullkomlega hinn sanna kjarna lífsins. Í gegnum kraft okkar innri styrks, getum við umbreytt sjálfum okkur, fólki í kringum okkur og landinu sem við búum í.

Þýtt úr For today & tomorrow, daily encouragement, Daisaku Ikeda

mikið

2010-05-12T20:51:00.004Z

og margt búið að gerast undanfarið:-)
Þann 1. maí héldum við búddistarnir upp á nokkur stórafmæli m.a. 80 ára afmæli SGI með því að hafa opið hús á Laugavegi:)
Það gekk allt saman vel og það komu yfir 100 manns í heimsókn, hlustuðu á söngatriði, skoðuðu sýningar um menntun, sjálfbæra þróun, mannréttindi og Ikeda og spjölluðu um lífið, tilveruna, búddisma og fleira:-)
Það var líka skemmtilegt og skrýtið að kyrja í húsi á Laugavegi sem var með stórum gluggum og sást vel inn frá götunni:-)

Ég fór í hotyoga um daginn og ég elska þessa tíma, taka vel á í 38-40 stiga heitum sal, teygja á ýmsum vöðvum, svitna mikið og vera alveg búin á því og enda svo í gufubaði:-)
Daginn eftir var ég með harðsperrur á ótrúlegustu stöðum og dreif mig því í sundlaugina, settist í nuddpottinn og notaði kraftmikla nuddbununa til að mýkja upp auma vöðva, endaði svo á þvi að fara í gufubað og þurrsauna sem var mjög gott;-)

Jói bróðir átti afmæli um daginn og fórum við í smá afmæliskaffiboð um kvöldið:-)
Gunnar litli frændi var hress og vakandi og sat lengi hjá okkur. Það voru teknar margar myndir þetta kvöld:-)
Myndirnar má sjá á myndasafnssíðunni:-)
Svo varð Gunnar 3. mánaða þann 11. maí, mikið hvað tíminn líður fljótt;-)

Jamm annars gengur allt sinn vanagang, ég fer í vinnu, stunda leikfimi, fer á fundi og kyrjanir, kíki í heimsóknir til vina og fjölskyldu, fer í bíó og svo framvegis:-)

Framundan er m.a. leikfimi, valkyrjuábyrgð á laugardaginn, 30. ára afmælispartý og ungrakvennafundur:-)

Læt þetta nægja í bili..
Vona að ykkur líði vel á líkama og sál, farið vel með ykkur og njótið samverustunda með fjölskyldu og vinum:-)

Nam-mjó-hó-renge-kjó...
Sandra

Vil enda á leiðsögn um hugrekki og erfiðleika.

7.maí

Það gerist ýmislegt í lífinu. Við eigum gleðidaga og sorgardaga. Stundum gerist eitthvað óskemmtilegt. En það er það sem gerir lífið þess virði að berjast fyrir því. Þeir erfiðleikar sem við mætum eru hluti þess að vera manneskja. Ef við mundum aldrei reyna neinar breytingar eða erfiðleika í lífi okkar, ef ekkert óvænt gerðist, mundum við vera rétt eins og vélmenni, líf okkar væri óbærilega tilbreytingalaust og leiðinlegt. Þess vegna skaltu þroska með þér sterkt sjálf, svo að þú getir tekist á við erfiðleikana í lífi þínu af óttaleysi og stillingu, frammi fyrir hvaða breytingum sem þú mætir.

Þýtt úr For today & tomorrow, daily encouragement, Daisaku Ikeda

hef

2010-04-18T14:39:00.002Z

fengið svo góðar og frábærar fréttir af sigrum, ávinningum, og velgengi fólks í kringum mig og samgleðst ég þeim mjög:-)
alltaf gaman og gott að heyra þegar fjölskyldumeðlimum og vinum gengur vel, sigrar í lífi sínu og líður vel:-)

Fór í heimsókn til Jóa, Láru og Gunnars litla sæta frænda í gær:-)
Gunnar Aðalsteinn var sofandi þegar ég kom, svo við "fullorðna fólkið" töluðum saman og fengum okkur brauð og kaffi, en svo vaknaði frændi, fékk sér að drekka og svo áttum við ágætis stund saman:-)
"Gamla frænka" fékk náttúrulega að halda á honum og svona:-)
Takk kærlega fyrir mig:-)

Er núna í ritgerðarstuði og gengur vel, ætla svo kannski að kíkja til mömmu í kvöld:-)

Vil enda á leiðsögn frá Ikeda:

11.apríl

Svo lengi sem trúarandi okkar er tengdur við Gohonzon, munu ávinningar okkar aldrei hverfa. Þessvegna er lífsnauðsynlegt fyrir okkur að vera stöðug í búddískri iðkunn okkar út lífið, alveg sama hvað, jafnvel þótt suma daga sé líkamlegt ástand okkar eða aðrar aðstæður þannig að við getum ekki gert gongjó eins og við hefðum viljað. Þeir sem halda áfram að takast á við sjálfa sig allt til enda munu uppskera algjöran sigur.

Þýtt úr bókinni: For today & tomorrow, daily encouragement, Daisaku Ikeda

allt

2010-04-17T10:57:00.004Z

í góðum gír hér í sveitnni:-)
ég vaknaði snemma í morgun og fór í sund, synti nokkrar ferðir og fór svo í nuddpottinn og gufuna, alveg æðislegt:-)

Annars gengur allt sinn vanagang, fór á laugardagskyrjun síðustu helgi, súpukyrjun síðasta sunnudag og góðan ungrakvennafund í gærkvöldi:-)
Fór í starfsmannaviðtalið í gær og það gekk vel:-)
Nú stefnir allt í að ég nái að útskrifast í febrúar, þarf bara að taka eitt skyldunámskeið í haust og þá á þetta að vera komið í bili:-)

Hef ekki mikið að segja um þetta gos sem er í gangi, þetta er náttúrulega hrikalegt og ekkert annað að gera en að vona það besta og kyrja fyrir landi og þjóð.. en ég þakka fyrir á meðan Katla sefur, legg ekki í það ef hún byrjar að gjósa, úfff...

Nóg í bili..ætla að halda áfram með ritgerðina ógurlegu:-)
Vona að þið eigið góða helgi og gangið hægt um gleðinnar dyr:-)
Vil líka óska Hlyn frænda til hamingju með fermingardaginn:-)
Hópknús og kossar..
Sandra

Vil enda á leiðsögn frá Ikeda:

13.apríl

Það getur einfaldlega ekki orðið neitt ósvikið lýðræði nema þegnar hvers lands geri sér grein fyrir að þeir eru ótakmarkaðir, að þeir eru aðalpersónurnar, og þá, með visku og sterkri ábyrgðartilfinningu gangi þeir til verks byggt á þeim skilningi. Lýðræði nær ekki tilætluðum árangri nema fólkið vakni til vitundar um að það sjálft verði að öðlast meiri vitneskju og láta sig málin varða, nema þau sameinist, nema þau komi á fót ósigrandi liðsafla fyrir réttlæti og hafi eftirlit með verkum hinna valdamiklu.

Þýtt úr For today & tomorrow, daily encouragement, Daisaku Ikeda

leiðsögn frá Ikeda

2010-04-09T22:37:00.000Z

notalegt

2010-04-02T13:35:00.002Z

að vera í páskafríi:-)
sit hér við tölvuna og er að reyna að byrja á síðastu ritgerðinni þessa önn...

Fékk frábærar fréttir á miðvikudaginn þegar ég skrifaði undir ráðningarsamning í vinnunni sem gildir til áramóta og er þar með komin með vinnu a.m.k. út þetta ár:-)
Er mjög sátt og þakklát fyrir þennan góða og stóra ávinning í mínu lífi:-))

Svaf út í gær, var svo með góða og kröftuga súpukyrjun hér heima og eldaði ágætis grænmetissúpu:-)
Við vorum 7 manns þegar mest var, kyrjuðum í tæplega klukkutíma, fengum okkur svo súpu og brauð, spjölluðum aðeins yfir matnum og kyrjuðum svo aðeins meira:-)
Vil þakka öllum sem komu í kyrjun í gær:-)

Fór svo á stelpuvídjókvöld í gærkvöldi hjá Gyðu vinkonu:-)
Takk fyrir góða samverustund dúllurnar mínar:-)

Ég ætla að fara í hotyoga á morgun og svo í matarboð hjá mömmu annaðkvöld:-)
og svo verð ég að reyna að læra eitthvað um helgina...

læt þetta nægja í bili, óska ykkur gleðilegra páska og vona að þið eigið góðar, skemmtilegar og notalegar stundir í faðmi fjölskyldu og vina:-)
Knús og kossar..
Sandra

Vil að venju enda á leiðsögn frá Ikeda:

2.apríl

Því fæðast mannlegar verur? Þessi spurning hefur vakið mikinn áhuga. Toda forseti setti sína skoðun fram á auðskilinn hátt. Nefnilega, þessi heimur er staður fyrir fólk til að, eins og stendur í Lótus sútrunni, “njóta sín áreynslulaust.” Við vorum fædd hér til að njóta lífsins gæða út í gegn. Trú á búddisma Nichiren er það sem gerir okkur kleift að kalla fram þann mikla lífskraft sem við þurfum til að lifa slíku lífi.

1958: Dánardagur Josei Toda, annars forseta Soka Gakkai

Þýtt úr bókinni For today & tomorrow, daily encouragement, Daisaku Ikeda

Reynsla mín

2010-03-31T21:05:00.001Z

af því að ég byrjaði að kyrja.
Reynsla sögð á umræðufundi í apríl 2006.

Set þetta aftur hér inn til upprifjunar..

Haustið 2004 var ég nýútskrifuð og byrjuð að kenna. Veturinn var erfiður af mörgum ástæðum og kennslan gekk upp og niður. Það gekk á ýmsu í stofunni, í samskiptum við foreldra og nemendur og teymisvinna við hina kennara var stundum ekki alveg nógu góð. Ég átti oft erfitt þennan vetur og leið illa. Sjálfstraustið var ekki mikið og ég var stressuð, óörugg og réði ekki alltaf við skapið í mér, hef alltaf haft áráttu og þráhyggju og miklað hlutina fyrir mér, jafnvel langt fram í tímann. En oftast var þó gaman og spennandi í starfinu. Mér fannst gott að vinna í skólanum og takast á við ýmis spennandi verkefni þar. Ég fékk margar og góðar ráðleggingar og mikla hjálp frá öðrum kennurum og starfsfólki í sambandi við nemendur og margt fleira og ég fór eftir því eins og ég gat og lagfærði ýmislegt hjá mér bæði persónulega og faglega.

Svo leið að starfsmannaviðtalinu hjá skólastjórnendum sem allir starfmenn fara í að vori til að meta stöðuna og ákveða línurnar fyrir haustið. Það eina sem ég var búin að ákveða fyrir viðtalið var að ég ætlaði ekki að gefast upp í kennslunni og langaði til að halda áfram að kenna í þessum skóla. Í stuttu máli sagt var viðtalið langt og erfitt. Við ræddum hreinskilningslega saman og ég sagði frá því hvernig mér leið og hvað gengi vel og illa og hvernig ég hefði alltaf reynt að fara eftir þeim leiðsögnum sem ég hefði fengið. Skólastjórinn sagði að það væri mjög gott að geta viðurkennt veikleika og styrkleika sína og geta lagfært það sem illa gengi. Í ljósi þess og aðallega vegna þess að ég tæki gagnrýni og tiltali svona vel ætlaði hún að gefa mér annað tækifæri og nýja byrjun næsta vetur og bauð mér stöðu í 1. bekk. Ég tók því feginshendi, bæði glöð, ánægð og með kvíðahnút í maganum vegna þeirrar ábyrgðar sem því fylgir sem og reynsluleysis við að kenna þessum aldri. Við töluðum um ýmis atriði sem ég þurfti að vinna í og lagfæra hjá mér fyrir veturinn. Þetta samtal var samt mjög gott og gagnlegt því það gaf mér spark í rassinn um að fara að vinna í sjálfri mér sem var löngu kominn tími til að ég gerði.

Svo kom sumarfríið og ég byrjaði að taka mig í gegn, meðvituð um þessi atriði og ákveðin í því að gera betur næsta vetur og ekki gera sömu mistökin aftur. Fyrst byrjaði ég að lesa sjálfshjálparbækur, slaka á, fara í sund og margt fleira. Á heimilinu var Gohonzon sem bróðir minn átti og hafði ég oft heyrt hann kyrja en hafði aldrei haft áhuga á því og hafði sagt við hann Jóa bróðir að það væri frábært hvað þetta gerði mikið fyrir hann, en að ég myndi aldrei iðka og kyrja, því það myndi ekki hjálpa mér! En svo varð ég forvitin um kyrjun og búddatrúna. Ég ákvað bara að byrja sjálf að kyrja og lesa bækur sem tengust búddista en það var ekki létt að finna réttu bækurnar svo ég las um allskyns stefnur og tegundir búddisma. Jói var út á sjó þegar þarna var komið sögu og gat því ekki leiðbeint mér. Ég kyrjaði og kyrjaði og las og fann strax að þetta var eitthvað sem var spennandi og virkaði. Ég náði að laga og breyta ýmsu hjá mér, varð rólegri, áhyggurnar minnkuðu, áráttan og þráhyggjan minnkuðu mikið og ég náði meiri sjálfsaga, jafnaðargeði og sjálfstrausti. Svo kom Jói í land og ég sagði honum að ég væri byrjuð að kyrja og lesa og hvað ætti ég að gera næst:-)

Við ræddum mikið um þennan búddisma og ég spurði mikið og langaði á fund. Svo leið sumarið og haustið kom og ég fór á marga fundi og varð mjög virk í þessu öllu, fór á haustnámskeið, skráði mig í ungrakvennadeildina og fór á fundi hjá vinnufélaga mínum sem var líka að kyrja og var í ungrakvennadeildinni. Í stuttu máli sagt breyttist ég mikið og um haustið þegar skólinn byrjaði aftur var ég örugg og leið miklu betur. Fékk nýjan samstarfskennara og nýja nemendur og veturinn er búin að vera draumur í dós og ganga eins og í sögu. Ég hef náð vel til krakkanna og verið sjálfsörugg og náð góðum tökum á mér, kennslunni, samstarfi við foreldra og samstarfsfólk.

En svo leið að starfsmannaviðtalinu núna í vor og ég undirbjó mig vel, tók fram hvað mér leið vel í skólanum og hrósaði mörgu sem verið var að gera í skólastarfinu. Setti fram þá ósk að fá að halda áfram með bekkinn og vinna áfram í skólanum, vitandi það að ef það gengi myndi ég lenda í svipuðum aðstæðum og fyrsta árið, en samt með breytingum. Ekki hafði ég áhyggjur af því að vera sagt upp, en hlakkaði mest til að vita hvort stjórnendur hefðu séð breytingar á mér og minni vinnu og að ég fengi kannski hrós:-)
Ég byrjaði viðtalið á því að þakka þeim fyrir tækifærið og seinasta viðtal sem varð til þess að ég kynnist SGI. Í stuttu máli sagt varð þetta viðtal frábært. Ég var í góðu formi, ánægð, í háu lífsástandi og búddaeðlið virkt. Ég fékk mikið hrós og góða uppbyggilega umsögn um þær breytingar sem ég hef unnið að hjá mér og skólastjórinn var ánægður með að ég vildi halda áfram með bekkinn. Við töluðum um næstu skref sem ég þarf að taka og þetta var alveg meiriháttar;-)

Eins og ég hef áður sagt var aðalmarkmiðið mitt í byrjun iðkunar og ástæða þess að ég byrjaði að kyrja sú að ná tökum á mér, aðstæðum í vinnunni, að standa mig og geta axlað þá ábyrgð og traust sem mér var sýnt. Mér hefur tekist það og er ánægð með mig núna. Þetta er mikil vinna að vera virk í iðkun og nota það í daglega lífinu og baráttan er sko ekki búin;-)

Þessi reynsla sýnir að ég valdi rétta leið í lífinu með því að byrja að kyrja og náði svo sannarlega markmiðinu sem sett var fram í upphafi. Lögmálið og kyrjunin virkar svo sannarlega og hef ég fengið margar sannanir fyrir því á undanförnum dögum, margir stórir sigrar og ávinningar fyrir mig og aðra í kringum mig sem ég hef kyrjað mikið fyrir:-)

fékk

2010-03-24T22:51:00.002Z

frábærar fréttir og ávinning í gær og náði einu skrefi í viðbót í átt að algjörum sigri í sambandi við ákveðið karma sem ég er að vinna í hjá mér:-)

Kyrjaði mikið um síðustu helgi, það var sameiginleg kyrjun á laugardaginn og svo súpukyrjun hjá hverfinu mínu á sunnudaginn, ásamt góðum umræðufundi síðastliðinn fimmtudag og frábærum fyrirlestri í gærkvöldi:-)

Nam-mjó-hjó-renge-kjó virkar svo sannarlega:-)

Nú styttist í páskafríið og ætla ég m.a. að nota það til að byrja á síðustu ritgerðinni í náminu þessa önn...

Svo var ég að uppgötva að ég á bara eftir að taka eitt skyldufag í haust í skólanum til að geta útskrifast með diplóma og í augnablikinu stefni ég á að útskrifast í febrúar 2011:-)

annars allt rólegt, ég komst loksins í hotyoga síðastliðin laugardag eftir 3 mánaða hlé og stefni ég á vikulega yogatíma á laugardögum hér eftir:-)

jamm, nóg af mér í bili..
Sendi jákvæða orku út í alheiminn og óska ykkur velfarnaðar og sigurs í öllu sem þið takið ykkur fyrir hendur:-)

kv. Sandra sæla..

Vil enda á leiðsögn frá Ikeda:

23.mars

Við skulum öll beina augum okkar að því að lifa frábærum lífum sem við helgum alltaf sannleikanum og færast í átt að því markmiði við góða heilsu og barmafull af von. Við skulum lifa lífum okkar af hugrekki, án eftirsjár, sækja fram af þolinmæði, ákafa og gegnheilum anda vináttu og félagsskapar.

Þýtt úr For today & tomorrow, daily encouragement, Daisaku Ikeda

Það

2010-03-21T14:19:00.002Z

er alltaf nóg um að vera hjá mér og fólkinu í kringum mig:-)
Langt síðan ég skrifaði síðast og veit varla hvar á að byrja;-)
En ég vil fyrst segja frá því að Gunnar Aðalsteinn, sonur Jóa og Láru kom í heiminn þann 11. febrúar 2010:-)
Gullfallegur og hraustur piltur og það gengur allt vel hjá litlu fjölskyldunni:-)
Ég var boðin í heimsókn í Hreiðið um kvöldið og fékk að halda á Gunnari litla frænda þegar hann var 4 tíma gamall:-)
Skemmtileg og yndisleg heimsókn sem ég mun alltaf muna eftir, og það var mikill heiður að fá að koma í heimsókn:-)

Nú hvað fleira..
Eg er í skólanum og hef fengið fínar einkunnir þar, skilaði m.a. 38 bls verkefni um gildi list- og verkgreina í skólakerfinu og tók viðtal við tvo einstaklinga, einn skólastjóra í grunnskóla og einn deildarstjóra á leikskóla. Ég hljóðritaði viðtölin og vann svo greinargerð og hélt líka litla kynningu um þetta í Kennó. Fékk svo 8.0 í einkunn:-)
Þetta var tímafrekt, skemmtilegt, lærdómsríkt og stórt verkefni..
Ég var líka að uppgötva að ég er alveg að verða búin með diplómugráðu(60 einingar) í meistaranáminu, á bara eftir að taka einn skylduáfanga sem ég mun taka í haust og svo kannski einn áfanga í viðbót:-)
Í augnablikinu stefni ég á að klára diplómu og svo sé ég til hvað mig langar að gera í framhaldi:-)

Ég hef verið líka verið virk undanfarið í búddismanum, farið á fundi og kyrjanir og verið mikið í ábyrgð, mjög gott, gaman og nauðsynlegt fyrir mig að kyrja og ástunda trúna m.a. til að halda góðu og háu lífsástandi og geta stutt aðra:-)

nú svo er margt annað sem hefur á daga mína drifið, hef farið á dansiball, heimsóknir, bíó, saumaklúbba og margt fleira, gaman og gott að styrkja vináttutengsl og halda góðu sambandi við þessa yndislegu og frábæru vini og fjölskyldu sem ég á og er svo þakklát fyrir:-)

Vil að lokum óska Ágústu Sif, litlu systur til hamingju með afmælið í dag:-)

Jæja krúttin mín, ég læt þetta nægja í bili, þarf að halda áfram að læra..

Vona að þið eigið góða daga, séuð heil heilsu og öðlist hamingjusamar, góðar, skemmtilegar og gefandi stundir í lífinu:-)
Munið að það eru engir erfiðleikar eða hindranir sem ekki er hægt að komast yfir, það tekur bara mislangan tíma að vinna sigurinn:-)

Nam-mjó-hó-renge-kjó:-)
Knús og kossar..
Sandra

Vil enda á leiðsögn frá Ikeda:

20.mars

Það geta komið tímar þar sem lífið virðist þrúgandi og leiðinlegt. Þegar okkur finnst við vera föst í einhverjum aðstæðum, þegar við erum neikvæð gagnvart öllu, þegar við erum týnd og áttavillt og ekki viss hvert við eigum að snúa okkur - á slíkum tímum verðum við að umbreyta hlutlausu hugarástandi okkar og ákveða, “ég mun halda áfram þennan veg,” “ég mun vinna ætlunarverk mitt í dag.” Þegar við gerum það mun vora í hjörtum okkar, og blómin byrja að blómstra.

There may be times when life seems gloomy and dull. When we feel stuck in some situation or other, when we are negative toward everything, when we feel lost and bewildered, not sure which way to turn-at such times we must transform our passive mind-set and determine, "I will proceed along this path," "I will pursue my mission today." When we do so a genuine springtime arrives in our hearts; and flowers start to blossom.

Þýtt úr For today & tomorrow, daily encouragement, Daisaku Ikeda

leiðsögn frá Ikeda

2010-03-04T22:32:00.000Z

1.mars

Við þurfum að fara út og blanda geði við fólk á hverjum degi. Gera nánasta samfélag okkar að undirstöðu þess sem við erum að gera, við þurfum að vefa bönd vináttu við aðra og vinna með þeim til að skapa frið. Að vera þannig tengdur í okkar eigin bæ, borg, ríki og landi er raunhæf birting á því að líf okkar eru partur af öllu öðru. Við gerum kenningarnar um að hvert augnablik innihaldi þrjú þúsund svið raunverulegar þegar við vinnum fyrir kosen-rufu.

We need to go out and mix with people every day. Making our local community the base for our activities, we need to forge ties of friendship with others and work with them to create peace. Staying connected in this way to our town, city, state and country is a practical manifestation of our lives permeating all things. We embody the doctrine of a life-moment possessing 3,000 realms when we do kosen-rufu activities.

Þýtt úr For today & tomorrow, daily encouragement, Daisaku Ikeda

Allt

2010-02-06T21:13:00.003Z

að gerast þessa dagana, bæði nýtt og gamalt:-)
um síðustu helgi eldaði ég í fyrsta skipti kjötsúpu og tókst það svona glimrandi vel að hún var etin upp til agna:-)
Ég var með góða og kröftuga 2 tíma súpukyrjun síðastliðinn laugardag og vorum við 7 manns hér þegar mest var:-)
Það var líka fleira sem ég gerði m.a.horfði á bronsleikinn í handbolta, vann í verkefnum, fór í paravinnu á föstudagskvöldið til samnemenda sem ég hafði aldrei hitt áður og gekk samvinnan svona ljómandi vel að við kláruðum verkefnið(höfðum fyrst unnið í sitthvoru lagi) og skiluðum því um kvöldið, vann í öðru verkefni í hinu námskeiðinu og fór í heimsókn til vinkonu minnar í vídjógláp:-)
Svo hafa dagarnir liðið í rútínu, vinna, læra, tveir búddistafundir og tölvuhangs.

Fékk líka fyrstu einkunnina af mörgum á þessari önn, fékk 8,5 fyrir verkefni í list- og verkgreinaáfangnum:-)

Í morgun fór ég á mjög skemmtilega ráðstefnu í Kennó sem leikskólasvið RVK hélt í tilefni af degi leikskólans, til hamingju með daginn leikskólakennarar:-)
Ég keypti líka nokkrar bækur um leikskólafræði, ætla að lesa mér aðeins til um það, kom heim og hélt áfram að læra:-)

eg hef líka náð að taka bæði viðtölin í vikunni, eitt við skólastjóra og annað við kennara, sem er eitt af þeim verkefnum sem ég þarf að vinna og skila og var það mjög fróðleg og skemmtileg reynsla:-)
Ég á að skila því í mars og er því búin að vinna fram í tímann sem er góð tilfinning:-)

Á morgun er ég valkyrja í kyrjun og Kosen-rufu gongyo:-)
ætla svo kannski á fund og svo heim að læra meira, því ég þarf að skila verkefni á þriðjudaginn...

+Er örugglega að gleyma einhverju, en læt þetta nægja í bili...

Óska öllum góðra og skemmtilegra daga og vona að ykkur líði vel á sál og líkama:-)
Love and hugs:-)
Sandra

Leiðsögnin frá Ikeda á sínum stað:
6.febrúar

Nema því aðeins að við lifum til fullnustu akkúrat núna, ekki einhvern tímann í framtíðinni, mun sönn fullnægja í lífinu ganga okkur úr greipum. Frekar en að fresta hlutum þar til seinna, ættum við að finna tilgang í lífinu, hugsa og gera það sem skiptir mestu máli nákvæmlega núna, nákvæmlega þar sem við erum – hafa brennandi áhuga og tendra líf okkar. Að öðrum kosti, getum við ekki átt andríka tilveru.

Þýtt úr For today & tomorrow, daily encouragement, Daisaku Ikeda

er í

2010-01-27T21:05:00.003Z

góðum fíling núna og líður mjög vel:-)
Góður dagur í dag og litlir sigrar á ákveðnum sviðum sem komu skemmtilega á óvart og bættu enn á hátt lífsástand, þakklætið og lífsgleðina:-)
Var á frábærum fyrirlestri í gærkvöldi um karma:-)
Svo eru góðar fréttir af fjölskyldumeðlimum sem ég hef kyrjað mikið fyrir og samgleðst ég þeim mjög:-)

Sit nú við tölvuna að læra og undirbúa verkefni í báðum námskeiðunum, gaman að því og gott að vinna fram í tímann, nota tækifærið þegar ekkert annað er á dagskrá:-)

Jamm, svo er súpukyrjun hjá mér á laugardaginn, ætla jafnvel að prufa frumraun mína í kjötsúpugerð, kemur í ljós hvað gerist;-)

framhald síðar....

Óska ykkur góðra daga, hamingju, góðrar heilsu og sigurs á öllum sviðum lífsins:-)
Nam-mjó-hó-renge-kjó...
Knús og kossar..
Sandra

Gef Ikeda orðið:

27.janúar

Að skoða atburði og aðstæður í jákvæðu ljósi er mikilvægt. Styrkurinn, viskan og gleðin sem fylgja slíku viðhorfi leiða til hamingju. Að skoða allt í jákvæðu ljósi eða í anda góðs vilja, þýðir hins vegar ekki að vera kjánalega trúgjarn og leyfa fólki að notfæra sér góðmennsku okkar. Það þýðir að hafa viskuna og skilninginn til að raunverulega færa allt í jákvæða átt með því að sjá hlutina í sínu besta ljósi, en hafa samt alltaf augun staðfastlega á raunveruleikanum.

Þýtt úr For today & tomorrow, daily encouragement, Daisaku Ikeda

sit

2010-01-25T22:25:00.003Z

hér við tölvuna, með músik í eyrum og les og fræðist um breytingar á menntakerfinu í USA í seinni heimstyrjöldinni:-)
Þeta er fyrsta verkefnið í áfanganum um stefnur og strauma í náttúrufræðimenntun:-)
Ég hef mikinn áhuga á náminu núna og langt síðan ég hef getað sökkt mér vel ofan í námsefnið, þessi námskeið eru líka að miklum hluta byggð á áhugasviði nemenda og ekki of mikið "skipulögð" eins og sum námskeið sem ég hef tekið:-)
en það eru líka ákveðin verkefni, bækur og greinar sem allir þurfa að lesa, vinna og leysa úr, sem er líka gott:-)
Í þessu verkefni eru allir að lesa sömu bókina, en fá einn kafla sem kennarinn úthlutar og eiga að gera úrdrátt úr honum, en það á ekki að endursegja kaflann, heldur taka aðalatriðin, og líka að skrifa okkar álit á því og svoleiðis verkefni kalla ég "pælingar" eða "flæðandi" verkefni:-)
og það er skemmtilegt, reynir svolítið á, og vekur mann til umhugsunar um efnið:-)

En samhliða öllum lestri og verekfnum í námskeiðinu á að halda lestrardagbók með hugleiðingum og framkvæmd, og það er líka spennandi og ögrandi:-)
svo í reynd er verið að vinna að tveim hlutum i einu:-)
ég hef haldið svona lestrardagbók í áföngum í grunnnáminu, þannig að það er ekki nýtt fyrir mér...

En svo er líka annað sem spilar inn í námið núna, það er að nú hef ég einhvern veginn meiri tíma til að sinna þessu, og þetta eru nær allt einstaklingsverkefni, þannig að ég get lært þegar það hentar:-)
ég hef alltaf gefið mér tíma, en hef stundum verið á síðustu stundu...
en hef svosem fari í gengum allskonar hluti í gegnum námið, stór og lítil verkefni, hóp, tvenndar og einstaklingsverkefni, verið í gagnlitlum, gefandi, leiðinlegum og skemmtilegum verkefnum og allt þar á milli, "flæðandi" og "ofurskipulögðum" námskeiðum, og margt fleira:-)

En svona er þetta núna, gaman, áhugavert og verkefnin eru mörg, fjölbreytt og lítil og skilafrestur dreifist vel:-)
og nú er bara að halda þessum dampi áfram:-)

Læt þetta nægja í bili....
Sandra sæla:-)

Vil enda á leiðsögn frá Ikeda:

22.janúar

Á endanum, byggist hamingja þín á því hversu sterkur skilningur þinn er á sjálfinu eða tilverunni. Hamingjan liggur ekki í ytri ásýnd né heldur í hégóma. Málið er hvað þú finnur innra með þér; það er djúp samstilling í lífi þínu. Að vera á hverjum degi uppfullur af gleði og tilgangi, að ná að ljúka verkefnum og djúpri innri fullnægju – fólki sem líður svona er hamingjusamt. Þeir sem hafa þessa fullnægju jafnvel þótt það sé mikið að gera eru miklu hamingjusamari en þeir sem hafa tíma en eru tómir að innan.

Þýtt úr For today & tomorrow, daily encouragement, Daisaku Ikeda

já

2010-01-19T20:58:00.002Z

nú eru verkefnin í náminu að skýrast eitt af öðru. Það eru komnar verkefnalýsingar og fullt af lesefni, og nú reynir á skipulagahæfileika, forgangsröðun og sjálfsagann:-)
Er byrjuð að lesa og undirbúa mig svo þetta er allt í rétta átt:-)
og búin að skila fyrsta verkefninu, degi á undan skilafresti:-)

Jamm, þetta er skemmtileg áskorun og ég hlakka til að takast á við eitthvað nýtt og líka kunnulegt efni:-)

Svo er líka nóg um að vera í búddismanum, fundir, ábyrgðir og kyrjanir:-)
Var einmitt að undirbúa fræðslu áðan sem ég verð með á umræðufundinum í hverfinu mínu á fimmtudagskvöldið:-)

nóg í bili frá mér, vona að þið eigið góða og fjölbreytta daga í góðum félagsskap:-)
Strumpaknús..
Sandra

Leiðsögn frá Ikeda:

18.Janúar

Dr. Martin Luther King yngri, sem var mikill baráttumaður fyrir mannréttindum sagði: "ágengasta spurning lífsins er, hvað ertu að gera fyrir aðra?" Segðu ekki að þú munir gera það "einhvern tímann"; núna er tíminn. Segðu ekki "einhver" mun gera það; gerð þú það. Núna er rétti tíminn fyrir æskuna að taka fulla ábyrgð og ryðja brautina að sigri fólks.

Þýtt úr For today & tomorrow, daily encouragement, Daisaku Ikeda

Leiðsögn dagsins

2010-01-19T00:01:00.000Z

19.janúar

Það að þjást og ganga í gengum erfiðleika fyrir vini sína og fyrir að breiða út lögmálið sýnir ábyrgðartilfinningu ósvikins leiðtoga og er framkoma bottisattva. Það er engin þjáning eða erfiðleikar sem bottisattva jarðar getur ekki þolað. Svo að hvað sem gerist, mundi ég vilja að þið færist stöðugt áfram, eitt skref í einu, kyrjandi nam-mjóhó-renge-kjó kraftmiklum röddum.

Þýtt úr For today & tomorrow, daily encouragement, Daisaku Ikeda

er

2010-01-16T17:39:00.003Z

núna á fullu að vinna fyrsta verkefnið í listaáfanganum sem á að skila á mánudaginn:-)

Var valkyrja í morgun, gott og skemmtilegt að byrja daginn á 2 tíma kyrjun og hitta fullt af frábærum búddistum:-)

Svo eftir kyrjun fór ég upp í Kennó, keypti nokkrar námsbækur og prentaði út 120 bls grein sem ég þarf að byrja að lesa fljótlega...

Í gær fékk einn úr fjölskyldunni stóran ávinning og óska ég honum til hamingju:-)

Vil óska Gyðu minni og Óla bróðir mínum innilega til hamingju með afmælið:-)

Jæja krúttin mín, ég vona að ykkur líði öllum vel og að þið sigrið á öllum sviðum lífs ykkar og munið að þið hafið alla möguleika til að eignast varanlega hamingju og gott líf og sigra alla erfiðleika og hindranir sem upp koma:-)

Nam-mjó-hjó-renge-kjó;-)

Knús og kossar
Sandra námsmaður...

Vil gefa Ikeda orðið:
27. desember

Sama hverjar kringumstæðurnar eru, aldrei skaltu játa þig sigraðan. Aldrei halda að þú sért komin í blindgötu, að allt sé búið. Þú býrð yfir dýrðlegri framtíð. Og einmitt þess vegna, verðurðu að þrauka og fræðast. Lífið er eilíft. Við verðum að einbeita okkur að þessum tveimur tilverum, nútíð og framtíð og ekki festast í fortíðinni. Við verðum ávallt að hafa það að leiðarljósi að byrja upp á nýtt “frá þessu augnabliki”, að hefja nýja baráttu á hverjum degi.

Þýtt úr For today & tomorrow, daily encouragement, Daisaku Ikeda

Góðan daginn

2010-01-13T18:28:00.002Z

og gleðilegt nýtt ár:-)

Já, margt hafa dagarnir borið í skauti sér og ýmislegt skeð, bæði gleðilegt og sorglegt hjá mér og fólkinu í kringum mig..
En ég skrifa nú kannski um það seinna.
Ég hef nefnilega ekki komist inn á bloggsíðuna undanfarið vegna einhverrar bilunar í netheimum, en nú er það vonandi komið í lag:-)

En nú er ný önn byrjuð í skólanum og eins og er er ég skráð í 2 spennandi námskeið, sjáum til hvort ég klári þau bæði, en allavega verð ég í verkefnavinnu um helgina:-)
Svo hef ég líka núna meiri tíma til að sinna búddismanum og vera í ábyrgð og mæta á fundi, verð t.d. í hlutverki valkyrju á laugardaginn;-)

Læt þetta nægja í bili, er að fara út úr dyrunum...
heyrumst
Sandra

Vil enda á leiðsögn frá Ikeda:

9.janúar

Hinn sanni ávinningur hins leynda lögmáls er lítt áberandi. Alveg eins og tré stækkar og verður sterkara ár frá ári, og bætir við sig vaxtarhringjum sem eru ómerkjanlegir mannlegu auga, munum við líka vaxa í átt að sigursælli tilveru. Af þessari ástæðu er mikilvægt að við lifum lífinu af þrautsegju og jafnvægi byggt á trú.

Þýtt úr For today & tomorrow, daily encouragement, Daisaku Ikeda

The real benefit of the Mystic Law is inconspicuous. Just as trees grow taller and stronger year after year, adding growth rings that are imperceptible to the human eye, we too will grow toward a victorious existence. For this reason it is important that we lead tenacious and balanced lives based on faith.

jamm

2009-12-11T22:02:00.002Z

bara rólegt í kvöld og þá er um að gera að nota tímann til að skrifa jólakort og pakka inn gjöfum sem eiga að fara til vina og ættingja í útlöndum:-)
ætla nefnilega að reyna að setja þetta í póst um helgina:-)

búin að skila lokaverkefni í námskeiðinu, nú er bara að bíða eftir einkunn:-)
annars allt rólegt þannig lagað, alltaf eitthvað í gangi hjá mér, ofvirku Söndru:-)

Fór á rólegan og góðan umræðufund í gær, svo á mamma afmæli um helgina og ætlum við mæðgurnar að fara út að borða á sunnudaginn af því tilefni:-)

svo er eitthvað fleira á döfinni, s.s. vinna, kyrjun, saumó, dansiball og fleira, og svo eru jólin víst að koma og það þarf að gera ýmislegt í sambandi við það:-)
set hér inn smá jólalag í tilefni aðventunnar:-)

Vona að þið eigið góða og notalega helgi:-)
Sandra jóló:-)

Leiðsögn dagsins:

11. desember

Toda forseti var vanur að segja, “Verðið einstaklingar sem eru sterkir líkamlega, andlega og trúarlega”. Að vera sterkur á öllum þremur sviðum er fullkomið. Margir einstaklingar eru sterkir á einu eða tveimur af þessum sviðum, en aðeins þeir sem eru sterkir á öllum þremur geta notið vel yfirvegaðs lífs, lífs algjörs sigurs. Þeir sem þroska með sér svo alhliða styrk fara aldrei halloka.

Þýtt úr For today & tomorrow, daily encouragement, Daisaku Ikeda

smá

2009-11-27T22:26:00.002Z

fræðsla um ávinninga og bænir í búddismanum sem ég ástunda:-)

Ávinningar sem við öðlumst með því að kyrja Nam-mjóhó-renge-kjó fyrir framan Gohonzon. Árangur af iðkun okkar er sá að smátt og smátt getum við:

1. Orðið hreinlynd og hæf til að meðtaka alla þekkingu.

2. Dýpkað trú okkar á Gohonzon með því að birta góðar orsakir sem við höfum gert í fortíðinni - það þýðir að við yfirstígum allar efasemdir um að Búddhaeðlið sé innra með okkur, með því að sjá augljósa ávinninga.

3. Sýnt hæfileikann og þrána til að lina þjáningar annarra og veita þeim grundvallar hamingju.

4. Öðlast rósemi hugans og ánægju.

5. Orðið umlukin góðu fólki; vinum, fjölskyldu og fólki í þjóðfélaginu almennt.

6. Viðhaldið stöðugt fersku og leitandi hugarfari.

7. Stjórnað niðurrifstilhneigingum okkar og reiði og öðlast stillingu.

8. Frætt aðra um Búddhismann frá Búddhaeðli okkar.

9. Orðið ónæm fyrir áhrifum lægri, tímabundinna kenninga.

10. Ætíð leitað fyrst til Gohonzon, fremur en að reiða okkur á aðrar leiðir.

11. Aldrei afvegaleiðast af völdum grunnhyggni og neikvæðra áhrifa í umhverfi okkar.

Við kyrjum fyrir framan Gohonzon fyrir svo mörgu í lífi okkar og annarra. Fyrir hamingju, gæfu, hlutum, friði, og sv.frv. Stundum þá kyrjum við mikið fyrir einhverju en sjáum enga ávinninga, eða sigur sem getur leitt til þess að við efumst, og jafnvel hættum að kyrja eða trúa á Gohonzon.Við sjáum oft líka ávinninga eftir ákveðin tíma. En stundum fáum við sigur mjög fljótlega, jafnvel eftir stutta kyrjun.

Ávinningar af kyrjun birtast oft í annarri mynd og á annan veg og tímabili en kyrjað var fyrir, eða óskað var eftir, en koma þó oftast þegar maður þarf mest á þeim að halda, eða þegar rétti tíminn er kominn.
Óljósir ávinningar eru langtum stórkostlegri en augljósir ávinningar. Nichiren Daishonin útskýrir þess vegna hvernig bænum okkar til Gohonzon er svarað á fjóra mismunandi vegu:

1. Augljósar bænir koma fram sem augljósir ávinningar merkir að sterkar bænir okkar með ákveðinni þrá eru fljótt uppfylltar.

2. Augljósar bænir koma fram sem óljósir ávinningar merkir að sterkar bænir okkar með ákveðinni þrá eru uppfylltar eftir langan tíma og við skiljum, eftir á að hyggja, hvers vegna þær voru ekki uppfylltar fyrr.

3. Óljósar bænir koma fram sem augljósir ávinningar merkir að stöðug og sterk iðkun okkar styrkir okkur með því að láta í té augljósa hjálp þegar á þarf að halda. Þetta er einnig þekkt sem "vernd".

4. Óljósar bænir koma fram sem óljósir ávinningar merkir að stöðug og sterk iðkun okkar í langan tíma leiðir til þess að hvert svið lífs okkar fyllist gleði og þakklæti.

Föstudagskvöld

2009-11-27T21:11:00.003Z

hef verið á fullu undanfarið og ekki er törnin búin enn..
Við erum að klára lokaverkefnið í námskeiðinu og gengur það vel, höfum verið nær öll kvöld og helgar undanfarið og eigum c.a. 10 daga eftir í ritgerðaskil:-)

Annars er lítið að frétta, dagarnir eru langir og fjölbreyttir, kem heim úr leikskólanum til að fara í sturtu og skipta um föt og fer svo fljótlega aftur út til að læra;-)

Hef fengið góðar fréttir af vinum og ættingum og samgleðst þeim mjög:-)
Alltaf gott og gaman að heyra af góðum ávinningum og flottum sigrum í lífi fólks:-)

Læt þetta duga í bili..
Vona að þið eigið góða helgi og að ykkur líði vel:-)
kv. Sandra ofvirka;-)

Leiðsögnin frá Ikeda:
12.nóvember

Ég vona að sama hvað gerist, munið þið halda áfram með von í hjarta. Sérstaklega vona ég að því meiri örvænting sem er í kringumstæðum ykkar, því kröftuglegar haldið þið áfram með óbilandi von. Vinsamlega haldið áfram að ögra kringumstæðum með björtum og jákvæðum anda, og á sama tíma að hugsa vel um og tryggja heilsu ykkar.

I hope that no matter what happens, you will always advance with hope. Especially I hope that the more desperate your circumstances, the more you will press on with unflagging hope. Please keep challenging things with a bright and positive spirit, always taking care at the same time to safeguard your health.

Þýtt úr For today & tomorrow, daily encouragement, Daisaku Ikeda

Leiðsögn dagsins

2009-11-18T23:06:00.001Z

18.nóvember

Kosen-rufu er markmið Soka Gakkai – uppfylling hamingju alls mannkyns og alheimsfriður með því að dreifa lífsspeki og hugmyndum búddisma Nichiren Daishonin. Við munum halda áfram að leggja okkur fram til að ná þessu marki, óhrædd við gagnrýni, baknag eða illgjarnar tilraunir til að hindra framrás okkar. Það er vegna þess að við erum að framfylgja vilja og fordæmi hins upprunalega Búdda, Nichiren Daishonin. Ég lýsi yfir að allir sem leggja fram krafta sína í þágu kosen-rufu eru einlægir fylgismenn Nichiren og einlægir meðlimir SGI.

Stofndagur Soka Gakkai
1930; Soka Gakkai stofnað
1944; Tsunesaburo Makiguchi, fyrsti forseti Soka Gakkai, deyr í fangelsi.

The Soka Gakkai's goal is kosen-rufu-realizing human happiness and world peace by widely spreading the philosophy and ideals of Nichiren Daishonin's Buddhism. We will continue to strive earnestly for this goal, undaunted by criticism, slander or malicious attempts to hinder our progress. That is because what we are doing is the will and decree of the original Buddha, Nichiren Daishonin. I proclaim that all who energetically exert themselves for the cause of kosen-rufu are genuine disciples of the Daishonin and genuine members of the SGI.

Events:
Soka Gakkai Founding Day
1930: Soka Gakkai is established.
1944: Tsunesaburo Makiguchi, the Soka Gakkai's first president, dies in prison.

Þýtt úr For today & tomorrow, daily encouragement, Daisaku Ikeda

Allt

2009-11-17T22:49:00.003Z

rólegt hér í sveitinni:-)

Erum búnar að skila af okkur verkefni nr.2 og halda hálftíma fyrirlestur um fræðimanninn John Dewey, sem gekk bara ágætlega:-)
Nú er bara að skella sér í að klára ritgerðina sem er 3. og síðasta verkefnið í þessu námskeiði, höfum frest til 6. des, svo ég verð meira og minna upptekin í verkefnavinnu kvöld og helgar næstu vikur;-)

Það gengur vel í vinnunni, mér líkar vel og er komin vel inn í rútínuna og leikskólalífið;-)

Svo er eitt og annað sem ég hef tekið mér fyrir hendur, s.s. ýmiskonar búddistafundir, bíóferðir, heimsóknir, búðarferðir(já er byrjuð að týna saman í jólapakkana) og margt fleira:-)

Læt þetta nægja í bili, er að fara að lúlla:-)
Strumpaknús..
Sandra

Vil enda á leiðsögn frá Ikeda:

16.nóvember

Þegar við tölum um að sýna raunverulega sönnun, þá þýðir það ekki að þurfum að reyna að setja upp einhverja sýningu til að sýnast vera eitthvað annað en við erum, að við vitum meira eða höfum náð meiri árangri en við höfum náð. Það er von mín að á þann hátt sem hentar best þínum aðstæðum, munir þú sanna gildi þessa búddisma með því að bæta þig jafnt og þétt í daglegu lífi þínu og fága persónuleika þinn, jafnt innan fjölskyldu þinnar sem á vinnustað og í samfélaginu.

When we speak of showing actual proof, it doesn't mean we have to try to put on a show of being in any way more knowledgeable or accomplished than we are. It is my hope that, in the manner that best suits your situation, you will prove the validity of this Buddhism by steadily improving in your daily life and in polishing your character, as well as in your family, place of work and community.

Þýtt úr For today & tomorrow, daily encouragement, Daisaku Ikeda

hugsun

2009-10-31T12:45:00.002Z

Er að vinna verkefni úr bókinni Hugsun og Menntun eftir kennismiðinn John Dewey. Við eigum að skila þessu verkefni í næstu viku og svo halda fyrirlestur um sama efni í þarnæstu viku:-)
Vinnan við verkefnið gengur ágætlega en þó er stundum erfitt að koma sér að verki:-)

Svo ætlum við vinkonurnar að fara í bíó í kvöld og á morgun byrja ég daginn á að vakna snemma, fara í ábyrgð, vera valkyrja á Kosen- rufu gongyo og að því loknu fer ég til Heiðar vinkonu minnar og stefnum við á að vera duglegar að halda áfram með verkefnið:-)

Jamm, nóg um að vera:-)

Ég er sátt og glöð í nýju vinnunni minni á leikskólanum og líkar vel þar, er svona flakkari innanhúss og fæ að vinna á öllum fjórum deildunum með börnum frá 1-6 ára:-)

Þegar ég sit hér við tölvuna og reyni að koma mér að verki flakkar hugurinn fram og aftur og margt sem ég að hugsa um, bæði í fortíð, nútíð og framtíð:-)
Það rijaðist upp fyrir mér hvað ég hef verið lánsöm í gegnum tíðina að fá að vinna margskonar störf og safnað í reynslubankann, því ég held að það sé ekki svo auðvelt fyrir ungt fólk í dag að fá vinnu og reyna sig í ýmiskonar störfum..

Vil ég setja þessi störf mín á blað hér fyrir sjálfan mig í dagbókina svo ég hafi þetta niðurskrifað:-)
Ekki þó í réttri röð:
Umsjónarkennari í grunnskólum, leikskólaleiðbeinandi, pizzasendill, kassadama í stórmarkaði, starfsmaður í sjoppu, unnið í saltfiskvinnslu og ferskfiskvinnslu, verið stuðningsfulltrúi á sambýlum fyrir fjölfötluð og einhverf ungmenni, unnið við póstflokkun, verið húsvörður og unnið við ræstingar, barnfóstra, starfsmaður í eldhúsi á dvalarheimili aldraða, borið út og selt blöð, unnið í bæjar- og unglingavinnu við smíðar, gróðursetningu og málningarvinnu, starfað við framkvæmd kosninga:-)
Man ekki eftir fleiru í bili;-)

Vona að þið eigið góða helgi, gangið hægt um gleðinnar dyr, njótið samveru hvers annars og séuð hamingjusöm:-)
Bangsaknús..
Nam-mjó-hó-renge-kjó:-)
Sandra sæta..

Gef Ikeda orðið:

27.október

Hvort við lítum á erfiðleika í lífinu sem ógæfu eða hvort við lítum á þá sem gæfu veltur algjörlega á því hversu mikið við höfum mótað okkar innri ákvörðun. Það veltur allt á viðhorfi okkar eða innra lífsástandi. Með óbuguðum anda, getum við notið lífsins út í gegn. Við getum mótað “sjálf” þvílíkrar hugprýði að við getum hlakkað til mótlætis og þrauta lífsins af djúpstæðu stolti og gleði: “Komið hindranir! Ég hef beðið eftir ykkur! Þetta er tækifærið sem ég hef beðið eftir!”

Whether we regard difficulties in life as misfortunes or whether we view them as good fortune depends entirely on how much we have forged our inner determination. It all depends on our attitude or inner state of life. With a dauntless spirit, we can lead a cheerful and thoroughly enjoyable life. We can develop a "self" of such fortitude that we can look forward to life's trials and tribulations with a sense of profound elation and joy: "Come on obstacles! I've been expecting you! This is the chance that I've been waiting for!"

Þýtt úr For today & tomorrow, daily encouragement, Daisaku Ikeda

sit

2009-10-19T20:32:00.002Z

hér við tölvuna með námsbók við hlið mér og er að fara að læra aðeins fyrir næsta verkefni í náminu mínu;-)

já það hefur mikið gerst á stuttum tíma í sambandi við vinnukarma, nenni ekki að fara í gegnum það allt en ég er semsagt hætt að kenna í grunnskóla eftir 5 ára kennsluferil og farin að vinna á frábærum leikskóla:-)
Mér líkar það vel og finnst gaman og gott að breyta aðeins til í starfi og núna líður mér mjög vel:-)

Læt þetta nægja í bili, vona að þið eigið góða og skemmtilega daga og sigrið á öllum sviðum lífs ykkar:-)
Knús og kossar..
Sandra leikskólaleiðbeinandi:-)

Vil enda á leiðsögn frá Ikeda:

29. janúar

Ástundun búddhisma jafngildir því að vera sigursæll. Með því að taka framförum í sérhverju skrefi í veruleika hins hversdagslega lífs okkar, sýna merki raunverulegra sannanna með því að verða sigurvegarar og takast vel upp, erum við að leiða í ljós með tilvist okkar gildi búddhisma Nichiren Daishonin og erum þannig uppspretta vonar og hvatningar fyrir þá sem vilja fylgja okkur á vegi trúarinnar.

Practicing Buddhism means being victorious. In advancing one step at a time amid the realities of our daily lives, in showing concrete actual proof, in becoming victors and successes we are demonstrating with our very beings the validity of Nichiren Daishonin's Buddhism and serving as a source of hope and inspiration for those who will follow us on the path of faith.

Þýtt úr For today & tomorrow, daily encouragement, Daisaku Ikeda

Hvernig þekkir maður heilablóðfall

2009-10-12T21:45:00.002Z

Fékk þetta bréf sent fyrir nokkrum árum.
Gott að lesa yfir og hafa í huga, góð vísa aldrei of oft kveðin....

Heilablóðfall : Munið ÞRJÚ FYRSTU SKREFIN

Vinur minn sendi mér þetta og hvatti til að senda áfram til að koma þessum áríðandi skilaboðum á framfæri.

Hvernig þekkir maður heilablóðfall:

vinkona mín sem var að fá heilablóðfall hrasaði við og datt og hún sannfærði viðstadda um að það væri allt í lagi með sig, hún hefði bara hrasað út af nýju skónum sínum. Síðar um kvöldið hringdi eiginmaður hennar og sagði að hún hefði látist og dánarorsökin væri heilablóðfall. Ef þeir sem voru með henni hefðu þekkt einkenni heilablóðfalls þá hefði kannski verið hægt að bjarga henni. Heilablóðfall dregur suma til dauða en lamar aðra.
Taktu þér smástund til að lesa eftirfarandi:

Taugasérfræðingur segist geta snúið við afleiðingum heilablóðfalls ef hann fær sjúklinginn nógu fljótt, galdurinn sé að greina blóðfallið og koma sjúklingnum á sjúkrahús innan þriggja klukkustunda.

HVERNIG HÆGT ER AÐ ÞEKKJA HEILABLÓÐFALL,
þrjú mikilvæg skref sem þú skalt muna:
Sá sem vill komast að því hvort um heilablóðfall er að ræða á að spyrja þriggja einfaldra spurninga:

B* Biddu viðkomandi að BROSA.

T* Biddu manneskjuna að TALA, SEGJA EINFALDA SETNINGU Í SAMHENGI (sólin skín í
dag en í gær var rigning)
L* Biddu hana/hann að LYFTA BÁÐUM HANDLEGGJUM UPP

{ ath : Annað merki um heilablóðfall: Biddu viðkomandi að reka út úr sér tunguna og ef hún er bogin til annarrar hliðarinnar getur það líka verið merki um heilablóðfall }

Ef viðkomandi á í vandræðum með eitt eða fleiri af þessum fyrirmælum hringdu þá í 112 og lýstu einkennunum.

Fór

2009-10-11T10:20:00.002Z

í hotyoga í gær, elska þessa tíma:-)
Æfum í 39°-40°heitum sal,þannig að við komumst dýpra í stöðurnar og æfum vöðvana, erum á fullu allan tímann og maður er algjörlega búin á því eftir 90 mínútur:)
Maður rennsvitnar þannig að fötin límast við mann, það myndast raki á vatnsbrúsann og ég gat ekki verið með gleraugun á mér vegna svita:-)
Eg mæli svo sannarlega með hotyoga:-)
og nú er ég með miklar harðsperrur í baki, lærum og öxlum, en það er bara gott;-)
hér er sýnishorn af hotyogatíma- sem er stundum kallað Bikram yoga:-)

Alla síðustu viku vorum við Heiður að læra langt fram á kvöld, þýða grein, búa til glærusýningu og undirbúa fyrirlestur.
Síðasta föstudag var staðlota í Kennó og við fluttum fyrirlesturinn og gekk það vel:-)
Svo er bara að byrja að undirbúa næsta verkefni, það er að gera úrdrátt úr bók sem við erum búnar að velja og halda kynningu á henni í næstu staðlotu í nóvember:-)

Í dag er m.a. á dagskrá: að fara yfir próf, kíkja á kennsluáætlun, búa til fundarplan, horfa á Silfur Egils og svo verður jafnvel kíkt í bíó í kvöld;-)

Jamm, læt þetta nægja í bili og óska ykkur góðrar viku:-)
Knús og kossar...

Vil enda á leiðsögn frá Ikeda:

8.október
Þegar þú rekst á vegg, ættiru að segja við sjálfan þig, “fyrst það er veggur hér, hlýtur að vera þvílík víðátta handan hans.” Frekar en að láta það draga úr þér kjarkinn, skaltu vera viss um það að rekast á vegg er sönnun þess hversu miklum framförum þú hefur tekið fram að þessu. Ég vona að þú munir stöðugt halda áfram að taka framförum í búddískri iðkun þinni með þessa sannfæringu að leiðarljósi í hjarta þínu.

When you encounter a wall, you should tell yourself, "Since there is a wall here, a wide, open expanse must lie on the other side." Rather than becoming discouraged, know that encountering a wall is proof of the progress that you have made so far. I hope that you will continually advance in your Buddhist practice with this conviction blazing ever more strongly in your heart.

Þýtt úr For today & tomorrow, daily encouragement, Daisaku Ikeda

Konur yfir fertugt

2009-09-30T19:00:00.002Z

Andy Rooney í 60 mínútum - tær snilld...

Eftir því sem ég eldist, met ég mest konur yfir fertugt
og hér eru nokkrar ástæður fyrir því:

Kona yfir fertugt mun ekki vekja þig um miðja nótt og spyrja þig
"hvað ertu að hugsa?"
Henni gæti ekki verið meira sama.

Ef kona yfir fertugt vill ekki horfa á leikinn með þér vælir hún ekki yfir því.
Hún gerir eitthvað sem hana langar til og yfirleitt er það áhugaverðara en leikurinn.

Konur yfir 40 eru virðulegar í framkomu.
Þær fara sjaldan í öskurkeppni við þig í óperunni eða á fínum veitingastað.
Nema þú eigir það skilið, þá hika þær ekki við að skjóta þig ef þær halda að þær komist upp með það.

Eldri konur eru örlátar á hrós, oft óverðskuldað.
Þær vita hvað það er að vera ekki metin að verðleikum.

Konur verða skyggnar með aldrinum.
Þú þarft aldrei að viðurkenna misbresti þína fyrir þeim.

Þegar þú getur litið framhjá einni eða tveimur hrukkum er kona yfir 40 langtum kynþokkafyllri en yngri kynsystur hennar.

Eldri konur eru hreinar og beinar.
Þær segja þér eins og skot að þú sért asni ef þú hagar þér sem slíkur.
Þú þarft aldrei að fara í grafgötur með hvar þú hefur þær.

Já, við dásömum konur yfir fertugt af mörgum ástæðum.

Því miður er það ekki gagnkvæmt.
Því fyrir hverja glæsilega, smarta og vel greidda konu yfir fertugt,
er sköllóttur, vambmikill forngripur í gulum buxum gerandi sig að fífli fyrir 22 ára gengilbeinu.
Konur, ég biðst afsökunar.

Til allra þeirra karla sem segja;
"Afhverju að kaupa kúna þegar þú getur fengið mjólkina frítt?"
þá eru hér nýjar upplýsingar:

Nú á tímum eru 80% kvenna á móti giftingum.

Hvers vegna?

Vegna þess að konur gera sér grein fyrir að það borgar sig ekki að kaupa
heilt svín þótt þær langi í smá pylsu!

Andy Rooney

Gullið sólarlag

2009-09-21T19:11:00.005Z

Sólin
yndislega sólin
sem hlýjar jafnt
sál og hörundi,
mönnum,dýrum og plöntum.
Sólin
fallega sólin
stór og lítil
sem rís og hnígur
í margbreytilegum litum
ýmist fyrir ofan/neðan skýin
eða í felum bak við.
Elsku sólin mín
hvar værum við án þín.
Sólarlag,
sólarupprás.
Sólargyðja, systir mánans.
Takk fyrir birtu þína og hlýju.

Leiðsögn dagsins

2009-09-20T14:09:00.000Z

20.september

Þegar markmið þín breytast þá mun allt annað byrja að stefna í þá átt sem þú þráir. Á þeirri stundu sem þú ákveður að vera sigurvegari, mun hver taug og fruma í líkama þínum taka stefnuna í átt að velgengni þinni. Á hinn bóginn ef þú hugsar “þetta á aldrei eftir að ganga upp,” þá munu á þeirri stundu allar frumur líkama þíns gefast upp og taka stefnuna niður á við.

When your determination changes, everything else will begin to move in the direction you desire. The moment you resolve to be victorious, every nerve and fiber in your being will immediately orient itself toward your success. On the other hand, if you think "This is never going to work out," then at that instant every cell in your being will be deflated and give up the fight, and then everything really will move in the direction of failure.

Þýtt úr For today & tomorrow, daily encouragement, Daisaku Ikeda

náði

2009-09-18T12:54:00.002Z

mér í flensupest í vikunni og sit nú hér heima með hita, kvef og verki á ýmsum stöðum...
en fyrst að maður átti að fá flensu þá er eins gott að klára þessi veikindi af fyrir veturinn;-)

Skrýtið þetta líf og allt sem því fylgir.
Er á fullu þessa dagana að reyna að bæta mig í starfi og vinna í endurteknu karma, tekur tíma en þetta er nú allt í rétta átt, hef fengið jákvæð viðbrögð og góða ávinninga;-)

Fékk líka svo góðar fréttir af einstakling mér nákomnum sem vann stóran og jákvæðan sigur í gær og samgleðst viðkomandi innilega:-)

Jæja, hef ekki meira að segja í bili, vona að þið eigið góða helgi og sigrið á öllum sviðum lífs ykkar:-)
Risaknús og kossar..
Sandra

Leiðsögn dagsins á vel við markmið mín núna:

15.september

Ég vona að hvert ykkar nái árangri í því sem þið takið ykkur fyrir hendur, og að þið gerið ykkur grein fyrir því að góður árangur næst ekki ef gefist er upp á miðri leið, heldur með því að hvika hvergi í að fylgja þeim vegi sem hvert ykkar hefur hefur valið sér. Og áfram á þessum sömu nótum, það er líka mikilvægt að þú gerir þér ljóst að vinnustaður þinn er staður þar sem þú mótar persónuleika þinn og eykur vöxt þinn sem manneskja. Í víðara samhengi, þá er það staður fyrir búddíska iðkun, staður til að iðka og dýpka trú þína. Þegar þú skoðar málið frá þessu sjónarmiði, munu allar umkvartanir þínar hverfa. Enginn er aumkunarverðari en sá sem kvartar stöðugt.

I hope that each of you will realize success in your respective fields, fully recognizing that success means not giving up halfway but resolutely pursuing the path you have chosen. To this end, it is also important that you realize that the place where you work is a place for forging your character and growing as a human being. By extension, therefore, it is a place for your Buddhist practice, a place for practicing and deepening your faith. When you view things from this angle, all your complaints will disappear. No one is more pathetic than someone who is constantly complaining.

Þýtt úr For today & tomorrow, daily encouragement, Daisaku Ikeda

margt

2009-09-14T20:04:00.003Z

um að vera hjá mér eins og oftast:-)
er loksins farin að stunda smá leikfimi aftur, fór í jóga á laugardaginn, í ræktina í dag strax eftir vinnu, og ætla að reyna að fara í hotyoga á morgun:-)

Svo er skólinn að byrja(meistaranámið) og verðum við Heiður að vinna í verkefni næstu helgar, eigum nefnilega að halda fyrirlestur í námskeiðinu eftir 3 vikur:-)
nú, svo er ég á búddistafundum, námskeiðum og kyrjunum, ásamt endurmenntun í sambandi við vinnuna, bara nóg að gera og hugsa um:-)

En það eru líka undarlegir hlutir og karma í gangi sem taka tíma, orku og þankagang, en þannig er það bara núna, verð að klára það mál sem fyrst....

En svona getur nú lífið gengið, skin og skúrir og því er best að taka einn dag í einu og ekki hugsa of mikið um framtíðina.....

en nóg um mig í bili..

Vona að þið eigið góða daga og munið eftir að þakka fyrir allt sem þið eigið og hafið, því þetta er ekki sjálfgefið:-)
Risaknús til allra
Sandra

Vil enda á leiðsögn frá Ikeda:

8.ágúst

Nútíminn, eins og ég er viss um að þið skynjið öll, er mettaður af þreytu og sinnuleysi. Ég vil að þið séuð meðvituð um að þjónusta við mannkynið á svo sundruðum tímum getur aðeins komið til með kröftugum, óbugandi, göfugum vilja. Þótt að tíðarandinn sé uppfullur af ómerkilegum árekstrum fólks, yfirþyrmandi vonleysi og alls kyns hamförum, þá vona ég að þið berjist öll áfram, hughraust og kjarkmikil.

The present, as I am sure you all sense, is an age pervaded by great weariness and apathy. I would like you to be aware that the power and energy to serve humanity in such an enervated age can only be born from a vigorous, indomitable, noble will. Though the times may be rife with petty human conflicts, a pervading sense of hopelessness and all manner of turbulent storms, I hope that all of you will forge ahead boldly, with unflagging good cheer.

Þýtt úr For today & tomorrow, daily encouragement, Daisaku Ikeda

Leiðsögn dagsins

2009-09-11T21:45:00.000Z

11.september

Ekkert jafnast á við styrk þeirra sem hafa brotist í gegnum áskoranir og sigrast á erfiðleikum í lífi sínu. Slíkt fólk óttast ekkert. Tilgangur búddískrar iðkunnar okkar er að byggja upp slíkan styrk og hugrekki. Að rækta upp svo ósigrandi innri kjarna er í sjálfu sér sigur. Það er líka besti ávinningurinn. Þeim sem tekst vel til í þessari viðleitni munu njóta óviðjafnanlegrar hamingju; þeir munu birta æðsta ástand búddatignar.

Nothing can match the strength of those whose lives have been shaped and forged through challenging and overcoming hardships. Such people fear nothing. The purpose of our Buddhist practice is to develop such strength and fortitude. To cultivate such an invincible core is in itself a victory. It is also the greatest benefit. Those who can succeed in this endeavor will savor unsurpassed happiness; they can manifest the supreme state of Buddhahood.

Þýtt úr For today & tomorrow, daily encouragement, Daisaku Ikeda

vildi

2009-09-02T19:42:00.005Z

bara sýna ykkur hvað sólarlagið var gullfallegt í byrjun vikunnar:-)

Svo eru líka fleiri myndir af sólarlaginu á myndasíðunni minni:-)
Nóg frá mér í bili...
Vona að þið hafið það sem allra best elsku vinir:-)

Vil enda á leiðsögn frá Ikeda:

10.nóvember

Það eru mörg mismunandi hlutverk og störf sem fólk hefur í samfélaginu. Á meðan hvert hlutverk er auðvitað mikilvægt, þá er það grundvallarhlutverk sem við höfum sem Búddistar sem er að vera heimspekingar í sambandi við lífið og mannkynið það sem getur fært mannkyninu ævarandi verðmæti. Við erum leiðtogar í hamingju og skaparar friðs. Í þeim skilningi, er hlutverk okkar einstakt.

There are various kinds of careers and roles that people fill in society. While each role of course has significance, the fundamental role that we each play as a Buddhist is that of philosopher of life and of humanity who can impart eternal value to humankind. We are leaders of happiness and creators of peace. In this sense, our role is unique.

Þýtt úr For today & tomorrow, daily encouragement, Daisaku Ikeda

allt

2009-08-31T17:02:00.002Z

rólegt hér á bæ:-)
Það eru margskonar veikindi í kringum mig hjá vinum og vandamönnum og sjálf var ég ekki nógu hress um helgina, var með magapínu, kvef og hausverk og fyrir nokkrum dögum fékk ég mikla magaveiki og þurfti að fara heim úr vinnu einn daginn eftir hálfan vinnudag, en það er allt saman að jafna sig:-)

Vinnan gengur vel og ég er að taka mig á í skipulagi og undirbúningi og kláraði á föstudaginn að undirbúa þessa viku, var með allt tilbúið, ljósritað, niðurskrifað og allar bækur og gögn á sínum stað:-)
Það er nefnilega alltaf hægt að bæta sig og batnandi manni er best að lifa:-)

Svo fer námið hjá mér að byrja fljótlega og er ég aðeins byrjuð að undirbúa mig, skoða námsgögn og panta bækur:-)
Nú er komið á hreint að ég verð í einum áfanga þessa önn og er ég sátt við það:-)
Við vinkonurnar verðum saman og verður það spennandi, einkum þar sem vinkona mín er að byrja í meistaranáminu:-)

Hef lítið geta komist í leikfimi undanfarið vegna krankleika, en það verður tekið með trompi fljótlega, einkum þegar hotjógað byrjar aftur á laugardögum, og nú eru enn fleiri tækifæri til að komast þar sem jóga verður líka kennt í Mosó, hér hinumegin við götuna:-)

Annars er nóg framundan, fundir, kyrjun, skóli og svo er ungmennabúddistanámskeið næstu helgi sem ég ætla á:-)

Læt þetta duga í bili og óska ykkur góðrar viku:-)
Knús og kossar til allra..
Sandra skólakona:-)

Vil enda á leiðsögn frá Ikeda um velgengni:

28.ágúst

Velgengni snýst ekki um að sanka að sér hinu eða þessu; hún mælist ekki í magni. Hún snýst um að breyta gæðunum í lífum okkar. Auður, völd, frægð og þekking ein og sér geta ekki gert okkur hamingjusöm, sama hversu mikið við öðlumst af þessu. Né heldur getum við tekið þetta með okkur þegar við deyjum. En með því að bæta gæðin í lífum okkar getum við loksins öðlast sanna hamingju.

Success is not a matter of accumulating more of this or that; it is not measured in quantity. It means changing the quality of your life. Wealth, power, fame and knowledge alone cannot make you happy, no matter how much of these you acquire. Nor can you take them with you when you die. But by improving the quality of your life you will at last approach true happiness.

Þýtt úr For today & tomorrow, daily encouragement, Daisaku Ikeda

Ástfangin

2009-08-25T22:31:00.002Z

af lífinu:-)

Þakklæti og ást, ómetanlegar, sannar og djúpar tilfinningar sem eru mér ofarlega í huga, stór orð sem eru hver túlkar fyrir sig í lífi sínu.

Lifa í núinu, upplifa augnablikið, einbeita sér að því sem er að gerast hér og nú.

Litlu augnablikin, fjölbreytnin, dýr, umhverfi, bækur, myndir, falleg tónlist, tónar, textar, ægifögur náttúra, fjöll, haf, himinn.

Gohonzon, stórkostleg leið til eilífðar sannrar hamingju, friðar og ábyrgð á eigin lífi, hátt lífsástand, góð heilsa andlega og líkamlega, fæðast og lifa á mínu ástkæra Íslandi, landi náttúru, hreinleika og friðar, skemmtileg og gefandi vinna, frelsi.
Yndislegar stórar og litlar mannverur sem umvefja aðra, sönn umhyggja, vinátta, umburðarlyndi, virðing, hlátur, samvera, notalegar stundir, stuðningur í gleði og sorg.
Ómetanlegt, þetta er ekki hægt að kaupa út í búð.

Þak yfir höfuðið, farartæki, nóg í sig og á, tækifæri til náms, sjónvarp, tölva og símtæki til að hafa samskipti um allan heim og svo margt annað dót og hlutir.

Maður þarf ekkert meira:-)

Ég er rík kona:-)

Leiðsögn dagsins

2009-08-21T22:45:00.001Z

22.ágúst

Það er ekki spurning um umhverfi þitt eða þá sem eru í kringum þig, né heldur hvernig samtökin eða leiðtogarnir eru. Að láta stjórnast af slíkum utanaðkomandi áhrifum er tilgangslaust. Þetta veltur allt á einni manneskju: þér. Það sem skiptir máli er að þú verðir stórkostlegt leiðarljós sem skín af gleði og hamingju og lifir lífi þínu af sjálfstrausti og hugrekki. Ef þú ljómar eins og sól, þá getur ekki verið neitt myrkur í lífi þínu.

It is not a question of your environment or those around you, nor what the organization or leaders may be like. To be swayed by such externals is pointless. It all comes down to one person: you. What matters is that you become a brilliant beacon, shining with joy and happiness and live your life with confidence and courage. If you shine with a radiant light, there can be no darkness in your life.

Þýtt úr For today & tomorrow, daily encouragement, Daisaku Ikeda

Þessa

2009-08-19T22:16:00.002Z

dagana erum við á fullu að undirbúa kennslu, koma stofunum í lag, sitja námskeið og fundi og margt fleira:-)
Hef stundum verið þreytt eftir langa daga þessa viku en í dag hafði ég orku til að fara í leikfimi beint eftir vinnu í stað þess að fara heim og leggja mig:-)
Er nokkuð ánægð með mig því ég ætla að reyna að hafa leikfimi og hreyfingu einnig á dagskránni í vetur þó ég komist kannski ekki jafnoft í viku eins og ég gerði í sumar;-)

Svo var ég eiginlega búin að afskrifa jógatímana því sú sem kenndi hotyoga í Laugum í sumar er farin að kenna annarsstaðar, en ég komst að því í dag að hotyoga verður áfram kennt í World Class, því það er komin annar kennari í staðinn:-)
og því stefni ég á að halda áfram að stunda jóga sem er alveg frábært:-)

Kennslan byrjar í næstu viku og svo byrja námskeið í Kennó bráðum, stefni á að halda áfram námi í vetur:-)

Nóg í bili, er á leið í bólið og segi því bara góða nótt og fagra drauma:-)

Sandra syfjaða..

Gef Ikeda orðið:

16.ágúst

Vissulega munu koma tímar þar sem þú óskar þess að þú hefðir meira fé milli handa, meiri tíma til að sofa og meiri tíma til skemmtanna og tómstundaiðkanna. Þér getur fundist þú takmarkaður núna, en þú ættir að líta á núverandi aðstæður þínar sem hinar fullkomnu kringumstæður fyrir vöxt þinn. Innan þeirra takmarkana sem skilgreina núverandi tilveru þína, er það eina í stöðunni að aga sjálfan þig og halda í átt að vexti og sjálfsbetrun. Í því ferli að leggja þig allan fram í slíkri viðleitni, muntu án efa, efla og styrkja sjálf þitt.

Þýtt úr For today & tomorrow, daily encouragement, Daisaku Ikeda

Certainly there will be times when you wish you had more spending money, more time to sleep and more time for fun and recreation. You may feel restricted now, but you should consider your current situation as the perfect set of circumstances for your growth. Within the restrictions that define your present existence, the only thing to do is to discipline yourself and head in the direction of growth and self-improvement. In the process of exerting yourself in such endeavors, you will without a doubt build and strengthen your character.

þá

2009-08-14T20:56:00.002Z

er sumarfríi lokið og alvaran tekin við;-)
Er búin að vera á tveggja daga námskeiði sem tengist lestri, lestrarkennslu og fleira og virkar þetta spennandi og nothæft allt saman og góð áskorun fyrir kennarann sem vill bæta sig, endurskoða, auka áhuga nemenda og þróa kennsluna:-)
Ætlunin er að taka upp þessa hugmyndafræði og kennsluhætti í 1. og 2. bekk og fylgir þessu þróunarverkefni þónokkur endurmenntun, námssmiðjur, undirbúningur, fundir og eftirfylgni:-)

Auk þessarar símenntunar sem safnast saman (því kennarar þurfa að ná 150 tímum í endurmenntun á hverju ári) stefni ég á að taka 1-2 námskeið í Kennó í vetur:-)

Að öðru leyti er allt rólegt ennþá:-)
Hef fengið góðar og jákvæðar fréttir frá vinum og vandamönnum, auk þess sem margt hefur skýrst sem tengist mínu umhverfi, námi og vinnu og óvissu um ákveðin mál hefur verið eytt og jákvæð niðurstaða fengist:-)

Hef ekki meira að segja í bili...

Eigið góða helgi, njótið lífsins og verið góð hvert við annað:-)
Risaknús og hamingja til ykkar elsku vinir:-)
Sandra kennari, skólakona og margt fleira:-)

Leiðsögn dagsins:

14.ágúst

Hinn þýski höfundur Hermann Hesse (1877-1962) skrifar að því meira sem einhver þroskast, því yngri verður hann. Og vissulega er fullt af fólki sem verður kraftmeira og ötulla, víðsýnna og umburðarlyndara eftir því sem það eldist, lifir við meira frelsi og sjálfstraust. Það er mikilvægt að muna að það að eldast og það að verða gamall er ekki endilega það sama.

Þýtt úr For today & tomorrow, daily encouragement, Daisaku Ikeda

August 14
The German author Hermann Hesse (1877-1962) writes that the more one matures, the younger one grows. And certainly there are many people who, as they age, become increasingly vigorous and energetic, more broad-minded and tolerant, living with a greater sense of freedom and assurance. It is important to remember that aging and growing old are not necessarily the same thing.

Mér

2009-08-11T19:17:00.002Z

líður svo vel núna, er róleg, áhyggulaus og einhvern svona "mjúk" inni í mér:-)
Búin að eiga góðan og fjölbreyttan dag og fengið jákvæðar og fínar fréttir af fólki í kringum mig:-)

Byrjaði daginn snemma, vaknaði í rólegheitum, fékk mér kaffi, las blöðin og kíkti í tölvuna..
Fór í góðan jógatíma hjá Hauki í hádeginu og kom svo við í Kringlunni til að ná mér í gómsætan kaffilatte bolla:-)
Þar hitti ég óvænt frændfólk mitt frá Ísó, ég settist hjá þeim og áttum við gott spjall í tæplega hálftíma:-)
Þannig er að amma mín á Ísó á stórafmæli á laugardaginn:-)
og það á að halda svaka partý af því tilefni á laugardagskvöldið í Keflavík hjá frænda mínum:-)
Því eru ættingjarnir að koma alls staðar að allt frá Ísó til Noregs:-)

Nú jæja þegar ég var búin að kveðja hélt ég áfram för minni og nú var stefnan tekin í afa og ömmuhús í Grafarvogi þar sem ég var búin að mæla mér mót við frænku mína, til að hjálpa henni að taka til í kennsludótinu hennar ömmu, en einnig komu fleiri ættingar í tiltekt og í kaffispjalli komu fram fleiri jákvæðar fréttir:-)

Að tiltekt, kaffisopa og hitting loknum fór ég í bæinn, fékk mér að borða, settist út í sólskinið, hitti kunningja og fylgdist með mannlífinu:-)

Já, yndislegur og fallegur dagur að kveldi kominn:-)

Það eru þessar litlu, fallegu, einföldu hlutir eða stundir sem eru svo yndislegar, gefandi og góðar fyrir sálina og það er svo gott að líða svona vel:-)

t.d. að sitja í sólskininu með kaffibolla í hönd í góðra vina hópi, keyra einn með sjálfum sér og syngja með góðu lagi, eða kannski bara sitja einn á bekk, fylgjast með mannfólkinu og finna ástina og umhyggjuna gangvart lífinu í hjartanu:-)

Læt þetta duga í bili, elska ykkur öll og vona að þið finnið mýktina í sálinni og ástina gangvart ykkur sjálfum og öðrum.

Ef maður getur ekki elskað sjálfan sig, eins og maður er, þá er erfitt að elska aðra..

Vil enda á leiðsögn frá Ikeda:

7. desember

Það er hjartalag okkar sem breytir hjartalagi annarra. Vinskapur breytir fólki. Ferðalangar sem draga herðaslár sínar yfir sig og berjast ákveðið á móti köldum vindi slaka á af sjálfu sér og yfirbragð þeirra og gjörðir breytast þegar sólin yljar þeim.

Þýtt úr For today & tomorrow, daily encouragement, Daisaku Ikeda

vil

2009-08-04T11:21:00.002Z

minna á kertafleytinguna á fimmtudagskvöldið kl 22:30:-)

Annars er allt gott að frétta, er búin að fara þrisvar sinnum í bíó undanfarna daga, allt góðar myndir, en sumar betri en aðrar:-)
Fór á Harry Potter, Karlar sem hata konur og Bónorðið:-)
Hef líka verið dugleg í ræktinni, farið í bæinn og borðað ís og margt fleira:-)

Nóg framundan næstu daga, ætla að hitta vinkonu mína í dag, fer á dragkeppni annaðkvöld, fundur og kertafleyting á fimmtudaginn, gleðigangan og afmælispartý á laugardaginn og þarna inn á milli stefni ég líka á að fara í leikfimi, búðarferð og fleira:-)

Nóg um mig í bili:-)
Eigið góða daga og látið ykkur líða vel:-)
Sandra

Vil enda á leiðsögn frá Ikeda

7.júlí

Mikilvægt er að hafa visku, seiglu og sjálfstjáningu, ásamt sterkum lífskrafti sem gerir þessa hluti mögulega. Búddismi er einbeittur ásetningur til að sigra. Þetta er það sem Nichiren kennir. Þess vegna verður búddisti ekki sigraður. Ég vona að þið munið í starfi ykkar og daglegu lífi viðhalda árvökulum og sigursælum anda, kjarkmikil í gjörðum ykkar og sýna sigursæl raunverulega sönnun aftur og aftur.

Þýtt úr For today & tomorrow, daily encouragement, Daisaku Ikeda

jamm

2009-08-02T18:19:00.003Z

ætla að reyna að rifja upp helgina, þetta er ekki í réttri röð:-)
Leti, tiltekt, sjónvarpsgláp, jógatímar, bílferð og gönguferð á Þingvöllum, heimsóknir, kyrjun, farið í ræktina, tölvuhangs, bíóferð, farið á Austurvöll, borðað ís og horft á fólkið, talað í símann, kvöldganga í Mosó, þvottastúss, bókalestur, man ekki meira í bili:-)

Vona að helgin hafi verið góð og skemmtileg hjá ykkur:-)
Eigið góða viku og notalegar stundir og samveru með fjölskyldu og vinum:-)
Sumarknús og sólarkossar:-)
Sandra...

Leiðsögn frá Ikeda

1.ágúst

Við megum ekki leyfa okkur að verða svo háð skrifræðinu að við tökum sem sjálfsögðum hlut framlagi þeirra sem vinna bak við tjöldin. Né heldur megum við nokkurn tíma gleyma að taka tillit til þeirra fjölskyldumeðlima okkar sem eru ekki að iðka Búddisma Nichiren Daishonin. Við verðum að muna að bak við hverja manneskju innan SGI er önnur, sem styður hann eða hana bak við tjöldin.

Þýtt úr For today & tomorrow, daily encouragement, Daisaku Ikeda

fjölbreyttir

2009-07-27T10:28:00.002Z

dagar að baki:-)

Vinkona mín kom í heimsókn í hádeginu á föstudaginn og við skiptumst m.a. á afmælispökkum og spjölluðum heilmikið:-)
Takk aftur Kristín mín fyrir heimsóknina og pakkann:-)

Eftir kaffi/kóksopa og gott spjall kvaddi Krístín, ég náði í mömmu og við fórum að mótmæla Icesave á Austurvelli, sátum í rúmlega klukkutíma, börðum á lok, sóluðum okkur og fylgdumst með mannlífinu:-)
Síðan keyrði ég mömmu heim, skrapp svo heim, skipti um föt og fór í ræktina:-)
Kom heim, fór í sturtu og sofnaði aðeins í sófanum:-)
Kvöldið fór svo í sjónvarpsgláp og tölvuhangs:-)

Laugardagurinn var fjölbreyttur. Vaknaði snemma og fór í 90 mínútna hotyogatíma:-)
Eftir gufu og sturtu fór ég í Kópavog til að horfa á Jóa bróður keppa í bekkpressu:-)
Mótið gekk vel, Jói lyfti 135 kg og varð Kópavogsmeistari í bekkpressu í sínum þyngdarflokki:-)
Glæsilegur árangur hjá þér Jói minn:-)

Það var líka dálítið fyndið að það var verið að steggja einn af keppendunum og var keppnin liður í steggjadagskránni:-)
En steggnum gekk vel og hann vann meira að segja medalíu:-)
Eftir mótið hélt ég heim á leið, kom við í matarbúð, hvíldi mig svo í sófanum, hringdi í vinkonur og tók því rólega um kvöldið:-)

Í gær var rólegur dagur, dundaði í tölvunni, talaði í símann, kyrjaði, þvoði þvott og margt fleira:-)
Fór svo í tvær heimsóknir í gærkvöldi:-)

Í kvöld er svo stefnt á að fara á Harry Potter með fjölskyldunni:-)

Óska öllum góðrar og skemmtilegrar viku;-)
Stubbaknús...
Sandra

Vil enda á leiðsögn dagsins frá Ikeda:

27.júlí

Búddismi finnst í veruleika samfélagsins og í daglegu lífi. Vegna þess að búddismi er á engan hátt aðskilin frá þessum veruleika, verðum við að leggja okkur fram með framkomu okkar að vera sem bestar fyrirmyndir fyrir aðra.

Þýtt úr For today & tomorrow, daily encouragement, Daisaku Ikeda

Hér

2009-07-24T11:14:00.002Z

er hluti af færslu sem ég skrifaði fyrir um 2 árum og tengist þakklæti til landsins okkar:-)
Vil setja þessi skrif aftur hér inn því þessi djúpa þakklætistilfinning mín til Íslands hefur ekkert breyst:-)

Svona er færslan frá 25 júlí 2007:

Ég elska íslenska náttúru, fjöllin, mosann, fossana, hraunið, dalina, vötnin, malarvegina, fjöruna, sjóinn, gróðurinn, sandinn;-)

Gerið þið ykkur grein fyrir því hvað við erum rík og heppin að eiga svona fallegan og ósnortinn fjársjóð?

Eftir að hafa ferðast mikið um landið undanfarna daga er ég alltaf að uppgötva þetta betur.
T.d. að keyra malarveg milli fjalls og fjöru, eða keyra með mosagrónar hraunbreiður allt í kring, það er bara stórkostlegt:-)

Að geta farið upp í bíl og keyrt eitthvað út fyrir þéttbýlið, verið ein á veginum, þurfa að treysta farartækinu og sjálfum sér við stýrið, stoppa, fara úr bílnum, setjast á hraunhellu, grasblett eða mosaklætt grjót, ekkert nema náttúran í kring, friður og ró, þvílíkt frelsi og lúxús:-)

Það má bara alls ekki skemma umhverfið og þennan dýrmæta fjársjóð með einhverjum verksmiðjum og álverum og hvað þetta heitir allt saman.

Heyrumst..
Sandra náttúruunnandi í sumarfríi..

Góðan

2009-07-24T10:25:00.002Z

og gleðilegan sólardag:-)
Héðan er allt gott að frétta.
Dagarnir renna stundum saman og man ég stundum varla hvað ég hef haft fyrir stafni, en ætla samt að reyna að rifja upp vikuna:-)
Það er nefnilega gott og gaman að halda svona dagbók og þegar frá líður er hægt að fletta hér upp og skoða hvað hefur á dagana drifið:-)

Á mánudaginn var ég að dunda í þvottastússi, tiltekt og myndavinnu, og slaka á eftir frábæra og góða Vestfjarðaferð:-)

Á þriðjudeginum fór ég í hádeginu í þrek og þolleikfimitíma í Laugum, þar sem við vorum að lyfta handlóðum, stöngum, teygja og nota palla:-)
Eftir leikfimi og gufu náði ég í mömmu og við fórum á kaffihús og miðbæjarrölt:-)
Kvöldinu var svo varið í sjónvarpsgláp og rólegheit..

Á miðvikudaginn fór ég í ræktina í Mosó og tók góða törn á skíðabrettinu:-)
Fór svo í útréttingar og fleira eftir það....

Í gær byrjaði ég daginn á að fara í sund í Mosó:-)
Fór svo heim, dundaði eitthvað og fór svo seinnipartinn í hotjóga í Laugum:-)
Eftir jóga og gufu fékk ég mér að borða, náði svo í vinkonu mína og við fórum á notalegan og skemmtilegan búddistafund:-)

Dagurinn í dag er ekki alveg planaður, reikna með að fara í sund eða leikfimi, og er svo að hugsa um að kíkja á mótmælin við Alþingishúsið:-)

Ekki er mikið planað um helgina, en stefnt er á að fara á Harry Potter um helgina og svo er Jói bróðir að keppa í lyftingum á sunnudaginn og ætla ég að reyna að kíkja þangað:-)

Jamm, það er gott að vera í sumarfríi, geta farið hvert sem maður vill, hvenær sem er og njóta sumarsins og sólarinnar:-)

Vona að ykkur líði vel:-)
Hafið það sem best um helgina og gangið hægt um gleðinnar dyr;-)

Nam-mjó-hó-renge-kjó:-)
Sandra sumardama..

Leiðsögn dagins:
23.júlí

Ef við öðlumst lífsástand Búdda í þessu lífi, mun það ástand fylla líf okkar að eilífu. Gegnum hringrás fæðingar og dauða, á hverju lífsskeiði, erum við blessuð með góðri heilsu, auði og greind, ásamt stuðningsfullu, þægilegu umhverfi, og lifa lífum sem eru yfirfull af gæfu. Hvert okkar mun líka hafa ákveðið hlutverk og vera fædd í viðeigandi aðstæðum til að uppfylla það.

Þýtt úr For today & tomorrow, daily encouragement, Daisaku Ikeda

Leiðsögn um æskuna

2009-07-21T23:30:00.001Z

19.júlí

Æskan er sannarlega undursamlegt fyrirbæri. Því er nú samt verr að þetta kunnum við oft ekki að meta meðan við erum ung. Lífið rennur hratt hjá. Áður en við vitum af erum við orðin gömul. Það er þess vegna sem við ættum meðan við erum ung að vera eins athafnasöm og við mögulega getum. Frekar en að lifa lífi sem skilur ekki eftir minningar ættum við að lifa lífi sem er stútfullt af minningum - baráttum sem við tókumst á við og dásamlega fjölbreyttar reynslur. Að skilja ekki eftir neina sögu, að eldast bara og deyja, er sorgleg leið til að lifa.

Þýtt úr For today & tomorrow, daily encouragement, Daisaku Ikeda

1951: ungra kvenna deild stofnuð

Fórum

2009-07-20T22:48:00.004Z

í skemmtilega, flotta og fjölbreytta Vestfjarðarferð um helgina:-)
Lögðum af stað seinnipart föstudags, keyrðum í gegnum Borgarnes, fórum Bröttubrekku, framhjá Bjarkarlundi og héldum áfram sem leið lá til Austur- Barðastrandasýslu, kíktum á Gíslahelli Súrssonar, enduðum svo á tjaldsvæðinu í Litluhlíð eftir miðnætti, skelltum upp tjöldum og fengum okkur nætursnarl:-)
Gistum þar um nóttina, tökum saman dótið, borðuðum morgunhressingu og kíktum svo í kaffi til afa þar sem Jói og Lára prófuðu fjórhjólið;-)

Eftir gott kaffi, heimsókn í sumarbústaðinn Kringuna og spjall lögðum við af stað, fórum yfir Kleifaheiði og keyrðum á Látrabjarg. Við stoppuðum góðan tíma þar, löbbuðum um, skoðum fugla og náttúrufegurðina, fengum okkur snarl og slökuðum á:-)
Þaðan lá leiðin í Látravík, þar sem 350 kílógramma steinninn Brynjólfstak fékk kollsteypu nokkrum sinnum og svo var haldið áfram á Rauðasand:-)
Þar láum við í sólbaði og fylgdumst með fjölda fólks vaða í sjónum..

Eftir sólbað var keyrt á Patró þar sem var tekið bensín, kaffi og klósettstopp og þaðan lá leiðin á Suðurfirðina, inn í Arnarfjörð og í einum af innfjörðum hans sem heitir Reykjafjörður fundum við þetta fína ókeypis tjaldsvæði með dásamlegum náttúrulegum heitapotti, sundlaug og illa viðhöldnum karmi:-)
Gaman er að geta þess að langamma er fædd og uppalin í bænum Hvestu sem er einmitt á þessum stað:-)
Nú jæja, við drifum upp tjöldin, fórum í hlýja og góða pottinn og í framhaldi gerði karlpeningurinn sér lítið fyrir og fór í sjósund:-)
Eftir það var kíkt í sundlaugina og skolað af sér..
Að þvotti loknum var tekið til við að græja matinn og grilla..
Fyrir svefninn fór ég aftur í pottinn til að ná hlýju í kroppinn fyrir nóttina, þar sem mér hafði verið frekar kalt í tjaldinu nóttina áður;-)

Morguninn eftir var tekið saman og borðað morgunmat og áfram hélt leiðin um Arnarfjörð, yfir Dynjandisheiði og yfir á Hrafnseyri til að skoða gamla bæinn, fá kaffisopa og meðlæti og teygja úr okkur.

Þaðan lá leiðin yfir í Lokinhamra, mjög falleg leið, mikilfenglegt landslag og seinfarin vegur á köflum sem liggur m.a. annars í gegnum Stapaklett og fjöru. Því verður að sæta sjávarföllum til að komast í Lokinhamra:-)
Stopuðum til að skoða bæinn Lokinhamra sem er orðin að rústum og bæinn Aðalból sem er verið að gera upp núna.
Á leiðinni keyrðum við framhjá hópi hlaupara sem voru að taka þátt í Vesturgötuhlaupi:-)
Á leiðinni stoppuðum við hjá Svalvogum, hvíldum lúin bein og nærðum maga og munn:-)
Síðan komum við niður hjá Sveineyri, keyrðum áfram til Þingeyrar og skoðuðum víkingaþorpið:-)

Að lokum fórum við til Flateyrar, komum við í kirkjugarðinum til að skoða leiðið hennar Mæju ömmu og fórum svo í heimsókn og matarboð til vinafólks:-)
Eftir matinn fórum við í stutta gönguferð um Flateyri og svo var keyrt í bæinn, gegnum Djúpið, yfir Hestakleif, svo yfir Steingrímsfjarðarheiði, þaðan yfir á Þorskafjarðarheiði, framhjá Laugum í Sælingsdal, yfir Bröttubrekku, gegnum Borgarnes og Hvalfjarðargöngin og þá vorum við komin hringinn:-)
Við fórum allan þennan stóra hring á 56 tímum:-)

Frábær, viðburðarík og góð ferð, ný og gömul upplifun, margt nýtt og gamalt að sjá, lærði mikið um útlegulífsmáta og það var gott og fallegt veður mestallan tímann:-)
Allar myndirnar rúmlega 250 talsins má sjá í tímaröð í myndasafninu hér til hliðar:-)

ENDIR

Elsku

2009-07-14T20:15:00.002Z

vinir og vandamenn:-)
Vil þakka kærlega fyrir mig á þessum fallega og góða afmælisdegi:-)
Takk fyrir skilaboðin, kveðjurnar, símtölin, heimsóknir, samveru, spjall og gjafir:-)
Fékk konfekt, blóm, bækur, heyrnartól, snyrtivörur og minniskort í myndavélina mína:-)
Hér var fullt hús af ættingjum og vinum á öllum aldri:-)
Myndir frá deginum má finna í myndasafninu hér til hliðar á síðunni:-)
Ég vil líka óska öllum afmælisbörnum dagsins til hamingju:-)
Kær kveðja
Sandra afmælisbarn

Leiðsögn dagsins:

14.júlí

Ríkisstjórnir koma og fara, efnahagsmál rísa og falla og þjóðfélagið er háð sífelldum breytingum. Einungis sú góða gæfa sem við höfum safnað saman í lífum okkar endist að eilífu. Hinir sönnu sigurvegarar eru þeir sem rækta Búddaeðlið meirihluta lífs síns, og ná árangri bæði í þjóðfélaginu og einkalífinu með sannri trú og sönnum lífsmáta.

Þýtt úr For today & tomorrow, daily encouragement, Daisaku Ikeda

góður

2009-07-10T23:05:00.003Z

dagur í dag.
Vaknaði snemma, kíkti út um gluggann, sá sól og sumar, fór í sturtu, klæddi mig og dreif mig út:-)
Hef reynt að fara a.m.k. einu sinni á sumri upp á Esju og sá að nú var tækifærið, gott veður og allur dagurinn framundan svo Esjuganga varð fyrir valinu:-)
Skoraði á sjálfa mig og fór lengra í dag heldur en ég hef gert áður:-)
Hélt áfram upp, manaði mig að fara alla leið upp að Steini og varð glöð og stolt af mér þegar þangað var komið:-)
Myndasýningu má sjá á myndasíðunni hér til hliðar:-)

Þegar ég geng á Esjuna fer ég varlega, bæði á uppleið og niðurleið, t.d. þarf að feta sig á milli steina eða passa sig að renna ekki í lausamöl, auk þess sem ég stoppaði nokkrum sinnum á leiðinni og því tók ferðin upp og niður um 3 tíma, en var alveg þess virði:-)
Ég var alveg búin á því þegar ég kom niður, þreytt, sveitt og sólbrennd, kom við á KFC, fékk mér að borða og lagðist svo upp í sófa þegar heim var komið:-)

Hef fengið góðar og jákvæðar fréttir af vinum og fjölskyldu undanfarna daga og óska ég ykkur öllum velfarnaðar og stórra sigra á öllum sviðum lífsins:-)

Við fjölskyldan erum búin að plana smá ferðalag um Vestfirði næstu helgi, gaman að því og gott að komast aðeins út úr bænum:-)

Nóg í bili frá mér.
Njótið sumarsins, farið varlega í umferðinni og gangið hægt um gleðinnar dyr:-)
Sandra sólbrennda...

Leiðsögn dagsins:

10.júlí

Beethoven er kallaður snillingur. En við þurfum að muna að snilld hans var afrakstur ótrúlegs erfiðis. Þegar allt kemur til alls, er þetta mikil vinna, þolinmæðis-vinna. Þú getur ekki orðið manneskja af bestu gerð ef þú hefur kæruleysislegt og léttúðugt viðmót til lífsins, ef þú heldur að allt gerist bara af sjálfu sér. Þessvegna voru einkunnarorð Beethoven’s “minnst ein lína á dag.” Og það brást ekki að á hverjum degi skrifaði hann músík. Hann lét ekki einu sinni einn dag líða án þess að vinna eitthvað. Að halda áfram daglega- þetta er eins og iðkun okkar á gongyo. Að halda linnulaust áfram, hvern dag, er uppspretta stórkostlegs styrks.

Þýtt úr For today & tomorrow, daily encouragement, Daisaku Ikeda

þessa

2009-07-08T12:08:00.003Z

viku hef ég farið í nokkrar heimsóknir og verið í samskiptum við vinir og kunninga :-)
Á mánudaginn fór ég í hádegisheimsókn til vinkonu minnar, mikið spjallað og hlustað:-)
seinnipartinn á mánudaginn fór ég á sjálfvarnarnámskeiðið, þaðan niður á Laugaveg, labbaði um og fékk mér að borða á veitingastaðnum Á næstu grösum, og að lokum lá leiðin upp í Grafarvog þar sem ég hitti stelpurnar sem ég útskrifaðist með úr Ármúlaskóla forðum daga:-)

Í gær var ég róleg framan af degi, fór í sund, horfði á minngarathöfn um Michael Jackson og fór svo í bíó með vinkonum mínum, Heiði og Guðrúnu:-)
Eftir bíóferðina var einhver óróleiki og sumarfílingur í mér, svo ég skrapp heim, náði í myndavélina og keyrði svo af stað út í náttúruna:-)

Fór að Mógilsá, tók nokkrar myndir, hélt svo áfram út á Kjalarnes, skoðaði Grundarhverfi og fleiri staði, tók myndir og keyrði svo út í Hvalfjörð, fór ekki langt þar, tók myndir og sneri svo við heim á leið:-)
Myndirnar má sjá í myndasafninu mínu hér til vinstri á síðunni:-)

Í dag fer á ég á sjálfvarnarnámskeiðið kl. 17:00 og í framhaldi er búddistafundur kl. 20:00:-)
Svo er framhaldið á vikunni óráðið, fyrir utan sjálfvarnarnámskeiðið á föstudaginn og búddistafund annaðkvöld:-)

Sendi knús og kossa og góða orku til ykkar yndislegu vinir:-)
Over and out
Sandra

Leiðsögn dagsins:
8.júlí

Við þurfum að byggja okkur ákveðna undirstöðu stöðugrar og þrautseigrar viðleitni í daglegu lífi. Ef við ferðumst á þeirri braut að “trú jafngildir daglegu lífi,” mun öllum okkar bænum örugglega verða svarað. Þá getum við lifað lífum þar sem allar þrár okkar verða uppfylltar. Ef öllum okkar bænum yrði svarað án þess að við þyrftum að leggja neitt á okkur, mundum við verða löt. Ef við mundum ná öllum okkar væntingum án þess að þurfa nokkurn tíman að reyna þjáningar eða erfiðleika, mundum við ekki skilja sársauka og strit annarra, og samúð okkar mundi smá saman dvína.

Þýtt úr For today & tomorrow, daily encouragement, Daisaku Ikeda

FRÁ DEGI TIL DAGS

2009-07-07T00:32:00.001Z

7.júlí

Mikilvægt er að hafa visku, seiglu og sjálfstjáningu, ásamt sterkum lífskrafti sem gerir þessa hluti mögulega. Búddismi er einbeittur ásetningur til að sigra. Þetta er það sem Nichiren kennir. Þess vegna verður búddisti ekki sigraður. Ég vona að þið munið í starfi ykkar og daglegu lífi að viðhalda árvökulum og sigursælum anda, vera kjarkmikil í gjörðum ykkar og sýna sigursæl raunverulega sönnun aftur og aftur.

Þýtt úr For today & tomorrow, daily encouragement, Daisaku Ikeda

Aðeins

2009-07-07T00:19:00.002Z

meira frá 2002.

30. júlí 2002.

Líður vel núna. Klukkan er um miðnætti. Þriðjudagur. Voða kósý með veggljós og ilmkerti. Sit við borðstofuborðið og er umkringd af skólabókum. Gengur ok með lesturinn. Er samt að bíða eftir glósum frá kennaranum.

Ég er í fríi á morgun. Vinn svo törn. Vinna um helgina og næstu viku. Gott að hala inn pening. Verð á 90% álagi 5. ágúst.
Útborgað á morgun eða hinn, spennó að sjá launaseðil. Svo er skatturinn að koma. Gaman að sjá það. Fór í klippingu í dag og með fötin í hreinsun. Þreif og lærði.

Ég keypti símann um daginn. Nokia 5210, kostaði 30.000 með töskunni. Notaði gjafabréfið. Þetta er sniðugt.
Annars allt rólegt. Lítið að gera í vinnunni. Í gær voru 4 starfsmenn á 2 íbúa.

Gaman að byrja í skólanum. Ekkert nema saga, íslenska og siðfræði. Engin stærðfræði nema ég klúðri þessu aftur!
Nenni ekki að gera nýja heimasíðu svo ég skal drullast til að ná þessu. Annars er samviskubitið að pirra mig þessa dagana vegna lærdómsskorts.
Þetta líður svo hratt. Það er bara komin ágúst.
Skólinn byrjar 2. eða 3. sept.
Er að vinna helgina 31. ágúst/1. sept. Allt í góðu með það.
More money. Go on mit stæ.

5.júlí

2009-07-05T18:21:00.000Z

5.júlí

Hvaða merkingu hefur það fyrir okkur að öðlast búddatign? Það þýðir ekki að einn daginn breytumst við í búdda eða verðum uppljómuð eins og fyrir töfra. Það má eiginlega segja að það að öðlast búddatign þýði að við höfum örugglega farið inn á veg, eða braut, búddatignar sem er innbyggður í alheiminn. Frekar en að það sé endastöð þar sem við komum og verðum svo þar, það að öðlast uppljómun þýðir að öðlast trú, trúnna sem þarf til að halda áfram á vegi algjörrar hamingju, takmarkalaust og án enda.

Þýtt úr For today & tomorrow, daily encouragement, Daisaku Ikeda

gamalt textabrot

2009-07-03T13:34:00.002Z

Lífsljóð

Hver ert þú og hver er ég?
Ég er ég og þú ert þú.
Vil ég vera þú og vilt þú vera ég?
Nei það held ég ekki.
Eða hvað?
En eitt eigum við sameiginlegt.
Við lifum.

Hvað er líf og hvaðan kom það?
Líf er líf hvernig sem það er.
Það snýst hring eftir hring, kynslóð eftir kynslóð og er óstöðvandi.
Hvernig er lífið?

Gengur þú í gegnum lífið með pókerandlit og dofa í sálinni, eða
ertu þú sjálfur og lifir lífinu lifandi?

Hvernig tökumst við á við tilfinningar, breytingar, atvik, viðburði, mannleg samskipti og daglegt líf?
Brotnum við niður eða notum það til að styrkja og næra sálina?
Kanntu að taka hrósi og jákvæðni samferðamanna í þinn garð?
Hvað þá með gagnrýni og neikvæðni?

Hver dagur er lærdómsríkur og allt lífið erum við að læra.
Árin líða fljótt, en maður þroskast og styrkist með hverju ári.

Þetta ljóð varð til 19. mars 2005

Yndislegur

2009-07-03T12:33:00.002Z

dagur í dag, sól, logn og hiti:-)

Fór á Transformers 2 um daginn, skemmtileg mynd en frekar löng, mæli samt með henni:-)
Stefni á að fara á myndina Hangover með vinkonum mínum í næstu viku, bara alltaf í bíó:-)

Stór helgi framundan hjá SGI, leiðtoganámskeið á morgun þar sem gestir frá Japan verða með okkur og svo er Kosen-rufu gongyo á sunnudaginn þar sem einn eða fleiri meðlimir eru að taka við Gohonzon:-)
Vil ég óska Helgu Margréti hjartanlega til hamingju með Gohonzon sem hún fær á sunnudaginn:-)

Hvað hef nú verið að dunda?
ýmislegt s.s. kyrjað, sofið út, farið í leikfimi, saumaklúbb, dansiball, fundi, heimsóknir, bíó og á mótmæli á Austuvelli þar sem ég bæði sló í gong af miklum móð og á pottlokið:-)

Jamm, það er nú dámsamlegt að vera í sumarfríi:-)

Kveð í bili..
Sendi knús og kossa og jákvæða orku...
Nam-hjó-hó-renge-kjó..

Leiðsögn dagsins:

3.júlí

Þeir sem eiga sér leiðbeinanda (fyrirmynd) í lífinu eru sannarlega gæfusamir. Að fylgja vegi leiðbeinanda og nemanda leiðir til persónulegs þroska og vaxtar. Hinir sem hafa ekki leiðbeinanda geta litið út fyrir að vera frjálsir og óháðir nokkrum, en án staðfasts viðmiðs eða fyrirmyndar til að byggja á munu líf þeirra vera stefnulaus og reikandi.

Dagur meistara og lærisveins

1945: Josei Toda sleppt úr Toyotama fangelsi

1957: Daisaku Ikeda handtekin í Osaka undir fölskum ákærum

Þýtt úr For today & tomorrow, daily encouragement, Daisaku Ikeda

Leiðsögn

2009-07-02T14:14:00.000Z

29.júní

Hið mikilvæga er að sækja fram af skynsemi og leggja á sig erfiði til að vera sigurvegari á hverju augnabliki, nákvæmlega þar sem þú ert; að byrja eitthvað hér og nú í staðinn fyrir að kvarta og hafa áhyggjur af öllu sem gerist. Það er upphafið að því að umbreyta lífum okkar.

Þýtt úr For today & tomorrow, daily encouragement, Daisaku Ikeda